​ ಸರಸ್ವತಿ ಪೂಜೆ ಅಲಂಕಾರ ಹೀಗಿರಲಿ

ಸರಸ್ವತಿಯು ವಿದ್ಯೆ, ಬುದ್ಧಿ, ಜ್ಞಾನ, ಸಂಗೀತ, ಕಲೆ, ವಿಜ್ಞಾನ ಮತ್ತು ತಂತ್ರಜ್ಞಾನಗಳ ದೇವತೆ. ನವರಾತ್ರಿಯ ವಸಂತ ಪಂಚಮಿಯ ದಿನದಂದು ಸರಸ್ವತಿಯನ್ನು ವಿಶೇಷವಾಗಿ ಪೂಜಿಸಿದರೆ ಜ್ಞಾನ ಮತ್ತು ವಿದ್ಯೆಯು ಒಲಿಯುತ್ತದೆ ಎಂಬೊಂದು ನಂಬಿಕೆಯಿದೆ. ಇತರ ಪೂಜೆಗಳಂತೆ ಸರಸ್ವತಿ ಪೂಜೆಯ ಅಲಂಕಾರವೂ ವಿಶೇಷವಾಗಿರಬೇಕು.

ಸರಸ್ವತಿ ಪೂಜೆ ಅಲಂಕಾರ

* ಆ ದಿನ ಮನೆ ಮುಂದೆ ವಸಂತ ಪಂಚಮಿ ಡಿಸೈನ್‌ನ ರಂಗೋಲಿ ಹಾಕಬೇಕು.

* ಮನೆಯ ಕೇಂದ್ರ ಭಾಗದಲ್ಲಿ ಸರಸ್ವತಿ ದೇವಿಗೆ ಮಂಟಪ ನಿರ್ಮಿಸಬೇಕು. ಈ ದೇವಿಗೆ ಸರಳತೆ ಇಷ್ಟ. ಆದ್ದರಿಂದ ಅಲಂಕಾರಗಳೂ ಸರಳ ಮತ್ತು ಸುಂದರವಾಗಿರಲಿ.

* ಮಂಟಪದ ಸುತ್ತಮುತ್ತ ಬಿಳಿ ಹಂಸಗಳ ಕಲಾಕೃತಿಗಳನ್ನು ಇಡಿ. ನವಿಲು ಥೀಮ್‌ನ ಅಲಂಕಾರ ಮಾಡಿದರೂ ಚೆನ್ನಾಗಿರುತ್ತದೆ.

* ಶಾರದೆಯ ಮೂರ್ತಿ ಇಲ್ಲದಿದ್ದರೆ ಫೋಟೊ ಇಟ್ಟೂ ಪೂಜೆ ಮಾಡಬಹುದು.

* ಶಾರದೆಗೆ ಬಿಳಿ ಬಣ್ಣ ಇಷ್ಟ. ಆದ್ದರಿಂದ ಆಕೆಯ ಮೂರ್ತಿಗೆ ಬಿಳಿ ಬಣ್ಣ ಅಥವಾ ಹಳದಿ ಬಣ್ಣದ ಸೀರೆಯನ್ನು ಉಡಿಸಿ.

* ಬಿಳಿ ದಾಸವಾಳ, ಪಾರಿಜಾತ, ಮಲ್ಲಿಗೆ ಮುಂತಾದ ಬಿಳಿ ಬಣ್ಣಗಳ ಅಥವಾ ಹಳದಿ ಹೂವುಗಳಿಂದ ಶಾರದೆಯನ್ನು ಅಲಂಕರಿಸಿ.

* ಮೂರ್ತಿಯ ಸುತ್ತಮುತ್ತ ಮಕ್ಕಳ ಪುಸ್ತಕಗಳು, ಪೆನ್ಸಿಲ್‌, ಪೆನ್‌, ಲ್ಯಾಪ್‌ಟಾಪ್‌, ಸಂಗೀತ ಉಪಕರಣ ಇತ್ಯಾದಿಗಳನ್ನು ಇಡಬಹುದು.