Lakshmi Narayan Yoga 2023: ಜುಲೈ 25 ರಿಂದ ಲಕ್ಷ್ಮಿ ನಾರಾಯಣ ಯೋಗ: ಈ 3 ರಾಶಿಯವರಿಗೆ ಸುಯೋಗ..!

ಜೀವನವು ಸುಗಮ ಹಾಗೂ ಸುಖದಿಂದ ಕೂಡಿರಬೇಕು ಎಂದರೆ ಸಾಕಷ್ಟು ಹಣವು ಕೈಯಲ್ಲಿ ಇರಬೇಕು. ಇಲ್ಲವೇ ನಮಗೆ ಧನಾಗಮನ ಆಗಾಗ್ಗೆ ಆಗುತ್ತಿರಬೇಕು. ವಿಶೇಷವಾಗಿ ಹಣದ ದೇವತೆಯಾದ ಲಕ್ಷ್ಮಿ ತಾಯಿಯ ಕೃಪೆ ನಮ್ಮ ಮೇಲೆ ಇರಬೇಕು. ಅಂತಹ ಒಂದು ಅಮೃತ ಘಳಿಗೆಯು ಇದೇ ತಿಂಗಳಲ್ಲಿ ಒಲಿದು ಬರುವುದು. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಈ ತಿಂಗಳಲ್ಲಿ ಶುಕ್ರ ಮತ್ತು ಬುಧ ಗ್ರಹದ ಸಂಯೋಜನೆ ಆಗುವುದು. ಅದರ ಪ್ರಭಾವದಿಂದ ಜುಲೈ 25 ರಂದು ಮಂಗಳವಾರ ಲಕ್ಷ್ಮಿನಾರಾಯಣ ಯೋಗ ರೂಪುಗೊಳ್ಳುವುದು. ಈ ಯೋಗವು ವಿಶೇಷವಾಗಿ ಕೆಲ ರಾಶಿ ಚಕ್ರದ ಮೇಲೆ ಧನಾತ್ಮಕ ಪ್ರಭಾವ ಬೀರಲಿದೆ. ಅಂತಹ ರಾಶಿ ಚಿಹ್ನಗಳು ಯಾವುವು ನೋಡೋಣ.Mercury Transit 2023: ಜುಲೈ 25 ರಂದು ಸಿಂಹ ರಾಶಿಗೆ ಬುಧ: ಯಾವ ರಾಶಿಗೆ ಶುಭ..? ಯಾವ ರಾಶಿಗೆ ಅಶುಭ..?
ಲಕ್ಷ್ಮಿ ನಾರಾಯಣ ಯೋಗ
ಲಕ್ಷ್ಮಿ ನಾರಾಯಣ ಯೋಗವು ಇದೇ ಜುಲೈ 25 ರಂದು ಸಂಭವಿಸುವುದು. ಈ ಯೋಗವು ಆಗಸ್ಟ್ 7ರ ವರೆಗೆ ಮುಂದುವರಿಯುವುದು. ಆಗಸ್ಟ್ 7ರಂದು ಬೆಳಿಗ್ಗೆ 10.37ಕ್ಕೆ ಶುಕ್ರನು ಕನ್ಯಾ ರಾಶಿಗೆ ಆಗಮಿಸುವನು. ಇಂತಹ ಸಂದರ್ಭದಲ್ಲಿ ಲಕ್ಷ್ಮಿ ನಾರಾಯಣ ಯೋಗವು ಮುಕ್ತಾಯವಾಗುತ್ತದೆ. ಈ ಸೀಮಿತ ಅವಧಿಯಲ್ಲಿಯೇ ಮಿಥುನ, ಕನ್ಯಾ ಮತ್ತು ತುಲಾ ರಾಶಿಯವರಿಗೆ ಅದ್ಭುತವಾದ ಸುಯೋಗವನ್ನು ತಂದುಕೊಡುವುದು. ಸಂಪತ್ತು ಮತ್ತು ಐಶ್ವರ್ಯವು ಅವರನ್ನು ಹಿಂಬಾಲಿಸುವುದು.
ಮಿಥುನ ರಾಶಿ
ಮಿಥುನ ರಾಶಿಯವರಿಗೆ ಲಕ್ಷ್ಮಿ ನಾರಾಯಣ ಯೋಗವು ಅತ್ಯಂತ ಮಂಗಳಕರವಾಗಿರುತ್ತದೆ. ಈ ಸುವರ್ಣ ಅವಧಿಯು ಮಿಥುನ ರಾಶಿಯವರಿಗೆ ಧನ ಧಾನ್ಯದ ಹರಿವು ಕಾಣುವುದು. ಹಿಂದೆಂದು ಕಾಣದಂತಹ ಆರ್ಥಿಕ ಲಾಭವು ದೊರೆಯುತ್ತದೆ. ಆರ್ಥಿಕ ಸ್ಥಿತಿಯ ಸುಧಾರಣೆಯಿಂದ ಮನೆಯಲ್ಲಿ ಸುಖ-ಶಾಂತಿ ನೆಲೆಸುವುದು. ಹಳೆಯ ಸಾಲದಿಂದ ಮುಕ್ತರಾಗುವರು. ಜೊತೆಗೆ ವೃತ್ತಿ ಕ್ಷೇತ್ರದಲ್ಲಿ ಪ್ರಗತಿ ಕಾಣುವರು. ಜನರು ನಿಮ್ಮಿಂದ ಪ್ರಭಾವಿತರಾಗುವರು. ಉದ್ಯೋಗ ಮಾಡುವವರಿಗೆ ಹಾಗೂ ವ್ಯಾಪಾರಿಗಳಿಗೆ ಇದೊಂದು ಅತ್ಯಂತ ಪ್ರಶಸ್ತನೀಯ ಸಮಯ ಎನ್ನಬಹುದು.

