ಆಡಿ ಆರ್8 ವಿ10 ಪ್ಲಸ್
ಬ್ಲ್ಯೂ ಐಸ್ ಹಿಪ್ನೋಟೈಝ್ ತೇರಿ ಕರ್ದಿ ಹೇ ಮೆನು ಹಾಡಿನಲ್ಲಿ ಲ್ಯಾಂಬರ್ಗಿನಿ ಕಾರಿನೊಂದಿಗೆ ಎಂಟ್ರಿ ಕೊಟ್ಟ ಯೋ ಯೋ ಹನಿ ಸಿಂಗ್ರ ಬಳಿ ನಾವು ಆಡಿ ಆರ್8 ವಿ10 ಪ್ಲಸ್ ಐಷಾರಾಮಿ ಕಾರನ್ನು ನೋಡಬಹುದಾಗಿದೆ. ಯೋ ಯೋ ಬಳಿ ಇರುವ ಈ ಕಾರಿನ ಬೆಲೆ ಸುಮಾರು 2.47 ಕೋಟಿ ರೂಪಾಯಿಗಳಾಗಿವೆ. ಆಡಿ ಆರ್8 ವಿ10 ಪ್ಲಸ್ ಐಷಾರಾಮಿ ಕಾರು 5.0 ಲೀಟರ್ ವಿ10 ಎಂಜಿನ್ನ್ನು ಒಳಗೊಂಡಿದ್ದು, ಈ ಎಂಜಿನ್ಗಳು 520 ಬಿಹೆಚ್ಪಿ ಶಕ್ತಿಯನ್ನು ಮತ್ತು 560 ಎನ್ಎಂ ಟಾರ್ಕ್ನ್ನು ಉತ್ಪಾದಿಸುತ್ತದೆ. ಹನಿ ಸಿಂಗ್ ರ ಬಳಿ ಇರುವ ಈ ಆಡಿ ಆರ್8 ವಿ10 ಪ್ಲಸ್ ಕಾರನ್ನು ನಾವು ಕೆಲವೊಂದು ಬಾಲಿವುಡ್ ಸೆಲೆಬ್ರಿಟಿಗಳ ಬಳಿ ಮಾತ್ರವಲ್ಲದೇ ಭಾರತದ ಖ್ಯಾತ ಕ್ರಿಕೆಟ್ ಆಟಗಾರ 'ವಿರಾಟ್ ಕೊಹ್ಲಿ' ಯ ಬಳಿ ಕೂಡ ನೋಡಬಹುದು.
ಜಾಗ್ವಾರ್ ಎಕ್ಸ್ಜೆಎಲ್ ಸೂಪರ್ಚಾರ್ಜ್ಡ್
ದಿಲ್ ಚೋರಿ ಸಾದಾ ಹೋಗಯಾ ಹಾಡಿನ ಮೂಲಕ ಸಾಕಷ್ಟು ಜನರ ಹೃದಯ ಗೆದ್ದಿರುವ ಹನಿ ಸಿಂಗ್ ಕೇವಲ ದುಬಾರಿ ಆಡಿಯನ್ನು ಮಾತ್ರವಲ್ಲ ಜಾಗ್ವಾರ್ ಕಾರನ್ನು ಕೂಡ ಕೊಂಡುಕೊಂಡಿದ್ದಾರೆ. ತಾಯಿಯನ್ನೇ ದೇವರೆಂದು ಪೂಜಿಸುವ ಹನಿಸಿಂಗ್ ತನ್ನ 'ಧೀರೇ ಧೀರೇ ಸೆ ಮೆರಿ ಝಿಂದಗೀ ಮೇ ಆನಾ' ಹಾಡಿನ ಭರ್ಜರಿ ಜಯದ ಖಷಿಗೆ ಈ ಕಾರನ್ನು ತನ್ನ ತಾಯಿಗೆ ಉಡುಗೊರೆಯಾಗಿ ನೀಡಿದ್ದಾರೆ. 