ಶನಿ ಸಂಚಾರ ಫಲ 2020: ಈ 4 ರಾಶಿಯವರಿಗೆ ಕಾದಿದೆ ಅಶುಭ ಫಲ..!
ಜನವರಿ 24 ರಂದು ಧನುಸ್ಸು ರಾಶಿಯಲ್ಲಿರುವ ಶನಿಯು ಮಕರ ರಾಶಿಯನ್ನು ಪ್ರವೇಶಿಸಲಿದ್ದಾನೆ. ಕರ್ಮಫಲಗಳನ್ನು ನೀಡುವ ಶನಿಯು ಯಾವ ರಾಶಿಗಳಿಗೆ ಅಶುಭ ಫಲಗಳನ್ನು ನೀಡಲಿದ್ದಾನೆ ಎನ್ನುವುದರ ಕುರಿತು ಮಾಹಿತಿ ಇಲ್ಲಿದೆ.
ಮೇಷ ರಾಶಿ
ಶನಿಯ ಸಂಚಾರವು ಮೇಷ ರಾಶಿಯವರಿಗೆ ಉತ್ತಮವಾಗಿ ಕಂಡುಬರದು. ವೃತ್ತಿಪರ ಕ್ಷೇತ್ರದಲ್ಲಿ ಹಾಗೂ ವೈಯಕ್ತಿಕವಾಗಿಯೂ ಅಪೇಕ್ಷಿತ ಫಲಿತಾಂಶಗಳನ್ನು ಕಾಣಲು ಹೆಚ್ಚಿನ ಶ್ರಮ ಮತ್ತು ಕಠಿಣ ಪರಿಶ್ರಮವನ್ನು ಪಡಬೇಕಾದೀತು. ಇದರಿಂದಾಗಿ ಇಷ್ಟವಿಲ್ಲದೇ ಇರುವ ಒತ್ತಡಕ್ಕೆ ಸಿಲುಕಬಹುದು. ಬಿಡುವಿಲ್ಲದ ಕೆಲಸದಿಂದಾಗಿ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು. ನೀವು ಉತ್ತಮ ನೈರ್ಮಲ್ಯವನ್ನು ಕಾಪಾಡಿಕೊಳ್ಳದಿದ್ದಲ್ಲಿ ಚರ್ಮ ಸೋಂಕು, ಅಲರ್ಜಿಗಳು ಕಂಡುಬರಬಹುದು. ಈ ವರ್ಷದ ಮೊದಲ ಮೂರು ತಿಂಗಳು ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ. ನಿಮಗೆ ಬೇಕಾದವರಿಂದ ಸಲಹೆಯನ್ನು ಪಡೆಯಿರಿ. ಹಿಂಜರಿಕೆಯನ್ನು ದೂರವಿರಿಸಲು ನಿಮ್ಮ ಜೀವನಶೈಲಿಯಲ್ಲಿ ಸ್ವಲ್ಪ ಸಾವಧಾನತೆ ಮತ್ತು ಸಕಾರಾತ್ಮಕತೆಯನ್ನು ಬೆಳೆಸಿಕೊಳ್ಳಿ.
ವೃಷಭ ರಾಶಿ
ಶನಿಯ ಈ ಸಂಚಾರವು ಕೆಲವೊಂದು ವಿಷಯಗಳ ಕುರಿತು ಸತ್ಯಾಂಶಗಳನ್ನು ಬಹಿರಂಗಪಡಿಸಬಹುದು. ಇದರಿಂದಾಗಿ ನೀವು ಬೇರೆಯೇ ದಿಕ್ಕಿನಲ್ಲಿ ಯೋಚಿಸುವಂತೆ ಮಾಡುತ್ತದೆ. ಆದರೆ ಈ ಬದಲಾವಣೆಯು ನಿಮಗೆ ಶುಭವನ್ನು ತರಲಾರದು. ಶನಿ ಸಂಚಾರವು ಮೊದಲ ತಿಂಗಳಲ್ಲಿ ನಿಮ್ಮ ಸುತ್ತಮುತ್ತಲಿನವರೊಂದಿಗೆ ಕಲಹವನ್ನು ಸೃಷ್ಟಿಸಬಹುದು. ನಿಮ್ಮ ಸಂಬಂಧಗಳಲ್ಲಿ ಅಪಶೃತಿ ಕಂಡುಬರಬಹುದು. ನಿಮಗೆ ಕೆಲಸದಲ್ಲಿ ನಿರಾಶೆಯುಂಟು ಮಾಡಬಹುದು ಹಾಗೂ ಮಾಡಬೇಕಾದ ಕೆಲಸಗಳನ್ನು ಮುಂದೂಡಬೇಕಾದ ಪರಿಸ್ಥಿತಿ ಉಂಟಾಗಬಹುದು. ನೀವು ಗುರಿಯನ್ನು ಬೆನ್ನತ್ತಿ ಹೊರಟರೆ ಶನಿಯ ಚಲನೆಯು ನಿಮ್ಮನ್ನು ನಿಧಾನವಾಗಿ ಚಲಿಸುವಂತೆ ಮಾಡುತ್ತಾನೆ. ಹಾಗಾಗಿ ಅಪೇಕ್ಷಿತ ಫಲಿತಾಂಶಗಳನ್ನು ಪಡೆಯಲು ನೀವು ಸ್ವಲ್ಪ ಸಮಯ ಕಾಯಬೇಕಾಗಬಹುದು. ವೃಷಭ ರಾಶಿಯವರು ವಿಮರ್ಶಾತ್ಮಕ ನಡೆ ನುಡಿಯನ್ನು ಹೊಂದಿರುವುದರಿಂದ ನೀವು ಏನು ಮಾಡುತ್ತೀರಿ ಮತ್ತು ಏನು ಮಾತನಾಡುತ್ತೀರಿ ಎನ್ನುವುದರ ಬಗ್ಗೆ ಜಾಗರೂಕರಾಗಿರುವುದು ಒಳ್ಳೆಯದು. ನಿಮ್ಮ ಆರೋಗ್ಯದ ಬಗ್ಗೆ ವಿಶೇಷ ಕಾಳಜಿ ವಹಿಸಿ.
