ದಿಂಬಿನ ಕೆಳಗೆ ಏಲಕ್ಕಿ ಇಟ್ಟುಕೊಂಡು ಮಲಗಿ ನೋಡಿ!

ನಮ್ಮ ಸುತ್ತಲಿನ ಜಗತ್ತು ವೇಗವಾಗಿ ಸಾಗುತ್ತಿದೆ ಎಂದು ಅನ್ನಿಸುತ್ತದೆ. ಅದೇ ರೀತಿ ಪ್ರಸ್ತುತ ಇರುವ 24 ಗಂಟೆಗಳ ಸಮಯ ಸಹ ನಮಗೆ ಸರಿಹೋಗುತ್ತಿಲ್ಲ. ಎದ್ದೆನೋ ಬಿದ್ದೆನೋ ಎಂದು ಓಡುವ ವೃತ್ತಿ ಬದುಕು, ವೈಯಕ್ತಿಕ ಬದುಕಿನ ನಡುವೆ ಹೊಂದಾಣಿಕೆ ಮಾಡಿಕೊಳ್ಳಲು ನಿರಂತರ ಹೋರಾಟ ತಪ್ಪಿದ್ದಲ್ಲ. ಈ ಎರಡರ ನಡುವೆ ಸಮಾನತೆ ಸಾಧಿಸುವ ಕ್ರಮದಲ್ಲಿ ನಿದ್ದೆಗೆ ಹೊಡೆತ ಬೀಳುತ್ತದೆ. ಆದರೆ ಪ್ರತಿಯೊಬ್ಬರಿಗೂ ಕನಿಷ್ಠ 8 ಗಂಟೆಗಳ ನಿದ್ದೆ ಅಗತ್ಯವಿದೆ. ಅದು ಸಹ ಪ್ರಶಾಂತವಾಗಿರಬೇಕು. ಇದು ಎಲ್ಲರಿಗೂ ಸಾಧ್ಯವಾಗಲ್ಲ. ಆದರೆ ಕೆಲವು ಸಲಹೆಗಳು, ಸೂಚನೆಗಳನ್ನು ಪಾಲಿಸುವ ಮೂಲಕ ಪ್ರತಿಯೊಬ್ಬರೂ ಯಾವುದೇ ಅಡೆತಡೆ ಇಲ್ಲದೆ ಹಾಯಾಗಿ ನಿದ್ದೆಗೆ ಜಾರಬಹುದು.

* ರಾತ್ರಿ ನಿದ್ರಿಸುವ ಸಮಯದಲ್ಲಿ ಸ್ವಲ್ಪ ಏಲಕ್ಕಿಯನ್ನು ಬಟ್ಟೆಯೊಂದರಲ್ಲಿ ಸುತ್ತಿ ದಿಂಬಿಗೆ ಸಮೀಪ ಇಟ್ಟುಕೊಂಡರೆ ದುಃಸ್ವಪ್ನಗಳು, ರಾತ್ರಿ ಹೊತ್ತು ಭಯವನ್ನು ನಿವಾರಿಸಿಕೊಳ್ಳಬಹುದು.

* ನಿದ್ದೆ ಮಾಡುವಾಗ ದಕ್ಷಿಣದ ಕಡೆ ತಲೆ, ಉತ್ತರ ದಿಕ್ಕಿಗೆ ಕಾಲು ಇರುವಂತೆ ನೋಡಿಕೊಳ್ಳಬೇಕು. ಇದರಿಂದ ಸುಖ ನಿದ್ದೆಯ ಜತೆಗೆ ಬಿದ್ದ ಕನಸುಗಳೂ ನಿಜವಾಗುತ್ತವೆ.

* ನಿದ್ದೆಗೆ ಮುನ್ನ ಇಷ್ಟ ದೈವವನ್ನು ಅಥವಾ ಇಷ್ಟವಾದ ಮಂತ್ರಗಳನ್ನು ಪಠಿಸಿದರೆ ಪ್ರಶಾಂತವಾದ ನಿದ್ದೆ ಗ್ಯಾರಂಟಿ.

* ರಾಗಿ ಪಾತ್ರೆಯಲ್ಲಿ ನೀರು ತುಂಬಿಸಿ ರಾತ್ರಿಹೊತ್ತು ದಿಂಬಿನ ಸಮೀಪ ಇಟ್ಟುಕೊಂಡು, ಬೆಳಗ್ಗೆ ಆ ನೀರನ್ನು ಗಿಡಗಳಿಗೆ ಹಾಕುವುದರಿಂದ ಶುಭವಾಗುತ್ತದೆ.

* ಮಲಗುವ ಕೋಣೆ ಅಥವಾ ಮಂಚಕ್ಕೆ ಸಮೀಪ ಕಸದಬುಟ್ಟಿ, ಚಪ್ಪಲಿ ಸ್ಟ್ಯಾಂಡ್ ಇರದಂತೆ ನೋಡಿಕೊಳ್ಳಬೇಕು. ಮಲಗುವ ಕೋಣೆ ಚೆಲ್ಲಾಪಿಲ್ಲಿಯಾಗಿದ್ದರೆ ಮನೆಯಲ್ಲಿ ಪ್ರತಿಕೂಲ ವಾತಾವರಣ ಹೆಚ್ಚುತ್ತದೆ.