2024 Bajaj Pulsar N150 Teaser Share By Bajaj Auto Updated Bike Will Launch Soon
2024 Bajaj Pulsar N150 : ಪಲ್ಸರ್ ಎನ್‌ 150 ಬೈಕ್‌ನ ನವೀಕೃತ ಆವೃತ್ತಿ ಬಿಡುಗಡೆಗೆ ತಯಾರಿ : ಇಲ್ಲಿದೆ ಟೀಸರ್
ಬಜಾಜ್ ಆಟೋ ತನ್ನ ಜನಪ್ರಿಯ ಪಲ್ಸರ್ ಬೈಕ್‌ನ ನವೀಕೃತ ಆವೃತ್ತಿಯನ್ನು ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲು ತಯಾರಾಗುತ್ತಿದೆ. ಇದಕ್ಕೆ ಪೂರ್ವಭಾವಿಯಾಗಿ ಬಜಾಜ್ ಆಟೋ ಹೊಸ ಬೈಕ್‌ನ ಟೀಸರ್ ಅನ್ನು ಹಂಚಿಕೊಂಡಿದೆ.
Authored byಸುನೀಲ್ | Vijaya Karnataka Web17 Jan 2024, 3:13 pm
ಭಾರತೀಯ ವಾಹನೋದ್ಯಮದಲ್ಲಿ ಬಜಾಜ್ ಆಟೋದ ಪಾಲು ಕೂಡಾ ದೊಡ್ಡದಿದೆ. ಈ ಸಂಸ್ಥೆ ಭಾರತದ ಪ್ರಮುಖ ದ್ವಿಚಕ್ರ ವಾಹನ ತಯಾರಿಕಾ ಕಂಪನಿಗಳಲ್ಲಿ ಒಂದು. ಬಜಾಜ್ ಸಾಕಷ್ಟು ಜನಪ್ರಿಯ ಮಾದರಿಗಳನ್ನು ಹೊಂದಿದೆ. ಅದರಲ್ಲಿ ಪಲ್ಸರ್ ಕೂಡಾ ಒಂದು. ಪಲ್ಸರ್ ಬೈಕ್ ಬಜಾಜ್ ಬ್ರ್ಯಾಂಡ್‌ಗೆ ಹೊಸ ಮೆರುಗನ್ನು ತಂದುಕೊಟ್ಟಿದೆ ಎಂಬುದರಲ್ಲಿ ಸಂದೇಹವೇ ಇಲ್ಲ.
Vijaya Karnataka Web| Screengrab from video | Courtesy : @_bajaj_auto_ltd/X
ಇದೀಗ ಬಜಾಜ್ ಆಟೋ ತನ್ನ ಜನಪ್ರಿಯ ಪಲ್ಸರ್ ಎನ್‌150 ಬೈಕ್ ಅನ್ನು ಹಲವು ನವೀಕರಣಗಳೊಂದಿಗೆ ಬಿಡುಗಡೆ ಮಾಡಲು ಸಜ್ಜಾಗಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಈ ಬೈಕ್ ಅನಾವರಣಗೊಳ್ಳುವ ಮುನ್ನ ಬಜಾಜ್ ಆಟೋ ತನ್ನ ಅಧಿಕೃತ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಟೀಸರ್ ಅನ್ನು ಹಂಚಿಕೊಂಡಿದೆ.
ಸದ್ಯಕ್ಕೆ ಹೊಸ ಬೈಕ್‌ನ ಬಗ್ಗೆ ಯಾವುದೇ ಹೆಚ್ಚಿನ ವಿವರಗಳನ್ನು ಕಂಪನಿ ಬಿಟ್ಟು ಕೊಟ್ಟಿಲ್ಲ. ಆದರೆ ಟೀಸರ್ ವಿಡಿಯೋವನ್ನು ನೋಡಿದಾಗ ಈ ಬೈಕ್ ಪ್ರಸ್ತುತ ಇರುವ ಬೈಕ್‌ಗೆ ಯಾಂತ್ರಿಕವಾಗಿ ಒಂದೇ ರೀತಿ ಇರುವಂತೆ ಕಾಣುತ್ತಿದೆ. ಭಾರತದಲ್ಲಿ ಬಿಡುಗಡೆಯಾದ ಬಳಿಕ ಈ ಬೈಕು ಇದೇ ಮೊದಲ ಬಾರಿಗೆ ನವೀಕರಣವನ್ನು ಪಡೆದುಕೊಳ್ಳುತ್ತಿದೆ.
