ಮೇಷ ರಾಶಿ
ಆಗಾಗ ದೇಹಾಯಾಸದಿಂದ ಸುಸ್ತಾಗಲಿದೆ. ಉದ್ಯೋಗದಲ್ಲಿ ಏರುಪೇರು ಉಂಟಾಗಲಿದೆ. ಸಂಚಾರದಲ್ಲಿ ಜಾಗ್ರತೆ ವಹಿಸಿ. ಇತರರೊಂದಿಗೆ ಹೊಂದಾಣಿಕೆಗಳು ಕಡಿಮೆಯಾಗಲಿವೆ. ಉದ್ವೇಗದಲ್ಲಿ ಆತುರದ ನಿರ್ಧಾರವನ್ನು ತೆಗೆದುಕೊಳ್ಳದಿರಿ, ಇದರಿಂದ ಮುಂದೆ ತೊಂದರೆಯಾಗಬಹುದು. ದುಂದುವೆಚ್ಚ ಮಾಡುವುದನ್ನು ನಿಲ್ಲಿಸಿ. ವೈವಾಹಿಕ ಜೀವನದಲ್ಲಿ ಏರುಪೇರುಗಳು ಕಂಡುಬರಬಹುದು.
ಅದೃಷ್ಟ ಸಂಖ್ಯೆ: 8,7
ವೃಷಭ ರಾಶಿ
ಭೂ ಸಂಬಂಧ ವ್ಯವಹಾರಗಳು ಲಾಭದಾಯಕವಾಗಲಿವೆ. ದೀರ್ಘಕಾಲದ ಲಾಭ ಪಡೆಯಲು ಶೇರು ವ್ಯವಹಾರ ಹಾಗೂ ಮ್ಯೂಚುವಲ್ ಫಂಡ್ಗಳಲ್ಲಿ ಹಣ ಹೂಡಿಕೆ ಮಾಡಬಹುದು. ಉದ್ಯೋಗ ವ್ಯವಹಾರದಲ್ಲಿ ಲಾಭದಾಯಕ ಉನ್ನತಿ ಇರುತ್ತದೆ. ಮನೆಯಲ್ಲಿ ಶುಭ ಚಿಂತನೆಗಳಲ್ಲಿ ಕಾರ್ಯಸಾಧನೆ ಇದೆ. ವೈವಾಹಿಕ ಜೀವನವೂ ಉತ್ತಮವಾಗಿರುವುದು.
ಅದೃಷ್ಟ ಸಂಖ್ಯೆ: 2, 5
ಮಿಥುನ ರಾಶಿ
ಕೆಟ್ಟ ಜನರಿಂದ ಕಾರ್ಯ ಸಾಧನೆಯಾಗಲಿದೆ. ಗಂಟಲು ನೋವು, ದೃಷ್ಟಿ ದೋಷದ ಬಗ್ಗೆ ಜಾಗ್ರತೆ ವಹಿಸಿ. ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಆಗಾಗ ಕಿರಿಕಿರಿ ಇರುತ್ತದೆ. ಉದ್ಯೋಗದಲ್ಲಿ ಹಿನ್ನಡೆಯಾಗಲಿದೆ. ನಿಮ್ಮಿಂದ ಸಾಲ ಪಡೆದುಕೊಂಡವರು, ಮರು ಸಾಲ ಕೇಳಿದರೆ ಕೊಡುವ ಮನಸ್ಸು ಮಾಡದಿರಿ. ನಿಮ್ಮ ಕೋಪದಿಂದ ಮನೆಯ ಸದಸ್ಯರ ಮನಸ್ಸು ನೋಯಿಸುವುದನ್ನು ತಪ್ಪಿಸಿ. ಅನರ್ಥ ಕೋಪವು ಗಂಭೀರ ತಪ್ಪುಗಳನ್ನು ಸೃಷ್ಟಿಸಬಹುದು.
