ಸೌರಮಂಡಲದ ಎರಡನೆಯ ಅತಿ ದೊಡ್ಡ ಗ್ರಹವೇ ಶನಿ. ಅಧ್ಯಾತ್ಮದ ಪ್ರಕಾರ ಶನಿ ಕರ್ಮವನ್ನು ಪ್ರತಿನಿಧಿಸುತ್ತದೆ. ಆಧ್ಯಾತ್ಮಿಕವಾಗಿ ಶನಿ ಗ್ರಹವು ಮೂಲಾಧಾರ ಮತ್ತು ಸಹಸ್ರಾರ ಚಕ್ರವನ್ನು ಪ್ರತಿನಿಧಿಸುತ್ತದೆ. ಮೂಲಾಧಾರ ಚಕ್ರಕ್ಕೆ ಹೊಂದಿಕೊಂಡಂತೆ ಪೃಥ್ವೀ ತತ್ವವನ್ನು ಹೊಂದಿದೆ. ಸಹಸ್ರಾರದ ಅಧಿಪತಿಯಾಗಿ ಕರ್ಮ ಮತ್ತು ಉನ್ನತ ಪ್ರಜ್ಞೆಯ ಸಂಕೇತವಾಗಿದೆ. ಅನಿಲ ದೈತ್ಯಗ್ರಹವೆಂದೇ ಕರೆಯಲ್ಪಡುವ ಶನಿ ಉತ್ತಮ ಗುರುವಾಗಿದ್ದಾನೆ. ತನ್ನ ಶಿಷ್ಯರನ್ನು ತಿದ್ದಿ ತೀಡಿ, ದಂಡಿಸಿ ಬುದ್ದಿ ಕಲಿಸುತ್ತಾನೆ.
ಜೀವನದ ನಡೆ, ನುಡಿ ಹೇಗಿರಬೇಕೆಂದು ತಿಳಿಸಿಕೊಡುತ್ತಾನೆ. ಅಧ್ಯಾತ್ಮ ಜೀವಿ ಶನಿಯನ್ನು ಅಂತರಂಗದ ಧ್ವನಿ ಎಂತಲೇ ಗುರುತಿಸುತ್ತಾನೆ. ಸಾಧನೆಯ ಹಾದಿಯಲ್ಲಿ ಮುನ್ನಡೆಯ ಬಯಸುವವನು ಆ ಧ್ವನಿಗೆ ಕಿವಿಗೊಡಬೇಕು. ಇಲ್ಲವಾದರೆ ಬದುಕು ಏರಿಳಿತದ ಹಾದಿಯಲ್ಲಿ ಸಾಗುತ್ತದೆ. ಇನ್ನಿಲ್ಲದ ಪರಿಪಾಟಲಿಗೆ ದಾರಿಯಾಗುತ್ತದೆ.
ಶನಿ ಗ್ರಹವು ಏಳು ಉಂಗುರಗಳನ್ನು ಹೊಂದಿದೆ. ಉಂಗುರಗಳು ಹಿಮ ಮತ್ತು ಹಿಮದಿಂದ ಆವೃತ್ತವಾದ ಕಣಗಳಿಂದ ಕೂಡಿವೆ. 22 ಉಪಗ್ರಹಗಳನ್ನು ಹೊಂದಿದೆ. ಬರಿಗಣ್ಣಿನಿಂದಲೇ ಶನಿಗ್ರಹವನ್ನು ವೀಕ್ಷಿಸಬಹುದಾದರೂ ಅದರ ಉಂಗುರಗಳು ಕಾಣುವುದಿಲ್ಲ. ಭೂಮಿಗಿಂತಲೂ 95 ಪಟ್ಟು ಭಾರವಾಗಿದೆ. 53 ಚಂದ್ರರನ್ನು ಹೊಂದಿದೆ. ಟೈಟಾನ್‌ ಅತಿ ದೊಡ್ಡ ಚಂದ್ರ. ಸೂರ್ಯನನ್ನು ಒಮ್ಮೆ ಸುತ್ತಲು 29.5 ವರ್ಷಗಳನ್ನು ತೆಗೆದುಕೊಳ್ಳುತ್ತದೆ.