ದಿನ ಭವಿಷ್ಯ 19 ಜೂನ್ 2017
- ಕೆಲಸ ಕಾರ್ಯಗಳಲ್ಲಿ ಸಣ್ಣಪುಟ್ಟ ಅಡೆತಡೆಗಳು ಈದಿನ ತೋರುವ ಸಾಧ್ಯತೆ ಇರುತ್ತದೆ ಆದಾಗ್ಯೂ ಕೌಟುಂಬಿಕ ಜೀವನದಲ್ಲಿ ನೆಮ್ಮದಿ ಕಂಡು ಬರುವುದು...
ಮೇಷರಾಶಿ:- ಕೆಲಸ ಕಾರ್ಯಗಳಲ್ಲಿ ಸಣ್ಣಪುಟ್ಟ ಅಡೆತಡೆಗಳು ಈದಿನ ತೋರುವ ಸಾಧ್ಯತೆ ಇರುತ್ತದೆ. ಆದಾಗ್ಯೂ ಕೌಟುಂಬಿಕ ಜೀವನದಲ್ಲಿ ನೆಮ್ಮದಿ ಕಂಡು ಬರುವುದು. ಮದುವೆ ಮಾತುಕತೆಗಳು ನಡೆಯುವ ಸಾಧ್ಯತೆ ಇರುತ್ತದೆ. ಹಣಕಾಸಿನ ಸ್ಥಿತಿ ಸಾಧಾರಣವಾಗಿರುತ್ತದೆ.
ವೃಷಭ:- ಆರ್ಥಿಕವಾಗಿ, ಮಾನಸಿಕವಾಗಿ ದೈಹಿಕವಾಗಿ ಅತ್ಯಂತ ಸಮರ್ಥರಾಗಿರುವಿರಿ. ಹಾಗಾಗಿ ನೀವು ಇಂದು ಬಯಸಿದ ಕೆಲಸಗಳು ಯಾವ ಅಡೆತಡೆ ಇಲ್ಲದೆ ನಡೆಯುವುದು. ಹೊಸ ಯೋಜನೆಗಳ ಅನುಷ್ಠಾನಕ್ಕೆ ಸೂಕ್ತ ಸಮಯ. ದೂರದ ಪ್ರಯಾಣ ಸಂಭವ.
ಮಿಥುನ:- ಅಧ್ಯಾತ್ಮದ ಕಡೆ ಒಲವು ಬರುವುದು. ಸಂಗಾತಿಯ ಆರೋಗ್ಯದ ಬಗ್ಗೆ ಅಲ್ಪ ಚಿಂತನೆಯನ್ನುಂಟು ಮಾಡುವುದು. ಹಣಕಾಸಿನ ವಿಚಾರದಲ್ಲಿ ಎಚ್ಚರಿಕೆ ಇರಲಿ. ಖರ್ಚು ಮಾಡಲು ಬುದ್ಧಿ ಪ್ರೇರೇಪಿಸಿದರೂ ಅದರಂತೆ ನಡೆದುಕೊಳ್ಳದಿರುವುದು ಜಾಣತನ.
ಕಟಕ:- ಧನಾಗಮನದ ವಿಚಾರದಲ್ಲಿ ಅಡೆತಡೆ ಉಂಟಾಗುವುದು. ಪರಾಕ್ರಮ ಕೆಲಸ ಕಾರ್ಯಗಳು ಸುಲಲಿತವಾಗುವುದು. ಅನಗತ್ಯ ಖರ್ಚುಗಳಿಗೆ ಕಡಿವಾಣ ಹಾಕುವುದು ಒಳ್ಳೆಯದು. ಕೌಟುಂಬಿಕವಾಗಿ ವಿರಸ ಉಂಟಾಗುವ ದಿನವಾಗಿದ್ದು ಕೆಲವು ವಿಚಾರಗಳಲ್ಲಿ ಮೌನ ತಾಳಿರಿ.
ಸಿಂಹ:- ಇಂದು ಆತ್ಮಸ್ಥೈರ್ಯವೇ ಪ್ರಮುಖ ಅಸ್ತ್ರ ಮತ್ತು ಶಕ್ತಿ. ಯಾವ ಕಾರಣಕ್ಕೂ ಧೈರ್ಯಗುಂದದಿರಿ. ಎಲ್ಲರೂ ಮಾತನಾಡಿಕೊಂಡು ನಿಮ್ಮತ್ತ ಟೀಕಾಪ್ರಹಾರವನ್ನು ಮಾಡುವರು. ಸದ್ಯಕ್ಕೆ ನೀವು ಹೆದರುವ ಕಾರಣವಿಲ್ಲ.