ಅದೃಷ್ಟ ಸಂಖ್ಯೆ: 3, 7
ಕಟಕ ರಾಶಿ
ಅಪೇಕ್ಷಿತ ಜನರಿಂದ ಕಾರ್ಯಸಾಧನೆಯಾಗುತ್ತದೆ. ಮನಸ್ಸಿನಲ್ಲಿರುವ ಕೆಲವೊಂದು ಕಾರ್ಯಗಳು ನಡೆಯುವುದಲ್ಲದೆ, ಇತರರಿಂದ ಕೂಡಾ ಅನುಕೂಲವಾಗುತ್ತದೆ. ಖರ್ಚುವೆಚ್ಚಗಳಿಂದ ಆತಂಕ ಬರಬಹುದು. ಆದರೆ ನೀವು ಉಳಿತಾಯ ಮಾಡಿರುವ ಹಣ ಇಂದು ಉಪಯೋಗಕ್ಕೆ ಬರಬಹುದು. ಕುಟುಂಬದ ಸದಸ್ಯರು ಹಾಗೂ ಸ್ನೇಹಿತರಿಂತ ಅಗತ್ಯ ನೆರವು ಹಾಗೂ ಪ್ರೀತಿಯನ್ನೂ ಪಡೆಯುವಿರಿ.
ಅದೃಷ್ಟ ಸಂಖ್ಯೆ: 4, 6
ಸಿಂಹ ರಾಶಿ
ಬುದ್ಧಿಯ ಅಸ್ಥಿರತೆಯಿಂದ ಅನವಶ್ಯಕ ಸಮಸ್ಯೆಯನ್ನು ಅನುಭವಿಸುವಿರಿ. ಕೆಲಸಕಾರ್ಯಗಳಲ್ಲಿ ಜಾಢ್ಯ ತೋರಿಬಂದು ನಿರುತ್ಸಾಹ ಕಂಡುಬರಲಿದೆ. ಮಾತಿನಲ್ಲಿ ವಿವಾದಗಳು ಉಂಟಾಗದಂತೆ ಜಾಗ್ರತೆ ವಹಿಸಿ. ಕೆಲವರಿಗೆ ಅನಿರೀಕ್ಷಿತ ಪ್ರಯಾಣ ಒತ್ತಡದಿಂದ ಕೂಡಿರುತ್ತದೆ. ಸಂಗಾತಿಯು ನಿಮ್ಮ ಮಾತಿನಿಂದ ಮುನಿಸಿಕೊಳ್ಳುವ ಸಾಧ್ಯತೆ ಹೆಚ್ಚು.
ಅದೃಷ್ಟ ಸಂಖ್ಯೆ: 5, 1
ಏಪ್ರಿಲ್ನಲ್ಲಿ ಜನಿಸಿದವರ ಅದೃಷ್ಟದ ಹರಳು ಯಾವುದು ಗೊತ್ತಾ?
ಕನ್ಯಾ ರಾಶಿ
ಅನ್ಯರೊಂದಿಗೆ ಮನಸ್ತಾಪ. ಸಾಂಸಾರಿಕ ವಿಚಾರದಲ್ಲಿ ಅನಾನುಕೂಲ. ವೃತ್ತಿರಂಗದಲ್ಲಿ ನೆಮ್ಮದಿಗೆ ಭಂಗ. ಮುಖ್ಯವಾಗಿ ಆರೋಗ್ಯದ ಬಗ್ಗೆ ಜಾಗ್ರತೆ ವಹಿಸಬೇಕಾಗುತ್ತದೆ. ಆರ್ಥಿಕ ವಿಚಾರದಲ್ಲಿ ಆಗಾಗ ಆತಂಕ ಕಂಡುಬರಬಹುದು. ಸಂಗಾತಿಯ ಆರೋಗ್ಯವು ನಿಮ್ಮ ಧೃತಿಗೆಡಿಸಬಹುದು. ಜೊತೆಗೆ ಸಂಗಾತಿಯ ಬೇಡಿಕೆಗಳು ಒತ್ತಡವನ್ನುಂಟು ಮಾಡಬಹುದು.