1.1 ಕೋಟಿ ರೂಪಾಯಿಗಳ ಮುಖಬೆಲೆಯನ್ನು ಹೊಂದಿರುವ ಈ ಜಾಗ್ವಾರ್ ಕಾರು ಹನಿಸಿಂಗ್ರ ಬಳಿ ಇರುವ ಕಾರುಗಳಲ್ಲೇ ಎರಡನೇ ದುಬಾರಿ ಕಾರಾಗಿದೆ. ಈ ಜಾಗ್ವಾರ್ ಕಾರು 301 ಬಿಹೆಚ್ಪಿ ಶಕ್ತಿಯನ್ನು ಹಾಗೂ 689 ಎನ್ಎಂ ಟಾರ್ಕ್ನ್ನು ಉತ್ಪಾದಿಸುವ 3.0 ಲೀಟರ್ವಿ6 ಡೀಸೆಲ್ ಎಂಜಿನ್ನ್ನು ಒಳಗೊಂಡಿದೆ ಹಾಗೂ ಇದು 6.2 ಸೆಕೆಂಡುಗಳಲ್ಲಿ 0 ಯಿಂದ 100 ಕಿಲೋಮೀಟರ್ ದೂರವನ್ನು ಕ್ರಮಿಸಬಲ್ಲ ಶಕ್ತಿಯನ್ನು ಹೊಂದಿದೆ.
ಆಡಿ ಕ್ಯೂ7
ನಿಜವಾಗಿಯೂ ಈ ರಾಪ್ ಸಿಂಗರ್ ಆಡಿ ಕಾರು ಬ್ರ್ಯಾಂಡ್ನ ಪ್ರಿಯ ಅಂತಾನೇ ಹೇಳಬಹುದು ಯಾಕೆಂದರೆ ಹನಿ ಸಿಂಗ್ರ ಬಳಿ ಆಡಿ ಬ್ರ್ಯಾಂಡ್ನ ಇನ್ನೊಂದು ದುಬಾರಿ ಕಾರಾದ ಆಡಿ ಕ್ಯೂ7 ಕೂಡ ಇದೆ. ಭಾರತದಲ್ಲಿರುವ ಆಡಿ ಬ್ರ್ಯಾಂಡ್ನ ಕಾರುಗಳಲ್ಲೇ ಆಡಿ ಕ್ಯೂ7 ದೊಡ್ಡ ಕಾರಾಗಿದ್ದು, ಈ ಕಾರನ್ನು ಭಾರತದ ಖ್ಯಾತ ನಟರಾದ ಆಸಿಫ್ ಆಲಿ ಮತ್ತು ನಟಿಯರಾದ ದೀಪಿಕಾ ಪಡುಕೋಣೆ ಮತ್ತು ಪ್ರಿಯಾಂಕಾ ಛೋಪ್ರಾರ ಬಳಿ ಕೂಡ ನೋಡಬಹುದಾಗಿದೆ. 69.21 ಲಕ್ಷ ರೂಪಾಯಿಗಳಿಂದ 81.11 ಲಕ್ಷ ರೂಪಾಯಿಗಳ ಎಕ್ಸ್ ಶೋರೂಂ ಬೆಲೆಯನ್ನು ಪಡೆದುಕೊಂಡಿರುವ ಈ ಕಾರು 248 ಬಿಹೆಚ್ಪಿ ಶಕ್ತಿಯನ್ನು ಹಾಗೂ 370 ಎನ್ಎಂ ಟಾರ್ಕ್ನ್ನು ಉತ್ಪಾದಿಸುವ 2.0 ಲೀಟರ್ 4 ಸಿಲಿಂಡರ್ ಎಂಜಿನ್ನ್ನು ಪಡೆದಿದೆ.
