ದಿನ ಭವಿಷ್ಯ 9 ಏಪ್ರಿಲ್‌ 2018

ಮೇಷ:- ನಿಮ್ಮ ನಡೆ ನುಡಿಯನ್ನು ಪರೀಕ್ಷಿಸಿ ಮುಂದಿನ ವಿಚಾರ ನಿಷ್ಕರ್ಶಿಸಲು ಜನರು ಕಾದಿದ್ದಾರೆ. ನಿಮ್ಮ ತಾಳ್ಮೆಯ ಜೀವನ ಇತರರಿಗೆ ಮಾದರಿಯಾಗಲಿದೆ. ರಾಜಕೀಯ ನೇತಾರರಿಗೆ ಹರ್ಷ ತಂದುಕೊಡುವ ದಿನವಾಗಿದೆ.

ವೃಷಭ:- ಹಿಡಿದ ಕೆಲಸವನ್ನು ಶತಾಯ, ಗತಾಯ ಪೂರೈಸಬೇಕೆಂಬ ತುಡಿತಕ್ಕೆ ಭಗವಂತನು ಸಹಾಯ ಮಾಡುವನು. ಇದರ ಸಾಫಲ್ಯತೆಗಾಗಿ ಹೊಸದಾದ ದಾರಿಗಳು ಗೋಚರಿಸುವವು. ಆದರೆ ಇದಕ್ಕೂ ಮುನ್ನ ಸಂಗಾತಿಯ ಒಪ್ಪಿಗೆ ಪಡೆಯಿರಿ.

ಮಿಥುನ:- ಅತಿ ಬುದ್ಧಿಚಾತುರ‍್ಯವುಳ್ಳವರಾದ ನೀವು ವಿನಾಕಾರಣ ಇನ್ನೊಬ್ಬರ ವಿಚಾರದಲ್ಲಿ ತಲೆ ಹಾಕಿ ಅವಮಾನಕ್ಕೆ ಒಳಗಾಗುವಿರಿ. ಕೆಲವರು ಇದನ್ನೆ ದೊಡ್ಡದು ಮಾಡಿ ಅಪಪ್ರಚಾರ ಮಾಡುವ ಸಾಧ್ಯತೆ ಇದೆ. ಆದರೆ ಗುರುವಿನ ಕೃಪಾಶೀರ್ವಾದ ಇರುವುದರಿಂದ ತೊಂದರೆಯಿಲ್ಲ.

ಕಟಕ:- ವಿವಿಧ ತರಹದ ಜನರು ನಿಮ್ಮನ್ನು ಭೇಟಿ ಆಗಲಿದ್ದಾರೆ. ಅವರು ನೀವು ಮಾಡುವ ಕೆಲಸದಲ್ಲಿನ ಕೌಶಲ್ಯಕ್ಕೆ ಮೆಚ್ಚುಗೆ ಸೂಚಿಸುವರು. ಇದರಿಂದ ನಿಮ್ಮ ವ್ಯಾಪಾರ, ವ್ಯವಹಾರಗಳು ಅಭಿವೃದ್ಧಿಯತ್ತ ಸಾಗುವುದು. ಹಣಕಾಸು ಕೂಡಾ ಉತ್ತಮವಾಗಲಿದೆ.

ಸಿಂಹ:- ಯಾವುದೇ ವಿಚಾರದಲ್ಲೂ ಸೂಕ್ಷ ್ಮ ಒತ್ತಡಗಳನ್ನು ಕಾಣುವಿರಿ. ಆದರೆ ಅದನ್ನು ಅರ್ಧದಲ್ಲಿಯೇ ನಿಲ್ಲಿಸದಿರಿ. ಕೌಟುಂಬಿಕ ಜೀವನದಲ್ಲಿ ಮಡದಿ ಮಕ್ಕಳು ನಿಮಗೆ ಸಹಾಯ ಮಾಡುವರು. ನೀವು ಬಯಸಿದ ಕಾರ್ಯಗಳು ಶೀಘ್ರದಲ್ಲಿಯೇ ಕೈಗೂಡುವವು.

ಕನ್ಯಾ:- ಮಹತ್ತರ ಯೋಜನೆಗಳಿಗೆ ಅಲ್ಪ ವಿಘ್ನಗಳು ತಲೆದೋರಿದರೂ ಭಗವಂತನ ಕೃಪೆಯಿಂದ ಆ ವಿಘ್ನಗಳನ್ನು ದಾಟುವಿರಿ. ನಿಮ್ಮ ಮನೋಕಾಮನೆಗಳು ಪೂರ್ಣಗೊಳ್ಳುವವು. ಆರ್ಥಿಕ ಸ್ಥಿತಿಯು ಉತ್ತಮಗೊಳ್ಳುವುದು. ಬಂಧುಗಳಿಂದ ಪ್ರಶಂಸೆಯನ್ನು ಪಡೆಯುವಿರಿ.