Budhaditya Yoga 2023: ಬುಧಾದಿತ್ಯ ಯೋಗದಿಂದ ಈ 4 ರಾಶಿಯವರಿಗೆ ಎಲ್ಲಾ
ಕನ್ಯಾ ರಾಶಿ
ಲಕ್ಷ್ಮಿ ನಾರಾಯಣ ಯೋಗದ ಫಲ ಪಡೆದುಕೊಳ್ಳುವುದರಲ್ಲಿ ಕನ್ಯಾ ರಾಶಿಯು ಒಂದು. ಈ ರಾಶಿಯವರ ಮೇಲೆ ವಿವಿಧ ಬಗೆಯ ಸಕಾರಾತ್ಮಕ ಪರಿಣಾಮ ಉಂಟಾಗುವುದು. ಈ ಸಮಯದಲ್ಲಿ ಆದಾಯವು ಏರಿಕೆ ಆಗುತ್ತದೆ. ಈ ಕಾರಣದಿಂದಾದಗಿ ಹಣಕಾಸಿನ ಭಾಗವು ಬಹಳ ಉತ್ತುಂಗ ಸ್ಥಿತಿಗೆ ತಲುಪುವುದು. ಅದೃಷ್ಟ ಎನ್ನುವುದು ದಯೆಯ ರೂಪದಲ್ಲಿ ಸಿಗುವುದು. ವ್ಯಾಪಾರಸ್ತರಿಗೆ ಹೆಚ್ಚು ಲಾಭ ದೊರೆಯುವುದು. ವೃತ್ತಿಯಲ್ಲಿ ಪ್ರಗತಿ ಹಾಗೂ ಕುಟುಂಬದಲ್ಲಿ ಸಂತೋಷ ನೆಲೆಸುವುದು. ಆಸ್ತಿ ಸಂಬಂಧಿತ ವಿವಾದ ಇದ್ದರೆ ಅದು ಪರಿಹಾರ ಕಂಡು, ಲಾಭ ದೊರೆಯುವುದು.

ತುಲಾ ರಾಶಿ
ಲಕ್ಷ್ಮಿ ನಾರಾಯಣ ಯೋಗವು ಇವರಿಗೆ ಒಂದು ವರವಾಗಿ ಪರಿಗಣಿಸುವುದು. ಅದೃಷ್ಟದ ಪ್ರಾಬಲ್ಯದಿಂದ ವ್ಯಾಪಾರದಲ್ಲಿ ಸಾಕಷ್ಟು ಬೆಳವಣಿಗೆ ಉಂಟಾಗುವುದು. ಅನಿರೀಕ್ಷಿತ ಅದೃಷ್ಟ ಹಾಗೂ ಲಾಭವು ಆರ್ಥಿಕ ಸ್ಥಿತಿಯ ಸುಧಾರಣೆಗೆ ಸಹಾಯ ಮಾಡುವುದು. ಆದಾಯದ ಹೆಚ್ಚಳದಿಂದ ಒಂದಷ್ಟು ಮಾನಸಿಕ ಒತ್ತಡ ಕಡಿಮೆ ಆಗುವುದು. ಉದ್ಯೋಗದ ನಿರೀಕ್ಷೆಯಲ್ಲಿ ಇರುವವರಿಗೆ ಒಳ್ಳೆಯ ಸುದ್ದಿ ಸಿಗುವುದು. ಹೊಸ ಉದ್ಯೋಗ ಹುಡುಕಾಟವು ಸಹ ಉತ್ತಮ ಪ್ರತಿಫಲ ನೀಡುವುದು.

Shani Rahu Yuti 2023: ಈ 5 ರಾಶಿಯವರು ಇನ್ನು 4 ತಿಂಗಳು ಎಚ್ಚರದಿಂದಿದ್ದರೆ, ನಂತರ
ಒಟ್ಟಿನಲ್ಲಿ ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಬುಧ ಮತ್ತು ಶುಕ್ರನ ಸಂಯೋಗವು ಪ್ರತಿಯೊಂದು ರಾಶಿಯವರ ಮೇಲೆ ಭಿನ್ನ ರೀತಿಯ ಪ್ರಭಾವ ಬೀರುತ್ತದೆ. ಆದರೆ ಕೆಲವು ರಾಶಿಯವರಿಗೆ ಅತ್ಯಂತ ಧನಾತ್ಮಕವಾದ ಪ್ರಭಾವ ಬೀರುವುದು. ಅವರು ಹಿಂದೆಂದೂ ಕಾಣದ ಅದೃಷ್ಟವನ್ನು ಪಡೆದುಕೊಳ್ಳುವರು.