ರೋಲ್ಸ್ ರಾಯ್ಸ್ ಫ್ಯಾಂಟಮ್ ಸಿರೀಸ್ 2
ಅತಿ ಹೆಚ್ಚು ಸಂಭಾವನೆಯನ್ನು ಪಡೆಯುವ ರಾಪರ್ ಯೋ ಯೋ ಹನಿ ಸಿಂಗ್ ಕಾರುಗಳಲ್ಲೇ ಹೆಸರುವಾಸಿಯಾದ ರೋಲ್ಸ್ ರಾಯ್ಸ್ ಫ್ಯಾಂಟಮ್ 2 ನ್ನು ಕೊಂಡುಕೊಂಡಿದ್ದಾರೆ. 2012 ನೇ ಇಸವಿಯಲ್ಲಿ ಭಾರತವನ್ನು ಪ್ರವೇಶಿಸಿದ ಈ ಕಾರು ಇಂದಿನವರೆಗೂ ಕೂಡ ವಾಹನ ಮಾರುಕಟ್ಟೆಯಲ್ಲಿ ಬೇರೊಂದು ಕಾರಿಗೆ ತನ್ನ ಐಷಾರಾಮವನ್ನು ಬಿಟ್ಟುಕೊಟ್ಟಿಲ್ಲ. ಹನಿ ಸಿಂಗ್ ರ ರೋಲ್ಸ್ ರಾಯ್ಸ್ ಫ್ಯಾಂಟಮ್ ಸಿರೀಸ್ 2 6.8 ಲೀಟರ್ ವಿ12 ಪೆಟ್ರೋಲ್ ಎಂಜಿನ್ನಲ್ಲಿ 453 ಬಿಹೆಚ್ಪಿ ಶಕ್ತಿಯನ್ನು ಹಾಗೂ 720 ಎನ್ಎಂ ಟಾರ್ಕ್ನ್ನು ಉತ್ಪಾದಿಸುತ್ತದೆ. ಫ್ಯಾಂಟಮ್ 2 ತನ್ನ ಎಂಜಿನ್ ಸಾಮರ್ಥ್ಯದಿಂದ ಕೇವಲ 5.9 ಸೆಕೆಂಡುಗಳಲ್ಲಿ 100 ಕಿಲೋಮೀಟರ್ ದೂರವನ್ನು ಚಲಿಸುತ್ತದೆ.
ಬಿಎಂಡಬ್ಲ್ಯೂ 5 ಸಿರೀಸ್ 520ಡಿ
ಹನಿ ಸಿಂಗ್ ಬಳಿ ಇರುವ ರೋಲ್ಸ್ ರಾಯ್ಸ್ ಫ್ಯಾಂಟಮ್ನಂತೇ ಬಿಎಂಡಬ್ಲ್ಯೂ 5 ಸಿರೀಸ್ 520 ಡಿ ಕಾರು ಕೂಡ ಓಲ್ಡ್ ಜೆನ್ ಮಾಡೆಲ್ ಕಾರಾಗಿದೆ. ಈ ಕಾರು 2.0 ಲೀಟರ್ 4 ಸಿಲಿಂಡರ್ ಡೀಸೆಲ್ ಎಂಜಿನ್ನ್ನು ತನ್ನಲ್ಲಿ ಇರಿಸಿಕೊಂಡಿದ್ದು, ಈ ಎಂಜಿನ್ಗಳು190 ಬಿಹೆಚ್ಪಿ ಶಕ್ತಿಯನ್ನು ಮತ್ತು 400 ಎನ್ಎಂ ಟಾರ್ಕ್ನ್ನು ಉತ್ಪಾದಿಸಬಲ್ಲ ಎಂಜಿನಾಗಿದೆ. ಸಿಂಗ್ರ ಈ ಬಿಎಂಡಬ್ಲ್ಯೂ ಕಾರು 7.2 ಸೆಕೆಂಡುಗಳಲ್ಲಿ 0 ಯಿಂದ 100 ಕಿಲೋಮೀಟರ್ ದೂರವನ್ನು ಚಲಿಸಬಲ್ಲ ಸಾಮರ್ಥ್ಯವನ್ನೂ ಕೂಡ ಹೊಂದಿದೆ.