View this post on Instagram A post shared by Bajaj Pulsar (@mypulsarofficial)
ಪ್ರಸ್ತುತ ಪಲ್ಸರ್ ಎನ್‌150 ಮೋಟಾರ್‌ಸೈಕಲ್ ಪರ್ಲ್ ಮೆಟಾಲಿಕ್ ವೈಟ್ ಮತ್ತು ಎಬೊನಿ ಬ್ಲಾಕ್ ಎಂಬ ಎರಡು ಬಣ್ಣದ ಆಯ್ಕೆಗಳಲ್ಲಿ ಸಿಗುತ್ತಿದೆ. ಇನ್ನು ಹೊಸ ಬೈಕಿನಲ್ಲಿ ಯಾಂತ್ರಿಕವಾಗಿ ಯಾವುದೇ ಬದಲಾವಣೆಯಾಗುವ ಸಾಧ್ಯತೆ ಕಡಿಮೆ ಇದೆ. ಸದ್ಯ ಬಜಾಜ್ ಪಲ್ಸರ್ ಎನ್‌ 150 ಬೈಕ್ 150ಸಿಸಿ, ಸಿಂಗಲ್-ಸಿಲಿಂಡರ್ ಎಂಜಿನ್‌ನಿಂದ ಶಕ್ತಿ ಪಡೆಯುತ್ತದೆ. ಈ ಎಂಜಿನ್ 14.5 ಎಚ್‌ಪಿ ಶಕ್ತಿ ಹಾಗೂ 13.5 ನ್ಯೂಟನ್ ಮೀಟರ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಹೊಸ ಬೈಕ್ ಕೂಡಾ ಇದೇ ಎಂಜಿನ್‌ನೊಂದಿಗೆ ಬರುವ ಸಾಧ್ಯತೆ ಇದೆ. ಇನ್ನು ಬೆಲೆಯ ವಿಷಯಕ್ಕೆ ಬಂದರೆ ಪ್ರಸ್ತುತ ಪಲ್ಸರ್ ಎನ್‌ 150 ಮೋಟಾರ್‌ಸೈಕಲ್‌ನ ಎಕ್ಸ್‌ಶೋರೂಮ್ ಬೆಲೆ 1.18 ಲಕ್ಷ ರೂಪಾಯಿ ಇದೆ.
ಟೀಸರ್ ಮೂಲಕ ಶೀಘ್ರದಲ್ಲಿಯೇ ಹೊಸ ಬೈಕ್ ಅನ್ನು ಮಾರುಕಟ್ಟೆಗೆ ಪರಿಚಯಿಸುವ ಸುಳಿವನ್ನು ಬಜಾಜ್ ಆಟೋ ನೀಡಿದೆ. ಇದು ಬ್ರ್ಯಾಂಡ್‌ನ ಅಭಿಮಾನಿಗಳು ಹಾಗೂ ಪಲ್ಸರ್ ಬೈಕ್ ಕೊಳ್ಳಬೇಕು ಎನ್ನುವವರ ಉತ್ಸಾಹವನ್ನು ಇಮ್ಮಡಿಯಾಗಿಸಿದೆ.
"2007ರ ಸೆಪ್ಟೆಂಬರ್‌ನಿಂದ ಪತ್ರಿಕೋದ್ಯಮದ ಪಯಣ ಶುರು. ಪ್ರಮುಖ ದಿನಪತ್ರಿಕೆಯೊಂದರಲ್ಲಿ ಉಪಸಂಪಾದಕನಾಗಿ ವೃತ್ತಿ ಜೀವನ ಆರಂಭ. ಇದಾದ ಆರು ತಿಂಗಳ ಬಳಿಕ ನ್ಯೂಸ್ ಚಾನೆಲ್‌ನಲ್ಲಿ ಕೆಲಸ. 2008ರಿಂದ ಶುರುವಾದ ಸುದ್ದಿ ವಾಹಿನಿಯ ಪಯಣ ನ್ಯೂಸ್ ಡೆಸ್ಕ್‌ನ ವಿವಿಧ ಜವಾಬ್ದಾರಿಗಳ ನಿರ್ವಹಣೆಯೊಂದಿಗೆ 2019ರ ತನಕ ಸಾಗಿತ್ತು. ಅಲ್ಲಿಂದ ಮತ್ತೊಂದು ಬದಲಾವಣೆಯ ಕ್ಷಣ. 2019ರಿಂದ ಡಿಜಿಟಲ್ ಮಾಧ್ಯಮದಲ್ಲಿ ಹೊಸ ಕಲಿಕೆಯೊಂದಿಗೆ ಹೊಸ ಜೀವನ ಶುರು. ಇಲ್ಲಿಂದ ಈ ಕ್ಷಣದವರೆಗೆ ವಿಜಯ ಕರ್ನಾಟಕ ಬಳಗದೊಂದಿಗೆ ನನ್ನ ವೃತ್ತಿ ಬದುಕು ಸಾಗಿದೆ. ಇಷ್ಟು ವರ್ಷದ ಪಯಣದಲ್ಲಿ ವಿವಿಧ ಸಂಸ್ಥೆಗಳಲ್ಲಿ ಹಲವು ವಿಭಾಗಗಳಲ್ಲಿ ಕೆಲಸದ ಅನುಭವ ಪಡೆದ ತೃಪ್ತಿ ನನ್ನದು. ಎಲ್ಲಾ ಪತ್ರಕರ್ತರಿಗೂ ಪ್ರಮುಖವಾಗಿರುವ ಓದು ನನ್ನ ಹವ್ಯಾಸಗಳಲ್ಲಿ ಒಂದು. ಬಿಡುವಾದಾಗ ಪ್ರವಾಸಕ್ಕೆ ಹೋಗುವುದು ಕೂಡಾ ನನ್ನ ಜೀವನದ ಖುಷಿಯ ಭಾಗ. "... ಇನ್ನಷ್ಟು ಓದಿ
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
