ತುಲಾ ರಾಶಿಯವರ ಬಹುತೇಕ ಕಾರ್ಯಗಳು ನಿಮ್ಮ ಇಚ್ಛೆಯಂತೆ ಕೈಗೂಡುವವು: ನಿಮ್ಮ ಇಂದಿನ ಭವಿಷ್ಯ ಹೇಗಿದೆ?

ಮೇಷ:- ನಿಮ್ಮ ಸಲಹೆ ಸೂಚನೆಗಳನ್ನು ತಿಳಿಯುವ ಸಲುವಾಗಿ ಜನರು ನಿಮ್ಮ ಬಳಿಗೆ ಬರುವರು. ನಿಮ್ಮ ಬಾಲ್ಯದ ಸ್ನೇಹಿತ ನಿಮಗೆ ಎದುರಾಗುವುದರಿಂದ ಸಂಭ್ರಮವನ್ನು ಹೊಂದುವಿರಿ. ಆತನ ಕೆಲವು ವಿಚಾರಗಳು ನಿಮ್ಮನ್ನು ಮಂತ್ರಮುಗ್ಧನನ್ನಾಗಿಸುವುದು.

ವೃಷಭ:- ಬೆಳ್ಳಗಿರುವುದೆಲ್ಲಾ ಹಾಲು ಎಂದು ನಂಬುವ ನಿಮ್ಮನ್ನು ಅನೇಕರು ತಪ್ಪು ಮಾಹಿತಿ ನೀಡಿ ದಾರಿ ತಪ್ಪಿಸುವರು. ಹಾಗಾಗಿ ಎಲ್ಲರನ್ನು ನಂಬುವುದು ಸೂಕ್ತವಲ್ಲ. ಸಂಗಾತಿ ಕೊಡುವ ಹಿತವಚನ ಪಾಲಿಸಿದಲ್ಲಿ ಅನುಕೂಲವಾಗುವುದು.

ಮಿಥುನ:- ನಿಮ್ಮನ್ನು ನೀವೇ ಸ್ವಯಂ ಸಂಪೂರ್ಣ ವ್ಯಕ್ತಿಯೆಂದು ಭ್ರಮಿಸಿಕೊಂಡಿದ್ದಲ್ಲಿ ಅನರ್ಥಗಳು ಆಗುವುದು. ಆದ್ದರಿಂದ ಎಲ್ಲವನ್ನು ನಿಯಂತ್ರಿಸುವ ಸ್ವತಂತ್ರ ವ್ಯಕ್ತಿಯಾದ ಭಗವಂತನ ಮೊರೆ ಹೋಗುವುದರಿಂದ ಒಳಿತಾಗುವುದು. ಹಣಕಾಸಿನ ತೊಂದರೆ ಇರುವುದಿಲ್ಲ.

ಕಟಕ:- ಶಿವನ ಆರಾಧನೆಯಿಂದ ವಿವಿಧ ಕಾರ್ಯಗಳಲ್ಲಿ ಗೆಲುವು ಕಾಣುವಿರಿ. ನಿಮ್ಮ ಕರ್ತೃತ್ವ ಶಕ್ತಿಗೆ ಅನುಸರಿಸಿ ಹೊಸ ಅವಕಾಶಗಳು ನಿಮ್ಮನ್ನು ಅರಸಿ ಬರುವವು. ಇದನ್ನು ಸ್ವೀಕರಿಸಿ ಕಾರ್ಯ ಪೂರ್ಣಗೊಳಿಸಿಕೊಡಿ ಒಳಿತಾಗುವುದು.

ಸಿಂಹ:- ಎಲ್ಲಾ ಕಾಲದಲ್ಲೂ ನಿಮ್ಮ ಮಾತೇ ನಡೆಯಬೇಕೆಂಬ ಹಠ. ಒಮ್ಮೆ ಸೋಲು ಒಮ್ಮೆ ಗೆಲುವು ಇದು ಜೀವನದ ಆಟ. ಹಾಗಾಗಿ ಸೋತು ಗೆಲ್ಲುವುದು ಜಾಣರ ಲಕ್ಷ ಣ. ನಾರಸಿಂಹ ದೇವರನ್ನು ಅನನ್ಯ ಭಕ್ತಿಯಿಂದ ನೆನೆಯಿರಿ. ಬಂದ ಸಂಕಷ್ಟಗಳು ದೂರವಾಗುವವು.

ಕನ್ಯಾ:- ಹತ್ತಿರದ ಬಂಧುಗಳೇ ಕಿರಿಕಿರಿ ಮಾಡುವ ಸಾಧ್ಯತೆ ಇರುವುದು. ಹಾಗಂತ ಎಲ್ಲಾ ಬಂಧುಗಳನ್ನು ದೂಷಿಸುವುದು ಸರಿಯಲ್ಲ. ನೀವು ಸಾಗುತ್ತಿರುವ ದಾರಿ ಉತ್ತಮವಾಗಿದ್ದು ಇದು ಕೆಲವರಿಗೆ ಅಸೂಯೆಯನ್ನುಂಟು ಮಾಡುವುದು. ಆದರೆ ಈ ಬಗ್ಗೆ ನೀವು ತಲೆಕೆಡಿಸಿಕೊಳ್ಳದಿರುವುದು ಉತ್ತಮ.

