ಬೆನೆಲ್ಲಿ ಚೀನಾದ ವಾಹನ ಮಾರುಕಟ್ಟೆಯಲ್ಲಿ ತನ್ನ 2020 ಟಿಎನ್‌ಟಿ 600ಐ ಬೈಕ್‌ನ್ನು ಬಿಡುಗಡೆಗೊಳಿಸಿದೆ. ಈ ಬೈಕ್ ನ ಚೀನಾ ಬೆಲೆಗೂ ಹಾಗೂ ಭಾರತದ ಬೆಲೆಗಿರುವ ವ್ಯತ್ಯಾಸವನ್ನು ನಾವು ಗಮನಿಸಬಹುದು. ಈ ಬೈಕ್ ಭಾರತದಲ್ಲೂ ಕೂಡ ಬಿಡುಗಡೆಗೊಳ್ಳಬಹುದೇ..?
Agencies13 Apr 2020, 2:15 pm
2019 ರಲ್ಲಿ ಇಐಸಿಎಂಎ ಇಟಲಿಯಲ್ಲಿ ಮೊದಲ ಬಾರಿಗೆ 6 ತಿಂಗಳ ಹಿಂದಷ್ಟೇ ಬೆನೆಲ್ಲಿ ಮೋಟಾರ್ಸ್‌ ತನ್ನ ಬೆನೆಲ್ಲಿ 2020 ಟಿಎನ್‌ಟಿ 600ಐ ಬೈಕ್ ನ್ನು ಅನಾವರಣಗೊಳಿಸಿದ್ದು, ಇದೀಗ ಈ ಬೈಕ್ ನ್ನು ಬಿಡುಗಡೆಗೊಳಿಸಿದೆ. ಬೆನೆಲ್ಲಿ ಈ ಬೈಕ್ ನ್ನು ಬಿಡುಗಡೆಗೊಳಿಸಿದ್ದು ಯಾವಾ ದೇಶದಲ್ಲಿ ಗೊತ್ತಾ..? ಕೊರೋನಾ ವೈರಸ್‌ನ ತಾಯ್ನಾಡಾದ ಚೀನಾದಲ್ಲಿ ಈ ಬೈಕ್‌ನ್ನು ಬಿಡುಗಡೆಗೊಳಿಸಲಾಗಿದೆ.
ಚೀನಾದಲ್ಲಿ ಬಿಡುಗಡೆಗೊಂಡ ಈ ಬೈಕ್ ನ ಬೆಲೆ ಎಷ್ಟಿರಬಹುದು ಎಂದು ಯೋಚಿಸುತ್ತಿದ್ದೀರಾ..? ಚೀನಾದಲ್ಲಿ ಇದರ ಬೆಲೆ 46,800 ರೂಪಾಯಿಗಳಾಗಿದ್ದು, ಈ ಬೈಕ್ ನ ಚೀನಾ ಬೆಲೆಯನ್ನು ಭಾರತೀಯ ರೂಪಾಯಿಗಳಲ್ಲಿ ಹೇಳುವುದಾದರೆ 5.07 ಲಕ್ಷ ರೂಪಾಯಿಗಳಾಗಿವೆ. ಈ ಬೈಕ್ ತನ್ನ ಮೌಲ್ಯಕ್ಕೆ ತಕ್ಕಂತೆ ಆಧುನಿಕ ವಿನ್ಯಾಸವನ್ನೇ ಅಳವಡಿಸಿಕೊಂಡು ಬಂದಿದೆ.
