Nithya Bhavishya: ಸಿಂಹ ರಾಶಿಯವರೇ ನಿಮ್ಮ ಉಡಾಫೆ ಭರಿತ ಮಾತುಗಳು ನಿಮ್ಮ ಅಭ್ಯುದಯಕ್ಕೆ ಅಡ್ಡಗಾಲಾಗುವುದು

ಮೇಷ:- ಈ ದಿನ ನಿಮಗೆ ಅನುಕೂಲಕರವಾದ ವಿಚಾರಗಳಿದ್ದರೂ ಅನಪೇಕ್ಷಿತ ಜನರಿಂದ ತೊಂದರೆಗಳು ಎದುರಾಗುವ ಸಾಧ್ಯತೆ ಇದೆ. ಮಾತಾ ದುರ್ಗಾದೇವಿಯನ್ನು ಪ್ರಾರ್ಥಿಸಿ ಒಳಿತಾಗುವುದು. ಹಣಕಾಸಿನ ತೊಂದರೆ ಇರುವುದಿಲ್ಲ.

ವೃಷಭ:- ಜನರ ಸಂಬಂಧವಾದ ಸುಖ ಸಂತೋಷಗಳ ಬಗ್ಗೆ ಕಾರ್ಯೋನ್ಮುಖರಾಗಿ ಹೆಸರು ಗಳಿಸುವಿರಿ. ಮಕ್ಕಳ ಅಭ್ಯುದಯ ಮನಸ್ಸಿಗೆ ಸಂತೋಷವನ್ನುಂಟು ಮಾಡುವುದು. ನಿಮ್ಮ ಕಾರ್ಯ ವಿಧಾನಗಳು ನಿಮಗೆ ಪ್ರಶಂಸೆ ಮತ್ತು ಲಾಭವನ್ನು ತಂದುಕೊಡುವುವು.

ಮಿಥುನ:- ಮನೆ ಕಟ್ಟುವ ವಿಚಾರದಲ್ಲಿ ಬಹು ಮಹತ್ವದ ಅಡೆತಡೆಯೊಂದು ಸಂಪೂರ್ಣವಾಗಿ ನಿವಾರಣೆಯಾಗಲಿದೆ ಮತ್ತು ಅನೇಕ ಸಮಸ್ಯೆಗಳು ಹಿರಿಯರ ಮಾರ್ಗದರ್ಶನದಿಂದ ಪರಿಹಾರ ಆಗುವುವು. ಸ್ನೇಹಿತರು ಸಕಾಲದಲ್ಲಿ ಸಹಾಯ ನೀಡುವರು.

ಧನುಸ್ಸು ರಾಶಿಯವರೇ ಮನೆಯಲ್ಲಿ ನಿತ್ಯ ದೇವತಾರ್ಚನೆ ಮಾಡುವುದು ಸರ್ವಶ್ರೇಷ್ಠ: ನಿಮ್ಮ ವಾರ ಭವಿಷ್ಯ ನೋಡಿ

ಕಟಕ:- ಬಾಳಸಂಗಾತಿಯ ಜತೆಗಿನ ಮಾತುಕತೆಗಳು ಬಿಕ್ಕಟ್ಟು ತೋರಲು ಅವಕಾಶವಾಗಬಹುದು. ಹಾಗಾಗಿ ಮೌನದಿಂದ ಇರುವುದು ಒಳ್ಳೆಯದು. ಮನಸ್ಸಿನ ನಿಯಂತ್ರಣಕ್ಕಾಗಿ ಶಿವ ಪಂಚಾಕ್ಷರಿ ಮಂತ್ರ ಪಠಿಸಿ.

ಸಿಂಹ:- ಯಾರನ್ನೂ ಹಗುರವಾಗಿ ಕಾಣದಿರಿ. ಆನೆ ತೂಕ ಆನೆಗೆ, ಆಡಿನ ತೂಕ ಆಡಿಗೆ. ನಿಮ್ಮ ಉಡಾಫೆ ಭರಿತ ಮಾತುಗಳು ನಿಮ್ಮ ಅಭ್ಯುದಯಕ್ಕೆ ಅಡ್ಡಗಾಲಾಗಿ ನಿಲ್ಲುವುವು. ನಿಮ್ಮ ಸಂಕಲ್ಪಶಕ್ತಿಗೆ ಹೆಚ್ಚಿನ ತೊಂದರೆಯನ್ನು ನೀಡುವುವು.

ಕನ್ಯಾ:- ನಿಮ್ಮ ಅತಿಯಾದ ಆದರ್ಶಗಳಿಂದ ಜನರು ನಿಮ್ಮಿಂದ ಬಹುವಾಗಿ ಸಹಾಯ ಪಡೆಯಲು ಬರುವರು. ನಿಮ್ಮ ಸ್ಥೈರ್ಯ, ಧೈರ್ಯ, ಸಾಹಸಗಳಿಂದ ಒಳಿತುಗಳಿಗೆ ಸೂಕ್ತವಾದ ದಾರಿ ದೊರೆಯಲಿದೆ.

