2019ರಲ್ಲಿ ಆಷಾಢ ಮಾಸ ಆರಂಭವಾಗುವುದು ಯಾವಾಗ? ಈ ಬಾರಿ ಆಷಾಢದ ಪ್ರಮುಖ ದಿನಗಳು ಯಾವುವು ಗೊತ್ತಾ?

ಚಾಂದ್ರಮಾನ ವರ್ಷ ಅಥವಾ ಹಿಂದೂ ಕ್ಯಾಲೆಂಡರ್ ಪ್ರಕಾರ ಆಷಾಢ ಮಾಸ 4ನೇ ತಿಂಗಳಿನಲ್ಲಿ ಬರುತ್ತದೆ. ಉತ್ತರ ಭಾರತ, ಆಂಧ್ರ ಪ್ರದೇಶ ಹಾಗೂ ಕರ್ನಾಟಕದಲ್ಲಿ ಇದನ್ನು ಪಾಲಿಸಲಾಗುತ್ತದೆ.

2019ರಲ್ಲಿ ಹಿಂದೂ ಕ್ಯಾಲೆಂಡರ್‌ಗಳ ಪ್ರಕಾರ ಉತ್ತರ ಭಾರತದ ಕಾಶ್ಮೀರ, ಹಿಮಾಚಲ ಪ್ರದೇಶ, ಉತ್ತರ ಪ್ರದೇಶ, ಉತ್ತರಾಖಂಡ, ಮಧ್ಯ ಪ್ರದೇಶ, ಜಾರ್ಖಂಡ್‌, ಛತ್ತೀಸ್‌ಗಢ ಮುಂತಾದೆಡೆ ಆಷಾಢ ಮಾಸ ಜೂನ್ 18ರಿಂದ ಆರಂಭವಾಗಲಿದ್ದು ಜುಲೈ 16ರವರೆಗೆ ಇರಲಿದೆ. ಇನ್ನು, ಕನ್ನಡ ಹಾಗೂ ತೆಲುಗು ಕ್ಯಾಲೆಂಡರ್‌ ಪ್ರಕಾರ ಜುಲೈ 3 ರಂದು ಆರಂಭವಾಗಲಿರುವ ಆಷಾಢ ಮಾಸ ಆಗಸ್ಟ್‌ 1ಕ್ಕೆ ಅಂತ್ಯವಾಗಲಿದೆ.

ಆಷಾಢ ಮಾಸದಲ್ಲಿ ಮದುವೆ, ಗೃಹ ಪ್ರವೇಶ, ಉಪನಯನ ಮುಂತಾದ ಶುಭ ಕಾರ್ಯಗಳು ನಡೆಯದಿದ್ದರೂ ಹಲವು ಹಬ್ಬಗಳು ನಡೆಯಲಿವೆ. ಅಲ್ಲದೆ, ಕುಮಾರ ಷಷ್ಠಿ, ಶಮಿ ಗೌರಿ ವ್ರತ, ಭಾನು ಸಪ್ತಮಿ, ಚಾರ್ತುಮಾಸ ವ್ರತ ಹಾಗೂ ಭೀಮನ ಅಮಾವಾಸ್ಯೆಯಂತಹ ಶುಭ ದಿನಗಳು ಈ ಮಾಸದಲ್ಲಿದೆ.

ಆಷಾಢ ಮಾಸದಲ್ಲಿ ಪ್ರದೋಷ ಉಪವಾಸದ ದಿನಗಳು: ಜುಲೈ 14 ರಿಂದ ಜುಲೈ 29

ಏಕಾದಶಿ ಉಪವಾಸದ ದಿನಗಳು
ದೇವಶಯಾನಿ ಏಕಾದಶಿ - ಜುಲೈ 12
ಕಾಮಿಕ ಏಕಾದಶಿ - ಜುಲೈ 28

ಇನ್ನು, ಜುಲೈ 20ರಂದು ಸಂಕಷ್ಟಹರ ಚತುರ್ಥಿ ವ್ರತ ಇದೆ. ಹಾಗೂ ಆಷಾಢ ಮಾಸ ಶುಕ್ಲ ಪಕ್ಷ ಜುಲೈ 3 ರಿಂದ ಆರಂಭವಾಗಲಿದ್ದು, ಜುಲೈ 16 ಕ್ಕೆ ಅಂತ್ಯವಾಗಲಿದೆ. ಇದೇ ರೀತಿ, ಕೃಷ್ಣ ಪಕ್ಷ ಜುಲೈ 17 ರಿಂದ ಆರಂಭವಾಗಲಿದ್ದು, ಆಗಸ್ಟ್‌ 1, 2019ರವರೆಗೆ ನಡೆಯಲಿದೆ.

ಆಷಾಢ ಹುಣ್ಣಿಮೆ
ಆಷಾಢ ಹುಣ್ಣಿಮೆ ಜುಲೈ 16 ರಂದು ನಡೆಯಲಿದ್ದು, ಪೂರ್ಣಿಮೆ ವ್ರತ ಸಹ ಅದೇ ದಿನ ನಡೆಯಲಿದೆ. ಅದೇ ರೀತಿ ವ್ಯಾಸ ಹಾಗೂ ಗುರು ಪೂರ್ಣಿಮೆ ವ್ರತ ಸಹ ಅದೇ ದಿನ ಆಚರಿಸಲಾಗುತ್ತದೆ. ಆಷಾಢ ಅಮಾ

ಆಷಾಢ ಮಾಸದ ಪ್ರಮುಖ ಹಬ್ಬಗಳು ಹಾಗೂ ಶುಭದಿನಗಳು
ಚಾರ್ತುಮಾಸ ವ್ರತ - ಜುಲೈ 13ರಿಂದ ಆರಂಭ
ಗೋಪದ್ಮ ವ್ರತ - ಜುಲೈ 13ರಿಂದ ಆರಂಭ
ಚುಕ್ಕಲ ಅಮಾವಾಸ್ಯೆ ಹಾಗೂ ಗೌರಿ ವ್ರತ - ಆಗಸ್ಟ್ 1
ಭೀಮನ ಅಮಾವಾಸ್ಯೆ / ಆಷಾಢ ಅಮಾವಾಸ್ಯೆ- ಆಗಸ್ಟ್ 1

ಇನ್ನು, ಕರ್ನಾಟಕದಲ್ಲಿ ಆಷಾಢ ಮಾಸ ಆರಂಭದ ಹಿಂದಿನ ದಿನ ಹಾಗೂ ಉತ್ತರ ಭಾರತದ ಆಷಾಢ ಮಾಸದ ವೇಳೆ ಅಂದರೆ ಜುಲೈ 2ರಂದು ಸೂರ್ಯ ಗ್ರಹಣ ಇದ್ದು, ಜುಲೈ 16ರಂದು ಚಂದ್ರ ಗ್ರಹಣ ಸಹ ಜರುಗಲಿದೆ. ಅಲ್ಲದೆ, ಜುಲೈ 16ರಂದು ದಕ್ಷಿಣಾಯನ ಸಂಕ್ರಾಂತಿ ಸಹ ಇದೆ. ಆಷಾಢ ಮಾಸದ ಬಳಿಕ ಶ್ರಾವಣ ಮಾಸ ಆರಂಭವಾಗಲಿದೆ.