Twitter: ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳೋದು ಹೇಗೇ..? ಇಲ್ಲಿದೆ ಉತ್ತರ 2020 ಬೆನೆಲ್ಲಿ ಟಿಎನ್‌ಟಿ 600ಐ ಬೈಕ್ ತನ್ನ ಮೊದಲಿದ್ದ ಟಿಎನ್‌ಟಿ 600 ಐ ನಲ್ಲಿದ್ದ ದೊಡ್ಡ ಗಾತ್ರದ ಇಂಧನ ಟ್ಯಾಂಕ್‌ ನ್ನೇ ಮತ್ತು ಎರಡು ಸೀಟ್‌ಗಳ ವ್ಯವಸ್ಥೆಯನ್ನೇ ಮುಂದುವರೆಸಿಕೊಂಡು ಬಂದಿದೆ. ಇಷ್ಟು ಮಾತ್ರವಲ್ಲದೇ ಹೊಸ ಟಿಎನ್‌ಟಿ 600ಐ ಬೈಕ್‌ನಲ್ಲಿ ಎರಡು ಅಂಡರ್‌ಸೀಟ್‌ ಎಕ್ಸಾಸ್ಟ್‌ ವ್ಯವಸ್ಥೆಯನ್ನು, ದೊಡ್ಡ ಎಲ್‌ಇಡಿ ಹೆಡ್‌ಲ್ಯಾಂಪ್‌ನ್ನು, ಟರ್ನ್‌ ಇಂಡಿಕೇಟರ್‌ಗಳನ್ನು ಅಳವಡಿಸಲಾಗಿದೆ.
ಎರಡು ಬಣ್ಣಗಳ ಮಿಶ್ರಿತ 2020 ಬೆನೆಲ್ಲಿ ಬೈಕ್
ಚೀನಾದಲ್ಲಿ ಬಿಡುಗಡೆಗೊಂಡ ಈ ಬೈಕ್ ನ್ನು ಎರಡು ಬಣ್ಣಗಳ ಮಿಶ್ರಿತ ಆಯ್ಕೆಯಲ್ಲಿ ಕೊಂಡುಕೊಳ್ಳಬಹುದಾಗಿದೆ:
ನಿಯಾನ್‌ ಗ್ರೀನ್‌ ಮತ್ತು ಕಪ್ಪು ಬಣ್ಣ ಮಿಶ್ರಣದಲ್ಲಿ
ಬಿಳಿ ಮತ್ತು ಕಪ್ಪು ಬಣ್ಣ ಮಿಶ್ರಣದಲ್ಲಿ
Costly Cars: ಭಾರತದಲ್ಲಿ ಮಾರಾಟವಾಗುವ ದುಬಾರಿ ಕಾರುಗಳು ಯಾವುವು ಗೊತ್ತಾ..? ಅಭಿವೃದ್ಧಿಗೊಳಿಸಲಾದ ಅಥವಾ ಮರುರೂಪಾಂತರವನ್ನು ನೀಡುವುದರೊಂದಿಗೆ ಚೀನಾದ ವಾಹನ ಮಾರುಕಟ್ಟೆಗೆ ಬಿಡುಗಡೆಗೊಳಿಸಲಾದ 2020 ಟಿಎನ್‌ಟಿ 600ಐ ಬೈಕ್ ನೋಡಲು ಮಾತ್ರ ಆಕರ್ಷಿತವಾಗಿರದೇ ಇದರ ಎಂಜಿನ್‌ ವ್ಯವಸ್ಥೆಯು ಕೂಡ ವಿಶಿಷ್ಟವಾಗಿದೆ. ಈ 2020 ಬೈಕ್ 600 ಸಿಸಿ ಲಿಕ್ವಿಡ್ ಕೂಲಡ್‌ ಇನ್‌ಲೈನ್‌ 4 ಸಿಲಿಂಡರ್‌ ಎಂಜಿನ್‌ನ್ನು ಪಡೆದುಕೊಂಡಿದ್ದು, ಈ ಎಂಜಿನ್‌ಗಳು 11,500 ಆರ್‌ಪಿಎಂ ನಲ್ಲಿ 84 ಪಿಎಸ್‌ ಶಕ್ತಿಯನ್ನು ಹಾಗೂ 10,500 ಆರ್‌ಪಿಎಂ ನಲ್ಲಿ 54.6 ಎನ್‌ಎಂ ಟಾರ್ಕ್‌ನ್ನು ಉತ್ಪಾದಿಸುವ ವಿಶೇಷ ಸಾಮರ್ಥ್ಯವನ್ನು ಹೊಂದಿದೆ.