ಅದೃಷ್ಟ ಸಂಖ್ಯೆ: 1,5
ತುಲಾ ರಾಶಿ
ದೈವಬಲ ಉತ್ತಮವಾಗಿದ್ದು, ಕೆಲಸಕಾರ್ಯಗಳು ಹಂತಹಂತವಾಗಿ ನೆರವೇರಲಿವೆ. ನಿಮ್ಮ ಬಗ್ಗೆ ನೀವೇ ಅಭಿಮಾನಪಡುವಿರಿ. ಕೌಟುಂಬಿಕ ಅಭಿವೃದ್ಧಿ, ಆದಾಯವೃದ್ಧಿ ಇತ್ಯಾದಿ ಶುಭಕಾಲಗಳಿದ್ದರೂ ಆರೋಗ್ಯದಲ್ಲಿ ಜಾಗ್ರತೆವಹಿಸಿ. ಉತ್ತಮ ಜೀವನಕ್ಕಾಗಿ ನಿಮ್ಮ ವ್ಯಕ್ತಿತ್ವದಲ್ಲಿ ಸುಧಾರಣೆ ತರಲು ಪ್ರಯತ್ನಿಸಿ. ಹಣದ ಖರ್ಚಿನ ಬಗ್ಗೆ ನಿಯಂತ್ರಣವಿರಲಿ. ಇಂದು ನಿಮ್ಮ ಪ್ರೀತಿಯಲ್ಲಿ ಅದೃಷ್ಟದ ದಿನ. ನಿಮ್ಮ ಸಹಾಯ ಮಾಡುವ ಗುಣ ಗೌರವವನ್ನು ಹೆಚ್ಚಿಸುವುದು
ಅದೃಷ್ಟ ಸಂಖ್ಯೆ: 7, 9
ವೃಶ್ಚಿಕ ರಾಶಿ
ಗೃಹ ಕೃತ್ಯಗಳಲ್ಲೂ ಉದ್ಯೋಗದಲ್ಲೂ ತೊಂದರೆಗಳು ಕಾಣಿಸಬಹುದು. ಮುಖ್ಯವಾಗಿ ಆರೋಗ್ಯ ಭಾಗ್ಯವು ಆಗಾಗ ಏರುಪೇರಾದೀತು. ಅನಗತ್ಯವಾಗಿ ಹಣದ ಅಪವ್ಯಯವಾದೀತು. ಅಹಂಕಾರದಿಂದ ಅನರ್ಥವಾಗಬಹುದು. ಭೂಮಿ ಅಥವಾ ಆಸ್ತಿಯಲ್ಲಿ ಹೂಡಿಕೆ ಮಾಡುವುದರಿಂದ ನಷ್ಟವಾಗಬಹುದು. ನಿಮ್ಮ ಅಗತ್ಯಗಳಿಗೆ ಸಹೋದರರು ಬೆಂಬಲವನ್ನು ನೀಡುತ್ತಾರೆ. ಸಂಗಾತಿಯ ನಡವಳಿಕೆಯು ಕೋಪ ತರಿಸಬಹುದು. ಸಮಾಧಾನದಿಂದಿರುವುದು ಉತ್ತಮ.
ಅದೃಷ್ಟ ಸಂಖ್ಯೆ: 5, 6
ಧನುಸ್ಸು ರಾಶಿ
ಆರ್ಥಿಕ ಅಡಚಣೆಗಳಿದ್ದರೂ ಧನಾಗಮನದಿಂದ ಹೊಂದಾಣಿಕೆಯಾದೀತು. ವ್ಯಾಪಾರಿಗಳಿಗೆ ವ್ಯಾಪಾರ, ಉದ್ಯೋಗದಲ್ಲಿ ಅಲ್ಪ ಲಾಭವಿದೆ. ಕೆಲವರಿಗೆ ವ್ಯಾಪಾರದಲ್ಲಿ ಹಾನಿ ಉಂಟಾಗಬಹುದು. ವ್ಯಾಪಾರವನ್ನು ಉತ್ತಮಗೊಳಿಸಲು ಹಣವನ್ನು ಖರ್ಚು ಮಾಡಬೇಕಾಗುವುದು. ಅಧಿಕಾರ ವರ್ಗದವರಿಂದ ಪ್ರಯೋಜನವನ್ನು ಹೊಂದುವಿರಿ. ದಿನಾಂತ್ಯ ಶುಭವಿದೆ.
ಅದೃಷ್ಟ ಸಂಖ್ಯೆ: 6, 4
ಏಪ್ರಿಲ್ನಲ್ಲಿ ಜನಿಸಿದವರ ವ್ಯಕ್ತಿತ್ವ ಹೇಗಿರುತ್ತೆ ಗೊತ್ತಾ? ಇಲ್ಲಿದೆ ಮಾಹಿತಿ..