ತುಲಾ: ಬಹುತೇಕ ಕಾರ್ಯಗಳು ನಿಮ್ಮ ಇಚ್ಛೆಯಂತೆ ಕೈಗೂಡುವವು. ಆದರೆ ಅದಕ್ಕಾಗಿ ನೀವು ಪೂರ್ವಾ ತಯಾರಿ ನಡೆಸಿದ್ದರೆ ಮಾತ್ರ ಇಲ್ಲವೆ ಅನವಶ್ಯಕ ಒತ್ತಡಗಳು ನಿಮ್ಮನ್ನು ಹೈರಾಣ ಮಾಡಿಸುವವು. ಗುರು ಹಿರಿಯರ ಅಶೀರ್ವಾದ ಪಡೆಯಿರಿ.

ವೃಶ್ಚಿಕ:- ವಿರೋಧಿಗಳು ನಿಮ್ಮನ್ನು ಸೋಲಿಸಲು ಪಣ ತೊಟ್ಟಿರುವಂತಿದೆ. ಆದರೆ ನೀವು ಇದಕ್ಕೆ ಅಂಜುವ ಅಗತ್ಯವಿಲ್ಲ. ವಿರೋಧಿಗಳು ಎಸೆಯುವ ಪ್ರತಿಯೊಂದು ಅಸ್ತ್ರಕ್ಕೂ ನಿಮ್ಮ ಬಳಿ ಪ್ರತಿ ಅಸ್ತ್ರ ಇದೆ. ಅದನ್ನು ಸಕಾಲದಲ್ಲಿ ಉಪಯೋಗಿಸಿ ಯಶಸ್ಸನ್ನು ಹೊಂದುವಿರಿ.

ಧನಸ್ಸು:- ಹೊಸ ಬಂಡವಾಳದಿಂದ ನೂತನ ಕಾರ್ಯಗಳಲ್ಲಿ ಸಾಫಲ್ಯ ಹೊಂದುವಿರಿ. ನಿಮ್ಮ ದೂರದ ಆಲೋಚನೆಗಳನ್ನು ಕಾರ್ಯ ರೂಪಕ್ಕೆ ತರುವಲ್ಲಿ ಇಂದಿನ ಯೋಚನೆಗಳು ಸಹಕಾರಿಯಾಗಲಿದೆ. ಅದಕ್ಕಾಗಿ ವಿವಿಧ ಮೂಲಗಳಿಂದ ಹಣಕಾಸು ಬರುವುದು.

ಮಕರ:- ಎಲ್ಲಾ ಕೆಲಸ ಕಾರ್ಯಗಳು ಮಂದಗತಿಯಲ್ಲಿ ಸಾಗುತ್ತಿವೆ. ಎಲ್ಲಾ ಕಾರ್ಯಗಳು ಧಾರಾವಾಹಿಯಂತೆ ದೀರ್ಘ ಸಮಯವನ್ನು ತೆಗೆದುಕೊಳ್ಳುವವು. ಕೆಲಸದಲ್ಲಿ ಚುರುಕುತನ ಕಾಣಲು ಆಂಜನೇಯ ಸ್ತೋತ್ರ ಪಠಿಸಿ.

ಕುಂಭ:- ಹೊಸ ಉತ್ಸಾಹದೊಂದಿಗೆ ಕಾರ್ಯ ಆರಂಭಿಸುವಿರಿ. ಆರಂಭಿಸಿದ ಎಲ್ಲಾ ಕಾರ್ಯಗಳು ಯಶಸ್ಸಿನತ್ತ ಸಾಗುವವು. ಇದರಿಂದ ನಿಮ್ಮ ಆತ್ಮಸ್ಥೈರ್ಯ ಹೆಚ್ಚಾಗುವುದು. ಹಣಕಾಸಿನ ತೊಂದರೆ ಇರುವುದಿಲ್ಲ.

ಮೀನ:- ಗಾಳಿಸುದ್ದಿಗಳನ್ನು ನಂಬಬೇಡಿ. ಸುದ್ದಿಗೆ ರೆಕ್ಕೆ ಪುಕ್ಕ ಹಚ್ಚಿ ಮಾತಾಡುವ ಜನರಿಂದ ದೂರವಿರಿ. ಕಚೇರಿಯಲ್ಲಿ ನಿಮ್ಮ ಕೈಕೆಳಗೆ ಕೆಲಸ ಮಾಡುವವರು ನಿಮಗೆ ಅಸಹಕಾರ ನೀಡುವರು ಮತ್ತು ಅವರೇ ಇಲ್ಲ ಸಲ್ಲದ ಸುದ್ದಿಯನ್ನು ಹಬ್ಬಿಸುವರು. ತಾಳ್ಮೆಯಿಂದ ಇರಿ.