Honda Activa BS6 6G: 63,912 ರೂಪಾಯಿಗಳಿಂದ ಬಿಡುಗಡೆಗೊಂಡ ಹೋಂಡಾದ ಮೂರನೇ ಬಿಎಸ್‌6 ಸ್ಕೂಟರ್

ಜಪಾನಿನ ವಾಹನ ಉತ್ಪಾದಕ ಸಂಸ್ಥೆಯಾದ ಹೋಂಡಾವು ಹೋಂಡಾ ಆಕ್ಟಿವಾ 6ಜಿ ದ್ವಿ ಚಕ್ರವಾಹನವನ್ನು ಜನವರಿ 15ರಂದು ಭಾರತೀಯ ವಾಹನ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ. ಹೋಂಡಾ ತನ್ನ ಬಿಎಸ್‌6 ನಿಬಂಧನೆಯ 6ಜಿ ಯನ್ನು 63,912 ರೂಪಾಯಿಗಳ ಸ್ಟ್ಯಾಂಡರ್ಡ್‌ ಆವೃತ್ತಿಯನ್ನು ಮತ್ತು 65,412 ರೂಪಾಯಿಗಳ ಡಿಲಕ್ಸ್‌ ಆವೃತ್ತಿಯನ್ನು ಎಕ್ಸ್‌ ಶೋರೂಂ ಬೆಲೆಯಲ್ಲಿ ಮಾರುಕಟ್ಟೆಗೆ ನೀಡಿದೆ.

ಸಿದ್ಧಾರ್ಥ್‌ ಮಲ್ಹೋತ್ರಾ: ಬಾಲಿವುಡ್‌ ನಟನ ಬಳಿ ಇದೆ ಬಹು ದುಬಾರಿಯ ಕಾರು, ಬೈಕ್‌ಗಳು
110ಸಿಸಿ ಎಂಜಿನ್‌ ಹೊಂದಿರುವ ಹೋಂಡಾ ಆಕ್ಟಿವಾ 6ಜಿ ಸ್ಕೂಟರ್‌ ಹೋಂಡಾದ ಮೊದಲಿದ್ದ ಆಕ್ಟಿವಾ ಬಿಎಸ್‌4 ನಿಬಂಧನೆಯ 5ಜಿ ಸ್ಕೂಟರ್‌ನ ಎಕ್ಸ್‌ ಶೋರೂಂ ಬೆಲೆಗಿಂತಲೂ 7,500 ರೂಪಾಯಿಗಳಷ್ಟು ಹೆಚ್ಚಿನ ಮೌಲ್ಯವನ್ನು ಪಡೆದುಕೊಂಡಿದೆ.


ನಿನ್ನೆಯಷ್ಟೇ ಭಾರತೀಯ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಂಡ ಹೋಂಡಾ 6ಜಿ ಸ್ಕೂಟರ್‌ ಸಾಕಷ್ಟು ಬದಲಾವಣೆಗಳೊಂದಿಗೆ ನೂತನ ಆವೃತ್ತಿಯಲ್ಲಿ, ನೂತನ ಪರಿಕರಗಳನ್ನು ಹಾಗೂ ಹಲವಾರು ಹೊಸ ವಯಶಿಷ್ಟ್ಯತೆಯನ್ನು ತನ್ನಲ್ಲಿ ಅಳವಡಿಸಿಕೊಂಡಿದೆ.

Bajaj Chetak Electric Scooter: 1 ಲಕ್ಷ ರೂಪಾಯಿಗಳಿಂದ ಭಾರತದಲ್ಲಿ ಬಿಡುಗಡೆಗೊಂಡ ಇ ಸ್ಕೂಟರ್‌
ಹೋಂಡಾ ಆಕ್ಟಿವಾ 6ಜಿ ಸ್ಕೂಟರ್‌ ತನ್ನ ಮೊದಲಿದ್ದ ಆಕ್ಟಿವಾ 5 ಜಿ ಸ್ಕೂಟರ್‌ನಲ್ಲಿದ್ದ 109ಸಿಸಿ ಸಿಂಗಲ್‌ ಸಿಲಿಂಡರ್‌ ಏರ್‌ ಕೂಲಡ್‌ ಎಂಜಿನ್‌ನ್ನೇ ಮುಂದುವರೆಸಿಕೊಂಡು ಬಂದಿದ್ದರೂ ಕೂಡ ಬಿಎಸ್‌4 ನಿಬಂಧನೆಯ ಬದಲಾಗಿ ಬಿಎಸ್‌6 ನಿಬಂಧನೆಯ ಎಂಜಿನ್‌ನ್ನು ಪಡೆದುಕೊಂಡಿದೆ. ಹೋಂಡಾ ಆಕ್ಟಿವಾ 125, ಹೋಂಡಾ ಎಸ್‌ಪಿ 125 ಸ್ಕೂಟರ್‌ನ್ನು ಹೊರತುಪಡಿಸಿ 6ಜಿ ಸ್ಕೂಟರ್‌ ಬಿಎಸ್‌6 ನಿಬಂಧನೆಯನ್ನು ಪಡೆದ ಹೋಂಡಾದ ಮೂರನೇ ಸ್ಕೂಟರಾಗಿದೆ.