ಈ ವರ್ಷ ಪ್ರೀತಿಯಲ್ಲಿ ಉತ್ತಮ ಹೊಂದಾಣಿಕೆ ಕಂಡುಕೊಳ್ಳುವ ರಾಶಿಗಳು ಇವು..!

ತುಲಾ:- ಬಹಳ ದಿನಗಳ ನಿಮ್ಮ ತಲೆನೋವು ನಿವಾರಣೆಗೆ ತೀರಾ ಅಪರಿಚಿತರಿಂದ ಹೊಸ ಸಲಹೆಗಳು ಸಿಕ್ಕಿ, ಹರ್ಷಕ್ಕೆ ದಾರಿ ಮಾಡಿಕೊಡುವುದು. ಹಳೆಯ ವ್ಯಾಜ್ಯಗಳಿಂದ ದಣಿದಿರುವ ನಿಮಗೆ ಹಿರಿಯರೊಬ್ಬರ ಸಹಾಯವು ಒಳಿತಿನ ಬದಲಾವಣೆಯನ್ನು ತಂದು ಕೊಡುವುದು.

ವೃಶ್ಚಿಕ:- ಕುಟುಂಬದ ಸದಸ್ಯರನ್ನು ಸೂಕ್ತವಾಗಿ ನಿರ್ದೇಶಿಸಿ ಕಾರ್ಯತತ್ಪರನ್ನಾಗಿ ಮಾಡಿಕೊಳ್ಳಿ. ನಿಮಗೆ ಗೆಲುವಿನ ನಗೆ ನಿಶ್ಚಿತ. ಗುರು ಕಾರುಣ್ಯದಿಂದ ಹಲವು ರೀತಿಯ ಹೊಸದಾದ ಯೋಜನೆಗಳನ್ನು ಹೆಣೆಯುವ ಶಕ್ತಿ ನಿಮಗೆ ಬರಲಿದೆ.

ಧನುಸ್ಸು:- ಸದ್ಯದ ಪ್ರತಿ ಹೆಜ್ಜೆಯೂ ಎಚ್ಚರದ ಜಾಗ್ರತೆಯ ಆವರಣಗಳನ್ನು ಬಯಸಿದೆ. ಸಾವಧಾನದಿಂದ ಮುನ್ನುಗ್ಗಿದರೆ ಕ್ಷೇಮವಿದೆ. ವಾಕ್‌ ಸ್ಥಾನದ ಶನಿಯು ಮಾತಿನ ವಿಚಾರದಲ್ಲಿ ತಪ್ಪು ನುಸುಳುವಂತೆ ಮಾಡುವನು. ಇದು ಜಗಳಕ್ಕೆ ಕಾರಣವಾಗುವುದು. ಈ ಬಗ್ಗೆ ಎಚ್ಚರ ಇರಲಿ.

ಮಕರ:- ಹೊಸ ಯೋಜನೆಯ ಹೊಸ್ತಿಲಿನಲ್ಲಿ ಏನೋ ಎಡವಟ್ಟು ಆಗಿ, ಹಲವು ತಾಂತ್ರಿಕ ತೊಂದರೆಗಳನ್ನು ತಂದು ಆತಂಕ ನಿರ್ಮಿಸಬಹುದು. ಉದರ ಶೂಲೆಯಂತಹ ತೊಂದರೆಯೂ ಕಾಡುವುದರಿಂದ ಮನಸ್ಸಿಗೆ ಹಿತ ಎನಿಸುವುದಿಲ್ಲ. ಕುಲದೇವರನ್ನು ಪ್ರಾರ್ಥನೆ ಮಾಡಿ.

ಕುಂಭ ರಾಶಿಗೆ ಸಾಡೇ ಸಾತಿ ಆರಂಭ: ಏಳೂವರೆ ಶನಿಯ ಫಲಗಳೇನು ಗೊತ್ತಾ?

ಕುಂಭ:- ಅಧಿಕಾರದಲ್ಲಿರುವ ಜನರು ನಿರೀಕ್ಷೆಗೂ ಮೀರಿದ ಬೆಂಬಲವನ್ನು ನಿಮಗೆ ನೀಡುವುದರಿಂದ ನಿಮ್ಮ ಕೆಲಸ ಕಾರ್ಯಗಳು ಅನಾಯಾಸವಾಗಿ ಆಗುವುವು. ಜಗದಂಬೆಯ ಕರುಣೆಯಿಂದ ಹಲವು ಯೋಜನೆಗಳು ಪರಿಪೂರ್ಣಗೊಳ್ಳುವುವು.

ಮೀನ:- ಮಾಯೆಯ ಎಳೆಗಳು ನಿಮ್ಮನ್ನು ಕಾಣದ ಬಲೆಯಲ್ಲಿ ಕೆಡವಿ ನಿಮ್ಮ ವರ್ಚಸ್ಸಿಗೆ ಧಕ್ಕೆ ತರುವ ಸಾಧ್ಯತೆ ಇದೆ. ಧೈರ್ಯಂ ಸರ್ವತ್ರ ಸಾಧನಂ ಎನ್ನುವಂತೆ ಧೈರ್ಯದಿಂದ ಬಂದದ್ದನ್ನು ಎದುರಿಸಿ. ಒಳಿತಾಗುವುದು.