ತುಲಾ:- ಕೆಲಸದ ಒತ್ತಡವು ನಿಮ್ಮ ಮಾನಸಿಕ ನೆಮ್ಮದಿಯನ್ನು ಕೆಡಿಸುವುದು. ಎಲ್ಲಾ ಬಿಟ್ಟು ಎಲ್ಲಾದರೂ ಹೋಗಿ ಬಿಡಬೇಕೆಂದು ಅನಿಸುವುದು. ಆದರೆ ಎಲ್ಲೇ ಹೋದರು ನೀವು ಜವಾಬ್ದಾರಿಯ ಸ್ಥಾನವನ್ನು ಬಿಡಲು ಆಗುವುದಿಲ್ಲ. ತಾಳ್ಮೆಯಿಂದ ಎದುರಿಸಿ ಒಳಿತಾಗುವುದು.

ವೃಶ್ಚಿಕ:- ಕಬ್ಬಿಣದ ವಸ್ತುಗಳ ಮಾರಾಟಗಾರರಿಗೆ ಅನುಕೂಲವಾಗುವುದು. ಕಬ್ಬಿಣ ವಸ್ತು ಎಂದು ತಾತ್ಸಾರ ಮಾಡಬಾರದು. ಶನಿ ದೇವರ ಅನುಗ್ರಹ ಪಡೆಯಲು ಕಬ್ಬಿಣ ಇಲ್ಲವೆ ಎಳ್ಳನ್ನು ದಾನ ಮಾಡುವುದು ಒಳಿತು. ಪ್ರಯಾಣದಲ್ಲಿ ಎಚ್ಚರಿಕೆ ಅಗತ್ಯ.

ಧನಸ್ಸು:- ಇಟ್ಟ ಗುರಿ ತಲುಪುವಲ್ಲಿ ಯಶಸ್ಸು ಹೊಂದುವಿರಿ. ಗುರುವಿನ ಅನುಗ್ರಹದಿಂದ ವ್ಯಾಪಾರ, ವ್ಯವಹಾರದಲ್ಲಿ ಹೆಚ್ಚಿನ ಅಭಿವೃದ್ಧಿಯನ್ನು ಕಾಣುವಿರಿ. ಬಡವರಿಗೆ ಆಹಾರ ನೀಡಿ ಮತ್ತು ಆಂಜನೇಯ ಸ್ತೋತ್ರ ಪಠಿಸಿ.

ಮಕರ:- ದಶಮ ಸ್ಥಾನದ ಗುರುವು ಉದ್ಯೋಗದಲ್ಲಿ ಬದಲಾವಣೆಯನ್ನು ತರುವ ಸಾಧ್ಯತೆ ಇರುತ್ತದೆ. ಕೆಲವರು ನೂತನ ಮನೆಯ ಕಟ್ಟಡದ ಕೆಲಸವನ್ನು ಆರಂಭಿಸುವರು. ಕೆಲವರಿಗೆ ನೂತನ ಉದ್ಯೋಗವು ದೊರೆಯುವ ಸಾಧ್ಯತೆ ಇರುತ್ತದೆ.

ಕುಂಭ:- ನಿಮ್ಮ ಯಶಸ್ಸಿನ ಹಾದಿಯು ಸುಗಮವಾಗಲಿದೆ. ಇದುವರೆಗೂ ಪಟ್ಟ ಶ್ರಮಕ್ಕೆ ವಿಶೇಷ ಪ್ರತಿಫಲ ದೊರೆಯುವುದು. ವಿವಿಧ ಮೂಲಗಳಿಂದ ಹಣಕಾಸು ಬರುವುದು. ನೂತನ ಗೆಳೆಯರು ನಿಮ್ಮ ಸ್ನೇಹ ಹಸ್ತವನ್ನು ಬಯಸಿ ಬರುವರು.

ಮೀನ:- ಮನೋವೇಗದಲ್ಲಿ ಎಲ್ಲವನ್ನು ದಿಢೀರನೆ ಮಾಡಿ ಮುಗಿಸಬೇಕೆಂಬ ತರಾತುರಿಯು ಉತ್ತಮವಲ್ಲ. ಸಾವಧಾನದಿಂದ ಎರಡೆರಡು ಬಾರಿ ಚಿಂತಿಸಿ ಕಾರ್ಯ ಪ್ರವೃತ್ತರಾಗಿ. ನಿಮ್ಮ ಹೃದಯ ವೈಶಾಲ್ಯಕ್ಕೆ ಯಾವಾಗಲೂ ಬೆಲೆ ಇರುತ್ತದೆ.