ಕರುನಾಡ ಶಕ್ತಿದೇವತೆಗಳು: ಕೊಲ್ಲಾಪುರದ ಮಹಾಲಕ್ಷ್ಮೀ ದೇವಿ

ಚಿತ್ರದುರ್ಗದ ಕೆಳಗೋಟೆಯ ಕೊಲ್ಲಾಪುರದ ಮಹಾಲಕ್ಷ್ಮೀ ದೇವಾಲಯದಲ್ಲಿ ಕಳೆದ ನಾಲ್ಕು ವರ್ಷದಿಂದ ನವರಾತ್ರಿ ಉತ್ಸವ ಅದ್ದೂರಿಯಾಗಿ ಆಚರಿಸಿಕೊಂಡು ಬರಲಾಗುತ್ತಿದೆ. ಈ ಗುಡಿಗೆ ಎರಡು ಶತಮಾನಗಳ ಚರಿತ್ರೆ ಇದೆ. ಇತ್ತೀಚೆಗೆ ಇಡೀ ದೇವಾಲಯವನ್ನು ಜೀರ್ಣೋದ್ದಾರ ಮಾಡಲಾಗಿದೆ.

ನವರಾತ್ರಿ ಉತ್ಸವಕ್ಕೆ ದೇವಿಗೆ ನಾನಾ ಅಲಂಕಾರ ಮಾಡಲಾಗುತ್ತದೆ. ದೇವಿಗೆ ನವರಾತ್ರಿ ಉತ್ಸವ ನಿಮಿತ್ತ ಬ್ರಹ್ಮಚಾರಿಣೇ ಮಾತಾ ಅಲಂಕಾರ, ಚಂದ್ರ ಘಂಟಾ ಮಾತಾ ಅಲಂಕಾರ, ಕೂಷ್ಮಾಂಡಾ ಮಾತಾ ಅಲಂಕಾರ, ಸ್ಕಂದ ಮಾತಾ ಅಲಂಕಾರ, ಕಾತ್ಯಾಯಿನೀ ದೇವಿ ಅಲಂಕಾರ, ಮಹಾಸರಸ್ವತಿ ಮಾತಾ ಅಲಂಕಾರ, ಕಾಳಿಮಾತಾ ಅಲಂಕಾರ, ಧನಲಕ್ಷ್ಮೀ ಮಾತಾ ಅಲಂಕಾರ ಮಾಡಲಾಗುವುದು.

ವಿಜಯದಶಮಿ ದಿನ ಮಹಾಲಕ್ಷ್ಮೀ ಅಮ್ಮನವರನ್ನು ಮೆರವಣಿಗೆ ಮೂಲಕ ಕೆಳಗೋಟೆ ಗಣೇಶ ದೇವಾಲಯದಲ್ಲಿ ಪೂಜೆ ಸಲ್ಲಿಸಲಾಗುತ್ತದೆ. ನಂತರ ತುರುವನೂರು ರಸ್ತೆಯ ವೆಂಕಟರಮಣ ಸ್ವಾಮಿ ದೇವಾಲಯದ ಆವರಣದ ಸನ್ನಿಧಾನದಲ್ಲಿ ಬನ್ನಿಪೂಜೆ ಮುಗಿಸಿಕೊಂಡು ರಾತ್ರಿ ಪುನಃ ಕೆಳಗೋಟೆಯ ದೇವಾಲಯಕ್ಕೆ ದೇವಿಯ ಮೂರ್ತಿ ಮರಳಿತ್ತದೆ.