ಮಕರ ರಾಶಿ
ಉತ್ತಮ ದೈವಬಲವಿದ್ದು, ಎಲ್ಲಾ ರೀತಿಯಲ್ಲಿಅನುಕೂಲಗಳು ಉಂಟಾಗುತ್ತವೆ. ನೀವು ಗ್ರಹಸಿದ್ಧಿ ಕಾರ್ಯಗಳನ್ನು ಈಗ ಪ್ರಯತ್ನಿಸಿದ್ದಲ್ಲಿ ಸಿದ್ಧಿಸುವುದು. ವೃತ್ತಿರಂಗದಲ್ಲಿ ಬಹಳ ಜಾಗ್ರತೆಯಿಂದ ಕೆಲಸ ಮಾಡಬೇಕಾಗುತ್ತದೆ. ಗರ್ಭಿಣಿಯರು ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬೇಕು. ಹಣವನ್ನು ಯೋಚನೆ ಮಾಡದೇ ಖರ್ಚು ಮಾಡುವುದರಿಂದ ಎಷ್ಟು ನಷ್ಟವಾಗುವುದು ಎನ್ನುವುದನ್ನು ಅರ್ಥ ಮಾಡಿಕೊಳ್ಳುವಿರಿ. ಅನಾವಶ್ಯಕ ವಸ್ತುಗಳ ಮೇಲೆ ಹಣವನ್ನು ಖರ್ಚು ಮಾಡದಿರಿ.
ಅದೃಷ್ಟ ಸಂಖ್ಯೆ: 9, 2
ಕುಂಭ ರಾಶಿ
ವಾಹನಾದಿಗಳಲ್ಲಿ ಹೆಚ್ಚಿನ ಜಾಗ್ರತೆ ವಹಿಸಬೇಕು. ಮಾನಸಿಕ ಖಿನ್ನತೆ, ಮನೋವ್ಯಾಕುಲತೆ, ಬುದ್ಧಿ ಅಸ್ಥಿರತೆ, ಚಿಂತೆ ಹೆಚ್ಚಾಗಿ ಕಾಣಿಸಲಿದೆ. ಉದ್ಯೋಗ ವ್ಯವಹಾರದಲ್ಲಿ ಅಸಮಾಧಾನವಿದೆ. ಮನೆಗೆ ಸಂಬಂಧಿಸಿದ ಹೂಡಿಕೆ ಲಾಭದಾಯಕವಾದುದು. ಕುಟುಂಬದ ಸದಸ್ಯರೊಂದಿಗೆ ವಿಶ್ರಾಂತಿಯೊಂದಿಗೆ ದಿನವನ್ನು ಕಳೆಯಿರಿ.
ಅದೃಷ್ಟ ಸಂಖ್ಯೆ: 5, 3
ಮೀನ ರಾಶಿ
ಮಕ್ಕಳಿಂದ ಶುಭಫಲ ಕಂಡು ಬಂದೀತು. ಗೃಹೋಪಕರಣಗಳ ಸಂಗ್ರಹವಾದೀತು. ಹಣಕಾಸಿನ ವ್ಯವಹಾರದಲ್ಲಿ ಆಗಾಗ ಸಮಸ್ಯೆಗಳು ಕಂಡು ಬರಬಹುದು. ಹಣ ಮತ್ತು ಸಮಯ ವ್ಯರ್ಥ ಮಾಡುವ ಜನರಿಂದ ದೂರವಿರುವುದು ಒಳ್ಳೆಯದು. ವೈಯಕ್ತಿಕ ಆರೋಗ್ಯದ ಬಗ್ಗೆ ಹೆಚ್ಚಿನ ಜಾಗ್ರತೆ ವಹಿಸುವುದು ಉತ್ತಮ. ಪ್ರೀತಿಯ ಜೀವನದಲ್ಲಿ ಒಬ್ಬರನ್ನೊಬ್ಬರು ಅರ್ಥ ಮಾಡಿಕೊಳ್ಳಲು ಸಮಯ ಬೇಕು.
ಅದೃಷ್ಟ ಸಂಖ್ಯೆ: 7, 6