ಕಟಕ ರಾಶಿ
ಕಟಕ ರಾಶಿಯವರಿಗೆ ಶನಿಯ ಸಂಚಾರವು ಅನುಕೂಲಕರವಾಗಿಲ್ಲ. ಸಂಚಾರ ಅವಧಿಯ ಮೊದಲಾರ್ಧವು ವಿಶೇಷವಾಗಿ ಕ್ಲಿಷ್ಟವಾದ ಹಾಗೂ ಅಡೆತಡೆಗಳು ಉಂಟಾಗಬಹುದು. ಏಕೆಂದರೆ ಶನಿಯು ಕಷ್ಟವಾದ ಪರೀಕ್ಷೆಗಳನ್ನು ಒಡ್ಡಬಹುದು. ಅನಗತ್ಯ ವಾದ ವಿವಾದಗಳು ನಿಮ್ಮ ಮನಸ್ಸನ್ನು ಹಾಳು ಮಾಡಬಹುದು ಹಾಗೂ ಉದ್ವಿಗ್ನವನ್ನು ಉಂಟು ಮಾಡಬಹುದು. ಶನಿಯು ಅನೇಕ ಸಮಸ್ಯೆಗಳನ್ನು ತಂದೊಡ್ಡಬಹುದು, ಇದರಿಂದಾಗಿ ಸ್ಪಷ್ಟವಾಗಿ ಚಿಂತಿಸುವುದನ್ನೂ ನೀವು ನಿಲ್ಲಿಸಬಹುದು.
ನಿಮ್ಮ ದೇಹಾರೋಗ್ಯದ ಕಡೆಗೆ ಗಮನ ನೀಡಿ. ನಿಮ್ಮ ದೇಹವು ಆರೈಕೆ ಹಾಗೂ ವಿಶ್ರಾಂತಿಯನ್ನು ಬಯಸುತ್ತದೆ. ಅನಾರೋಗ್ಯ ಹಾಗೂ ಸೋಂಕುಗಳು ಬಾಧಿಸದಂತೆ ಅಗತ್ಯ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಿ. ಸೋಮಾರಿತನ ಹಾಗೂ ಹಿಂತಿರುಗಿ ಮಾತನಾಡುವ ಸ್ವಭಾವವು ಸಮಸ್ಯೆಗಳನ್ನು ಹೆಚ್ಚಿಸಬಹುದು. ಹಾಗಾಗಿ ಹೆಚ್ಚು ಕಾಲಹರಣ ಮಾಡದಿರಿ. ನಿರ್ಣಾಯಕ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಮಯ ಇದಾಗಿದೆ ಹಾಗಾಗಿ ಯಾವುದೇ ಕಾರ್ಯವನ್ನು ಆರಂಭಿಸುವುದಕ್ಕೂ ವಿಳಂಬ ಮಾಡದಿರಿ.
ಧನುಸ್ಸು ರಾಶಿ
ಶನಿಯು ನಿಮ್ಮ ರಾಶಿಯಿಂದ ಮಕರ ರಾಶಿಗೆ ಸಂಚರಿಸಿದರೂ ನಿಮ್ಮ ರಾಶಿಯನ್ನು ಆಳುವ ಗ್ರಹದಿಂದಾಗಿ ನಕಾರಾತ್ಮಕ ಕಂಪನಗಳು ಹಾಗೂ ಶಕ್ತಿಯ ಅಸಮತೋಲನವು ಕಂಡುಬರುತ್ತದೆ.
ಪ್ರಗತಿಯು ನಿಧಾನವಾಗಿರುವುದರಿಂದ ನಿಮ್ಮ ನಿರುತ್ಸಾಹ ಉಂಟಾಗಬಹುದು. ನೀವು ಆತಂಕ, ಸ್ವಾಭಿಮಾನ ಹಾಗೂ ಆತ್ಮವಿಶ್ವಾಸದ ಕೊರತೆಯಿಂದ ಬಳಲಬಹುದು. ಇದು ನಿಮ್ಮ ಗುರಿಗೆ ತಡೆಯೊಡ್ಡಬಹುದು. ನೀವು ಬಯಸುವಂತಹ ಫಲಿತಾಂಶವು ಸಿಗದೇ ಹೋಗಬಹುದು, ಇದರಿಂದ ಅತೃಪ್ತರಾಗಬಹುದು. ಆರೋಗ್ಯ ಸಮಸ್ಯೆಗಳೂ ಕೂಡಾ ನಿಮ್ಮ ಪ್ರಗತಿಗೆ ಅಡ್ಡಿಯಾಗಬಹುದು. ಹಾಗಾಗಿ ಆರೋಗ್ಯ ಮತ್ತು ಜೀವನಶೈಲಿಗೆ ಹೆಚ್ಚಿನ ಒತ್ತನ್ನು ನೀಡಿ.