ಕೊಲ್ಲಾಪುರದ ಅಂಬಾಬಾಯಿಗೆ ಈ ಬಾರಿ ಬರಲಿಲ್ಲ ತಿಮ್ಮಪ್ಪನ ಗಿಫ್ಟ್‌

ಪ್ರತೀ ವರ್ಷ ದಸರಾ ಉತ್ಸವಕ್ಕೆ ತಿರುಪತಿ ತಿರುಮಲಾ ದೇವಾಲಯದಿಂದ ಕೊಲ್ಲಾಪುರದ ಅಂಬಾಬಾಯಿಗೆ ಉಡಲು ಸೀರೆ ಕಳುಹಿಸುವ ಪದ್ಧತಿ ಇತ್ತು. ಆದರೆ ಈ ಬಾರಿ ತಿರುಪತಿಯಿಂದ ಅಂಬಾಬಾಯಿಗೆ ಯಾವುದೇ ಸೀರೆ ಕಳುಹಿಸಿಲ್ಲ.

ದಸರಾ ಉತ್ಸವ ಸಂದರ್ಭದಲ್ಲಿ ತಿರುಪತಿಯಿಂದ ಕಳುಹಿಸುತ್ತಿದ್ದ ಸೀರೆಯನ್ನು ಅಂಬಾಬಾಯಿ ದೇವಿಗೆ ತೊಡಿಸುತ್ತಿದ್ದರು. ಈ ಪದ್ಧತಿ ನೂರಾರು ವರ್ಷಗಳಿಂದ ಆಚರಣೆಯಲ್ಲಿತ್ತು. ಆದರೆ ಈ ಪಶ್ಷಿಮ ಮಹಾರಾಷ್ಟ್ರ ದೇವಸ್ಥಾನ ಸಮಿತಿ(PMDS) ಕೊಲ್ಲಾಪುರ ಅಂಬಾಬಾಯಿ ದೇವಿಗೆ ತಿರುಪತಿಯಿಂದ ಬರುವ ಸೀರೆಯ ಬದಲಿಗೆ ಮಹಾವಸ್ತ್ರ ತೊಡಿಸಲು ತೀರ್ಮಾನಿಸಿದೆ.

ಪ್ರತೀವರ್ಷ ಪಿಎಂಡಿಎಸ್‌ ರೇಷ್ಮೆ ಸೀರೆ ಕಳುಹಿಸುವಂತೆ ಕೋರಿ ತಿರುಪತಿಗೆ ಪತ್ರ ಬರೆಯುತ್ತಿದ್ದರು. ಆದರೆ ಈ ಬಾರಿ ಬರೆಯಲಿಲ್ಲ. ತಿರುಪತಿ ಸೀರೆ ಬಂದರೆ ದಸರಾದ ಎರಡನೇ ದಿನ ಉಡಿಸಲು ತೀರ್ಮಾನಿಸಿದೆ.

ದಸರಾ ಹಬ್ಬ ಕಳೆದ ಬಳಿಕ ದೇವಿಗೆ ಉಡಿಸಿದ ಸೀರೆಯನ್ನು ಹರಾಜು ಕರೆಯುತ್ತಾರೆ. ಆದರೆ ಕಳೆದ ವರ್ಷ ಹರಾಜಿನಲ್ಲಿ ಕನಿಷ್ಠ ಬೆಲೆಯೇ 4.2 ಲಕ್ಷ ಇದ್ದ ಕಾರಣ ಸೀರೆ ಮಾರಾಟವಾಗಿಲ್ಲ.
ದೇವಿಗೆ ಉಡಿಸಿದ ಸೀರೆ
2011ರಲ್ಲಿ 2.51 ಲಕ್ಷ
2010ರಲ್ಲಿ 2.26 ಲಕ್ಷ
2012ಲ್ಲಿ 3.21 ಲಕ್ಷ
2013ರಲ್ಲಿ 7.5 ಲಕ್ಷ
2014ರಲ್ಲಿ 5.5 ಲಕ್ಷ ಹಣಕ್ಕೆ ಮಾರಾಟವಾಗಿತ್ತು.