ಸಮಗ್ರ ಉನ್ನತಿಗೆ ರುದ್ರಾಕ್ಷಿ

ರುದ್ರಾಕ್ಷಿಗೆ ಧಾರ್ಮಿಕ ಮಹತ್ವಕ್ಕಿಂತಲೂ ಹೆಚ್ಚು ವೈಜ್ಞಾನಿಕ ಮಹತ್ವವಿದೆ. ಈ ಮಾಂತ್ರಿಕ ಮಣಿ ನಿಮ್ಮ ಬದುಕಿನ ಒಳಿತಿಗೆ ಸರ್ವರೀತಿಯಲ್ಲೂ ಪೂರಕ. ರುದ್ರಾಕ್ಷಿಯಲ್ಲಿ ಎಷ್ಟು ಮುಖಗಳಿವೆ ಎಂಬುದರ ಮೇಲೆ ಅವುಗಳನ್ನು ವಿಭಾಗಿಸಲಾಗುತ್ತದೆ. ಅವುಗಳಲ್ಲಿ ಒಂದರಿಂದ 21 ಮುಖಿ ರುದ್ರಾಕ್ಷಿಗಳವರೆಗೆ ವೈವಿಧ್ಯವಿದ್ದು 1ರಿಂದ 14 ಮುಖಗಳ ರುದ್ರಾಕ್ಷಿಗಳು ಹೆಚ್ಚು ಸಾಮಾನ್ಯವಾಗಿರುತ್ತವೆ.

ರುದ್ರಾಕ್ಷಿಯ ಮಹತ್ವ

ರುದ್ರಾಕ್ಷಿಯನ್ನು ಬಹು ಹಿಂದಿನಿಂದಲೂ ಆಯುರ್ವೇದೀಯ ಚಿಕಿತ್ಸೆಯಲ್ಲಿ ಬಳಸಲಾಗುತ್ತಿತ್ತು. ರುದ್ರಾಕ್ಷಿಯು ವಿದ್ಯುತ್ಕಾಂತೀಯ ಶಕ್ತಿಯನ್ನು ಹೊಂದಿದೆ ಎಂದು ಕೆಲವು ಸಂಶೋಧನೆಗಳೂ ಹೇಳಿವೆ. ಇದನ್ನು ಎದೆಯ ಮೇಲೆ ಧರಿಸಿದಾಗ ಅದು ದೇಹದ ಶಕ್ತಿಯನ್ನು ಹೆಚ್ಚಿಸುತ್ತದೆ. ಈ ಮೂಲಕ ರೋಗದ ವಿರುದ್ಧ ಹಾಗೂ ವಯಸ್ಸಾಗುವುದರ ವಿರುದ್ಧಸೆಣಸುವ ಶಕ್ತಿಯನ್ನು ಹೆಚ್ಚಿಸುತ್ತದೆ. ರುದ್ರಾಕ್ಷಿಯ ಮುಖಗಳು ಹೆಚ್ಚು ಇದ್ದಷ್ಟೂ ವಿದ್ಯುತ್ಕಾಂತೀಯ ಶಕ್ತಿಯೂ ಹೆಚ್ಚು ಇರುತ್ತದೆ. ರುದ್ರಾಕ್ಷಿಯಲ್ಲಿ ರೇಡಿಯಂ, ತಾಮ್ರ, ಮ್ಯಾಂಗನೀಸ್‌, ಕಬ್ಬಿಣ, ಚಿನ್ನ ಮತ್ತು ಬೆಳ್ಳಿಯ ಅಂಶಗಳು ಆಲ್ಕಲಾಯ್ಡ್‌ ರೂಪದಲ್ಲಿ ಇರುತ್ತವೆ. ಅವುಗಳು ಚರ್ಮದ ಸ್ಪರ್ಶಕ್ಕೆ ಒಳಗಾದಾಗ ಸಕಾರಾತ್ಮಕವಾಗಿ ಸ್ಪಂದಿಸುತ್ತವೆ.

ರುದ್ರಾಕ್ಷಿಯ ಪ್ರಯೋಜನಗಳು

ರುದ್ರಾಕ್ಷಿಯು ಕತ್ತಿನ ಸುತ್ತ ಇದ್ದಾಗ ಹೃದಯದ ಭಾಗದಲ್ಲಿ ಹೊರಹೊಮ್ಮುವ ಶಕ್ತಿಯು ಹೃದಯದ ಬಡಿತವನ್ನು ಸ್ಥಿರವಾಗಿರಿಸುತ್ತದೆ ಹಾಗೂ ಹೃದಯಸ್ತಂಭನ, ಅಧಿಕ ರಕ್ತದೊತ್ತಡದಂತಹ ಸಮಸ್ಯೆ ನಿವಾರಿಸಿ ರಕ್ತ ಪರಿಚಲನೆ ಸರಾಗವಾಗಿರುವಂತೆ ನಿರ್ವಹಿಸುತ್ತದೆ.