ವಾಸ್ತು ಟಿಪ್ಸ್​: ವಿದ್ಯೆ ತಲೆಗೆ ಹತ್ತುತ್ತಿಲ್ಲವೇ..? ಸ್ಟಡಿ ರೂಂನಲ್ಲಿರಲಿ ಈ ಬದಲಾವಣೆ..!

ಎಷ್ಟೇ ಕಷ್ಟ ಬಿದ್ದರೂ ಒಮ್ಮೊಮ್ಮೆ ಓದಿದ್ದು ತಲೆಗೆ ಹತ್ತುವುದಿಲ್ಲ. ಏನೆಲ್ಲಾ ಸರ್ಕಸ್ ಹೊಡೆದರೂ ವಿದ್ಯೆ ಎನ್ನುವುದು ಕೆಲವರಿಗೆ ನೈವೇದ್ಯವೇ. ವಾಸ್ತು ಶಾಸ್ತ್ರದ ಪ್ರಕಾರ ಒಂದು ಮನೆಯಲ್ಲಿ ಋಣಾತ್ಮಕ ಶಕ್ತಿಯು ಆವರಿಸಿದ್ದರೆ ಅಂತಹ ಮನೆಯವರಲ್ಲಿ ಮಾನಸಿಕ ಒತ್ತಡ ಹೆಚ್ಚಾಗಿರುತ್ತದೆ. ಈ ಮಾನಸಿಕ ಒತ್ತಡದಿಂದಾಗಿ ಓದಿನ ಬಗ್ಗೆ ಬೇಸರ ಮೂಡುತ್ತದೆ. ಓದಬೇಕು ಎಂದು ಮನಸ್ಸು ಮಾಡಿದರೂ ಅದು ಸರಿಯಾಗಿ ತಲೆಗೆ ಹೋಗುವುದಿಲ್ಲ. ಎಷ್ಟೇ ಓದಿದರೂ ಅದು ಮನಸ್ಸಿನಲ್ಲಿ ಕೂರುವುದಿಲ್ಲ. ಬದಲಾಗಿ, ಒಂದೇ ಕ್ಷಣದಲ್ಲಿ ಮರೆತು ಹೋಗುತ್ತದೆ.

ವಾಸ್ತು ಶಾಸ್ತ್ರದ ಪ್ರಕಾರ ನೀವು ಓದುವ ಕೋಣೆಯಲ್ಲಿ ಕೆಲವು ಬದಲಾವಣೆ ಮಾಡಿಕೊಂಡರೆ ನೂರು ಪ್ರತಿಶತ ನಿಮಗೆ ಒಳ್ಳೆಯದಾಗುತ್ತದೆ. ನೀವು ಓದಿದ್ದು ನಿಮಗೆ ದಕ್ಕುತ್ತದೆ. ನಿಮ್ಮ ಜೊತೆಯವರಿಗಿಂತಲೂ ನೀವು ಬುದ್ಧಿವಂತರಾಗುತ್ತೀರ. ಸ್ಟಡಿ ರೂಂ ಅಥವಾ ಓದುವ ಕೊಟ್ಟಡಿಯಲ್ಲಿ ಯಾವ ಬದಲಾವಣೆ ಮಾಡಿಕೊಂಡರೆ ವಿದ್ಯಾರ್ಥಿಗಳಿಗೆ ಒಳ್ಳೆಯದು ಎಂಬುದನ್ನು ಈ ಲೇಖನದಲ್ಲಿ ತಿಳಿಯೋಣ.

1. ವಾಸ್ತು ಶಾಸ್ತ್ರದ ಪ್ರಕಾರ ಮಕ್ಕಳ ಓದುವ ಕೋಣೆಯು ಉತ್ತರ ದಿಕ್ಕಿನಲ್ಲಿರಬೇಕು ಅಥವಾ ಈಶಾನ್ಯ ದಿಕ್ಕಿನಲ್ಲಿದ್ದರೂ ಪರವಾಗಿಲ್ಲ.

2. ಸ್ಟಡಿ ರೂಂನಲ್ಲಿರುವ ಪುಸ್ತಕಗಳ ರ್ಯಾಕ್ ಪೂರ್ವ ದಿಕ್ಕಿನಲ್ಲಿದ್ದರೆ ಒಳ್ಳೆಯದು.

ಅಪ್ಪಿತಪ್ಪಿಯೂ ಈ 3 ರಾಶಿಯವರು ಸಾಲದ ಶೂಲಕ್ಕೆ ಸಿಲುಕಬೇಡಿ..!


3. ನೀವೇನಾದರೂ ನಿಮ್ಮ ಮಲಗುವ ಕೋಣೆಯನ್ನೇ ಓದುವ ಕೋಣೆಯನ್ನಾಗಿ ಮಾಡಿಕೊಂಡಿದ್ದರೆ ಜಾಗದ ಕೊರತೆಯಿಂದ ಇಷ್ಟೆಲ್ಲಾ ಮಾಡಲು ಸಾಧ್ಯವಿಲ್ಲ. ಹಾಗಾಗಿ ನೀವು ಓದಲು ಕೂರುವಾಗ ನಿಮ್ಮ ಮುಖವು ಪೂರ್ವ ಅಥವಾ ಉತ್ತರ ದಿಕ್ಕಿಗೆ ಇದ್ದರೆ ಒಳ್ಳೆಯದು.