ಕನ್ಯಾ:- ನಿರೀಕ್ಷಿತ ಕೆಲಸ ಕಾರ್ಯಗಳಲ್ಲಿ ಮುನ್ನಡೆ ಸಾಧಿಸುವಿರಿ. ಬಂದ ಅವಕಾಶಗಳನ್ನು ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳಿರಿ. ದೂರ ಸಂಚಾರದಲ್ಲಿ ಸ್ವಲ್ಪ ಎಚ್ಚರಿಕೆ ಇರಲಿ. ಆಹಾರ ವ್ಯತ್ಯಯದಿಂದ ಅನಾರೋಗ್ಯ ಉಂಟಾಗುವ ಸಾಧ್ಯತೆ.
ತುಲಾ:- ಕಾಡುತ್ತಿದ್ದ ಆತಂಕಗಳೆಲ್ಲ ಮರೆಯಾಗುವವು. ಕೈ ತುಂಬ ಹಣ ಓಡಾಡುವುದು. ಆಸ್ತಿ ಖರೀದಿಗೆ ಸಂಬಂಧಿಸಿದಂತೆ ಮಾತುಕತೆ ಆಗಿ ವ್ಯವಹಾರಗಳು ತ್ವರಿತವಾಗಿ ಸಾಗುವವು. ಗುರುವಿನ ಸ್ತೋತ್ರವನ್ನು ಪಠಿಸಿರಿ.
ವೃಶ್ಚಿಕ:- ಕೆಲ ಗ್ರಹಗಳ ಶುಭ ಸಂಚಾರದಿಂದ ನಿಮಗೆ ಒಳಿತೇ ಆಗುವುದು. ನೀವು ಮುಟ್ಟಿದ್ದೆಲ್ಲ ಚಿನ್ನವಾಗುವುದು. ಕೌಟುಂಬಿಕ ವ್ಯಾಜ್ಯವೊಂದು ದಿಢೀರ್ ಆಗಿ ಇತ್ಯರ್ಥವಾಗುವುದು. ಉಳಿತಾಯದ ಬಗ್ಗೆಯೂ ಹೆಚ್ಚಿನ ಗಮನ ಕೊಡಬೇಕು.
ಧನಸ್ಸು:- ಕೆಲಸ ಕಾರ್ಯಗಳಲ್ಲಿ ಬದಲಾವಣೆ ಸಾಧ್ಯ. ಆದರೆ ಹಿಡಿದ ಕೆಲಸವನ್ನು ಬಹುಶ್ರಮದಿಂದ ಪೂರೈಸುವಿರಿ. ಮನೋಕಾಮನೆಗಳು ಪೂರ್ಣ ಆಗುವುದು. ಜೀವನ ಹೊಸ ದಿಕ್ಕಿನ ಕಡೆ ಮುಖ ಮಾಡುವುದರಿಂದ ಹೊಸತನದ ಅನುಭವವಾಗುವುದು.
ಮಕರ:- ನಿರೀಕ್ಷಿತ ಸುದ್ದಿಗಳ ಮೂಲಕ ಹೊಸ ಉಲ್ಲಾಸ ತುಂಬುವುದು. ಅಂದುಕೊಂಡ ಕೆಲಸಗಳೆಲ್ಲವೂ ಸುಲಲಿತವಾಗಿ ನಡೆಯುವುದರಿಂದ ಮನಸ್ಸಿಗೆ ನೆಮ್ಮದಿ ಉಂಟಾಗುವುದು. ಆತ್ಮೀಯರಿಂದಲೂ ಸಹಾಯ ದೊರೆಯುವುದು.
ಕುಂಭ:- ಕ್ರಯ-ವಿಕ್ರಯಕ್ಕೆ ಸಂಬಂಧಿಸಿದ ವ್ಯವಹಾರಗಳಲ್ಲಿ ತೊಡಗಿಕೊಂಡವರಿಗೆ ಬಹಳ ಲಾಭವಾಗುವುದು. ತಕರಾರುಗಳಲ್ಲಿ ಜಯ ನಿಮ್ಮದಾಗುವುದು. ವೃತ್ತಿಯಲ್ಲೂ ಒಳ್ಳೆಯ ಹುದ್ದೆ ಸಿಗುವುದು. ಕಚೇರಿಯಲ್ಲಿ ನಿಮ್ಮ ಗೌರವ ಹೆಚ್ಚುವುದು.
ಮೀನ:- ಪ್ರೀತಿಪಾತ್ರರ ಭೇಟಿ ನಿಮಗೆ ಹೊಸ ಚೈತನ್ಯ ನೀಡುವುದು. ಕುಟುಂಬದ ಹಿರಿಯರಿಂದ ದೊರೆಯುವ ಮಾರ್ಗದರ್ಶನವನ್ನು ಕಡೆಗಣಿಸಬೇಡಿರಿ. ಆರ್ಥಿಕವಾಗಿ ಭಾರಿ ಮೊತ್ತವೊಂದು ಕೈ ಸೇರುವ ಸಾಧ್ಯತೆ ಇರುವುದು.