ಬೆನೆಲ್ಲಿ ಟಿಎನ್‌ಟಿ 600ಐ ನ ವೈಶಿಷ್ಟ್ಯತೆ
ಬರೋಬ್ಬರಿ 4 ಸಿಲಿಂಡರ್‌ ಎಂಜಿನ್‌ ಹೊಂದಿರುವ ಈ ಬೈಕ್, ಸ್ಲಿಪ್ಪರ್‌ ಕ್ಲಚ್‌ ವೈಶಿಷ್ಟ್ಯತೆಯೊಂದಿಗೆ 6 ಸ್ಪೀಡ್‌ ಗೇರ್‌ಬಾಕ್ಸ್‌ ನ್ನೂ ಕೂಡ ಒಳಗೊಂಡಿದೆ. ಚೀನಾದ ವಾಹನ ಮಾರುಕಟ್ಟೆಯಲ್ಲಿ ಮೊದಲಿದ್ದ 600ಐ ಬೈಕ್‌ಗಿಂತಲೂ ಇದು 3 ಕೆಜಿಗಳಷ್ಟು ಹೆಚ್ಚಿನ ತೂಕವನ್ನು ಹೊಂದಿದೆ. ಈಗ ಈ ಬೈಕ್ ಬರೋಬ್ಬರಿ 234 ತೂಕವನ್ನು ಪಡೆದುಕೊಂಡಿದೆ ಎಂದು ಹೇಳಲಾಗಿದೆ.
2020 ಟಿಎನ್‌ಟಿ 600ಐ ಬೈಕ್‌ನ ವಿನ್ಯಾಸವನ್ನು, ಎಂಜಿನ್‌ನ್ನು ಅಭಿವೃದ್ಧಿಗೊಳಿಸಿ ವಾಹನ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದ ಬೆನೆಲ್ಲಿಯು ಇದರ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌ನಲ್ಲೂ ಕೂಡ ಆಧುನೀಕತೆಯನ್ನೇ ಪರಿಚಯಿಸಿದೆ. ಈ ಬೈಕ್ ಇದೀಗ ಸಂಪೂರ್ಣ ಡಿಜಿಟಲ್‌ ಟಿಎಫ್‌ಟಿ ಬಣ್ಣದ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌ನ್ನು ಪಡೆದಿದೆ. ಇದರ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌ನ್ನು ಹೊರತುಪಡಿಸಿ, ಈ ಬೈಕ್ ಮೊದಲಿದ್ದ ಬೈಕ್‌ನ ವೈಶಿಷ್ಟ್ಯತೆಯನ್ನೇ ಮುಂದುವರೆಸಿಕೊಂಡು ಬಂದಿದೆ.
ಬಿಳಿ ಮತ್ತು ಕಪ್ಪು ಬಣ್ಣ ಮಿಶ್ರಿತ 600ಐ
ಬೆನೆಲ್ಲಿ ಚೀನಾದ ವಾಹನ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದ ಟಿಎನ್‌ಟಿ 600 ಐ ನ್ನು ಭಾರತದಲ್ಲಿ ಯಾವಾಗ ಬಿಡುಗಡೆಗೊಳಿಸಬಹುದೆನ್ನುವುದನ್ನು ಬಹಿರಂಗಗೊಳಿಸಿಲ್ಲ. ಬಹುಷಃ ಬೆನೆಲ್ಲಿ ಭಾರತದಲ್ಲಿ ಟಿಎನ್‌ಟಿ 600ಐ ನ ಬದಲೂ ರೂಪಾಂತರಗೊಂಡ 600ಎನ್‌ ನ್ನು ಬಿಡುಗಡೆಗೊಳಿಸಬಹುದು.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