4. ಮಕ್ಕಳನ್ನು ಯಾವುದೇ ಕಾರಣಕ್ಕೂ ದಕ್ಷಿಣ ದಿಕ್ಕಿಗೆ ಮುಖ ಮಾಡಿ ಓದಲು ಬಿಡಬೇಡಿ. ಹೀಗೆ ಮಾಡುವುದರಿಂದ ಮಕ್ಕಳಲ್ಲಿ ಅಶಿಸ್ತು ಹೆಚ್ಚಾಗುತ್ತದೆ. ವಾಸ್ತು ಪ್ರಕಾರ ದಕ್ಷಿಣ ದಿಕ್ಕನ್ನು ಅಗ್ನಿ ವಾಸಿಸುವ ಸ್ಥಳ ಎಂದು ಹೇಳಲಾಗುತ್ತದೆ.

ಕೊರೊನಾದಲ್ಲಿ ನಕಾರಾತ್ಮಕ ಶಕ್ತಿಗಳನ್ನು ತಡೆಯುವ 20 ವಾಸ್ತು ಟಿಪ್ಸ್‌ಗಳಿವು..!

5. ನಿಮ್ಮ ಸ್ಟಡಿ ರೂಂನಲ್ಲಿರುವ ಟೇಬಲ್ ಮೇಲೆ ಗ್ಲೋಬ್ ಅಥವಾ ಪಿರಾಮಿಡ್ ಅನ್ನು ಇಟ್ಟರೆ ಅದು ಫಲಕಾರಿಯಾಗುತ್ತದೆ ಎಂದು ವಾಸ್ತು ಶಾಸ್ತ್ರವು ಹೇಳುತ್ತದೆ. ಈ ಎರಡೂ ವಸ್ತುಗಳು ನಿಮ್ಮ ಓದುವ ಕೋಣೆಯಲ್ಲಿರುವ ಋಣಾತ್ಮಕ ಶಕ್ತಿಯನ್ನು ಕಡಿಮೆ ಮಾಡುತ್ತವೆ.

6. ಮಕ್ಕಳು ಓದುವ ಕೋಣೆಯಲ್ಲಿ ಟಿವಿ, ವಿಡಿಯೋ ಗೇಮ್, ಸಿಡಿ ಪ್ಲೇಯರ್‌ ಗಳನ್ನು ಇಡಲು ಹೋಗಬೇಡಿ. ಇದರಿಂದಾಗಿ ಮಕ್ಕಳ ಗಮನ ಓದನ್ನು ಬಿಟ್ಟು ಬೇರೆಯ ಕಡೆಗೆ ತಿರುಗುವ ಸಾಧ್ಯತೆಗಳು ಹೆಚ್ಚು.

2020 ನವೆಂಬರ್‌: ಅನೇಕ ಗ್ರಹಗಳ ಸ್ಥಾನ ಬದಲಾವಣೆ..! ನಿಮ್ಮ ರಾಶಿ ಮೇಲಾಗುವ ಪ್ರಭಾವವೇನು..?


7. ನೀವು ನೀರು ಕುಡಿಯುವುದಾದರೆ ಸ್ಟಡಿ ರೂಂನಲ್ಲೇ ಕುಡಿಯಿರಿ. ಹಾಗೂ ಓದುವ ಕೋಣೆಯಲ್ಲಿರುವ ಗಡಿಯಾರವು ಯಾವಾಗಲೂ ಈಶಾನ್ಯ ದಿಕ್ಕಿನಲ್ಲೇ ಇರಬೇಕು.

8. ಸ್ಟಡಿ ರೂಂನಲ್ಲಿ ಗಣೇಶ ಹಾಗೂ ಸರಸ್ವತಿ ಮಾತೆಯ ಫೋಟೊವನ್ನು ಇಟ್ಟರೆ ಒಳ್ಳೆಯದು.

9. ನಿಮ್ಮ ಮಗುವು ಓದಿನ ಕಡೆಗೆ ಹೆಚ್ಚು ಆಸಕ್ತಿ ತೋರದಿದ್ದರೆ ಅವನು ಓದುವ ಕೋಣೆಯಲ್ಲಿ ಒಂದು ನವಿಲುಗರಿಯನ್ನು ಇರಿಸಿ. ಇದರಿಂದ ಅವನ ಓದುವ ಸಾಮರ್ಥ್ಯ ಹೆಚ್ಚಾಗುತ್ತದೆ.

2020 ದೀಪಾವಳಿ: ಲಕ್ಷ್ಮಿ ದೇವಿ ಮನೆಗೆ ಬರಲು ವಾಸ್ತು ಪ್ರಕಾರ ಇರಲಿ ಸಿದ್ಧತೆ..!

ಯಾವುದೇ ಒಂದು ಮಗು ಭವಿಷ್ಯದಲ್ಲಿ ಉತ್ತಮ ಪ್ರಜೆಯಾಗಬೇಕಾದರೆ ಆ ಮುಗುವಿಗೆ ಶಿಸ್ತಿನ ಜೊತೆ ವಿದ್ಯಾಭ್ಯಾಸ ಕೂಡ ಇರಬೇಕು. ವಿದ್ಯಾವಂತರಿಗೆ ಮಾತ್ರ ಸಮಾಜದಲ್ಲಿ ಗೌರವ ಸಿಗಲು ಸಾಧ್ಯ. ಆದರೆ ಕೆಲವು ಮಕ್ಕಳಿಗೆ ತಾವು ಈಗ ಓದಿದ್ದು, ಇನ್ನೊಂದು ಕ್ಷಣದಲ್ಲಿ ನೆನಪಿರುವುದಿಲ್ಲ. ಈ ರೀತಿ ಸಮಸ್ಯೆಗಳು ನಿಮ್ಮ ಮಕ್ಕಳೂ ಕೂಡ ಎದುರಿಸುತ್ತಿದ್ದರೆ ಆಗ ನೀವು ಈ ಮೇಲಿನ ವಾಸ್ತು ಸಲಹೆಯನ್ನು ಪಾಲಿಸಬಹುದು.