ಎಂಜಿನ್‌ ಸಾಮರ್ಥ್ಯದಲ್ಲಿ 5ಜಿ ಸ್ಕೂಟರ್‌ನ ಹೋಲಿಕೆಯನ್ನು ಪಡೆದರೂ ಕೂಡ ತಾಂತ್ರಿಕವಾಗಿ ಸಾಕಷ್ಟು ಅಭಿವೃದ್ಧಿಯನ್ನು ಹೊಂದಿದೆ. ಹೋಂಡಾದ ಪಿಜಿಎಂ-ಎಫ್‌ಐ ತಂತ್ರಜ್ಞಾನವನ್ನು ಬಳಸಿಕೊಂಡ ಎರಡನೇ ಸ್ಕೂಟರ್‌ ಇದಾಗಿದ್ದು, ಪಿಜಿಎಂ-ಎಫ್‌ಐ ತಂತ್ರಜ್ಞಾನವನ್ನು ಬಳಸಿಕೊಂಡ ಮೊದಲನೇ ಸ್ಕೂಟರ್‌ ಎನ್ನುವ ಹಿರಿಮೆ ಆಕ್ಟಿವಾ 125 ಗೆ ಸೇರುತ್ತದೆ.

ಆಯಾಮದಲ್ಲೂ ಕೂಡ ಬದಲಾವಣೆಯನ್ನು ಪಡೆದಿರುವ 6ಜಿ ಸ್ಕೂಟರ್‌ ಬಿಎಸ್‌5 5ಜಿ ಸ್ಕೂಟರ್‌ಗಿಂತಲೂ ದೊಡ್ಡದಾಗಿದ್ದು, ಎತ್ತರದ ಗ್ರೌಂಡ್‌ ಕ್ಲಿಯರೆನ್ಸ್‌, ಉದ್ದವಾದ ವೀಲ್‌ಬೇಸ್‌, ಉದ್ದವಾದ ಸೀಟ್‌, 18 ಲೀಟರ್‌ಗಳಷ್ಟು ವಸ್ತುಗಳನ್ನು ಇಡಲು ಸೀಟ್‌ನ ಕೆಳಭಾಗದಲ್ಲಿ ವಿಶಾಲವಾದ ಸ್ಥಳಾವಕಾಶವನ್ನು ನೀಡಲಾಗಿದೆ.


Honda Activa 6G: ನಾಳೆ ಹೋಂಡಾದ ಮೂರನೇ ಬಿಎಸ್‌6 ಸ್ಕೂಟರ್‌ ಬಿಡುಗಡೆ
ಹೋಂಡಾ ಆಕ್ಟಿವಾ ಬಿಎಸ್‌6 6ಜಿಯ ಪ್ರಮುಖ ವೈಶಿಷ್ಟ್ಯತೆಗಳು:

1. ಎಲ್‌ಇಡಿ ಹೆಡ್‌ಲ್ಯಾಂಪ್‌
2. ಎಂಜಿನ್‌ ಆರಂಭಿಸುವ ಮತ್ತು ಸ್ಥಗಿತಗೊಳಿಸುವ ಬಟನ್‌
3. ಎಸಿಜಿ ಸ್ಟಾರ್ಟರ್‌
4. ಹೊರಾಂಗಣದಲ್ಲಿ ಇಂಧನ ತುಂಬಿಸುವ ಕ್ಯಾಪ್‌
5. 12 ಇಂಚುಗಳ ಮುಂಭಾಗದ ಚಕ್ರ
6. ಪಾಸ್‌ ಸ್ವಿಚ್‌
7. ಮುಂಭಾಗದಲ್ಲಿ ಸಾಂಪ್ರಧಾಯಿಕ ಟೆಲಿಸ್ಕೋಪಿಕ್‌ ಫೋರ್ಕ್‌
8. ಸ್ಕೂಟರ್‌ನ ಹಿಂಭಾಗದಲ್ಲಿ ಹೊಂದಾಣಿಕೆ ಮಾಡಬಹುದಾದ ಸಸ್ಪೆನ್ಷನ್‌ ಸೆಟ್‌ಅಪ್‌ ಇತ್ಯಾದಿಗಳು.

ಹೋಂಡಾ ಆಕ್ಟಿವಾ ಬಿಎಸ್‌6 6ಜಿ ಸ್ಕೂಟರ್‌

ಆಯ್ಕೆಯ ಬಣ್ಣಗಳು:
ಕಪ್ಪು, ಡ್ಯಾಝಲ್‌ ಮೆಟಾಲಿಕ್‌ ಹಳದಿ, ಮೇಟ್‌ ಆಕ್ಸಿಸ್‌ ಮೆಟಾಲಿಕ್‌ ಬೂದು, ಮೆಟಾಲಿಕ್‌ ನೀಲಿ, ಕಡು ಕೆಂಪು, ಬಿಳಿ - ಈ 5 ಬಣ್ಣಗಳ ಆಯ್ಕೆಯಲ್ಲಿ ಖರೀದಿಸಬಹುದಾಗಿದೆ.

2020 Lamborghini Huracan Evo: ಅಮೆಜಾನ್ ಅಲೆಕ್ಸಾವನ್ನು ಅಳವಡಿಸಿಕೊಂಡ ಲ್ಯಾಂಬೋರ್ಗಿನಿ
ಮಾರುಕಟ್ಟೆಯಲ್ಲಿ ಅತೀ ಹೆಚ್ಚು ಮಾರಾಟವಾಗುವ ಸ್ಕೂಟರ್‌ಗಳಲ್ಲಿ 6ಜಿ ಕೂಡ ಸೇರುತ್ತದೆ ಎಂದು ಕಂಪೆನಿಯು ತಿಳಿಸಿದ್ದು, ಬಿಎಸ್‌6 6ಜಿ ಸ್ಕೂಟರ್‌ನ ವಿತರಣೆಯನ್ನು ಜನವರಿಯ ಅಂತ್ಯದಿಂದ ಆರಂಭಿಸಲಾಗುವುದು ಎಂದು ಕಂಪೆನಿಯು ತಿಳಿಸಿದೆ.