2020 Mahindra: ಬಿಎಸ್‌6 ಬೊಲೆರೋ ಬಿಡುಗಡೆ..ಎಷ್ಟಿದೆ ಗೊತ್ತಾ ಬೆಲೆ..?

ಮಹೀಂದ್ರಾ ಬೊಲೆರೋ ಎಂದಾಕ್ಷಣ ನಮ್ಮೆಲ್ಲರ ಮನಸ್ಸಿಗೆ ಬರೋದು ಎಂತಹ ಕಲ್ಲು, ಮುಳ್ಳಗಳ ರಸ್ತೆಯಲ್ಲೂ ಕೂಡ ಸರಾಗವಾಗಿ ಚಲಿಸಬಲ್ಲ ಅದರ ಸಾಮರ್ಥ್ಯ. ಈಗಾಗಲೇ ಮಹೀಂದ್ರಾವು ದೇಶದಾದ್ಯಂತ ಇರುವ ತನ್ನ ವಿತರಕರುಗಳಿಗೆ 2020 ಬೊಲೆರೋವನ್ನು ವಿತರಣೆಗಾಗಿ ನೀಡಿದೆ. ಈ 2020 ಬೊಲೆರೋ ವು ಬಿಎಸ್‌6 ನಿಬಂಧನೆಯುಳ್ಳ ಎಸ್‌ಯುವಿಯಾಗಿದೆ. ಬಿಎಸ್‌4 ಬೊಲೆರೋ ಗೂ ಬಿಎಸ್‌6 ಬೊಲೆರೋ ಗೂ ಎಷ್ಟು ವ್ಯತ್ಯಾಸವಿದೆ..? ಎಷ್ಟು ಮೌಲ್ಯವನ್ನು ಹೊಂದಿದೆ ಎನ್ನುವುದು ಗೊತ್ತಾ..?

'ಇಮ್ರಾನ್‌ ಹಷ್ಮಿ' ಬಳಿ ಇದೆ ಲ್ಯಾಂಬರ್ಗಿನಿ ಸೇರಿದಂತೆ ಕೋಂಟ್ಯಾಂತರ ರೂ. ಕಾರುಗಳು

ಬಿಎಸ್‌6 ನಿಬಂಧನೆಯ 2020 ಮಹೀಂದ್ರಾ ಬೊಲೆರೋ ಎಸ್‌ಯುವಿಯು 7.98 ಲಕ್ಷ ರೂಪಾಯಿಗಳ ಎಕ್ಸ್‌ ಶೋರೂಂ ಬೆಲೆಯನ್ನು ಪಡೆದುಕೊಂಡಿದ್ದು, ಬಿಎಸ್‌4 ಬೊಲೆರೋ ಅಥವಾ ವಾಹನ ಮಾರುಕಟ್ಟೆಯಲ್ಲಿ ಈಗಾಗಲೇ ಇರುವ ಬೊಲೆರೋ ಎಸ್‌ಯುವಿಗಿಂತಲೂ ಬಿಎಸ್‌6 ಅಥವಾ 2020 ಮಹೀಂದ್ರಾ ಬೊಲೆರೋ ಎಸ್‌ಯುವಿಯು ಸುಮಾರು 70,000 ರೂಪಾಯಿಗಳಷ್ಟು ಹೆಚ್ಚಿನ ಬೆಲೆಯನ್ನು ಪಡೆದುಕೊಂಡಿದೆ.


2020 ಮಹೀಂದ್ರಾ ಬೊಲೆರೋ ವು ಬಿಎಸ್‌4 ಬೊಲೆರೋಗಿಂತಲೂ ಹೊರಾಂಗಣದಲ್ಲಿ ಹಾಗೂ ಒಳಾಂಗಣದಲ್ಲಿ ಸಾಕಷ್ಟು ಅಭಿವೃದ್ಧಿಯನ್ನು ಪಡಿಸಿಕೊಂಡಿದೆ. 2020 ಬೊಲೆರೋ ಫೇಸ್‌ಲಿಫ್ಟ್‌ ಎಸ್‌ಯುವಿಯು ತನ್ನ ಹೊರಾಂಗಣದ ಮುಂಭಾಗದಲ್ಲಿ ಹೊಸ ಗ್ರಿಲ್‌, ಹೆಡ್‌ಲ್ಯಾಂಪ್‌ ಕ್ಲಸ್ಟರ್‌ ಮತ್ತು ಬಂಪರ್‌ಗಳನ್ನು ಪಡೆದುಕೊಂಡಿದ್ದು, ಮುಂಭಾಗದಲ್ಲಿನ ಮತ್ತು ಹಿಂಭಾಗದಲ್ಲಿನ ಬಂಪರ್‌ಗಳು ಮೆಟಾಲ್‌ ವಿನ್ಯಾಸವನ್ನು ಇರಿಸಿಕೊಂಡಿದೆ.

ವಾಹನೋದ್ಯಮಕ್ಕೆ ಕಂಟಕ ತಂದ ಕೊರೋನಾ..ವಾಹನ ಸಂಸ್ಥೆಗಳ ಉತ್ಪಾದನೆ ಸ್ಥಗಿತ

ಇದಿಷ್ಟು ಬಿಎಸ್‌6 ಬೊಲೆರೋ ಫೇಸ್‌ಲಿಫ್ಟ್‌ ಎಸ್‌ಯುವಿಯ ಹೊರಾಂಗಣ ವಿನ್ಯಾಸವಾದರೆ, ಈ ಫೇಸ್‌ಲಿಫ್ಟ್‌ ಎಸ್‌ಯುವಿಯು ತನ್ನ ಒಳಾಂಗಣದಲ್ಲಿ ಬಿಎಸ್‌4 ಬೊಲೆರೋದಲ್ಲಿದ್ದ ವಿನ್ಯಾಸವನ್ನೇ ಹಾಗೂ ವೈಶಿಷ್ಟ್ಯತೆಯನ್ನೇ ಮುಂದುವರೆಸಿಕೊಂಡು ಬಂದಿದ್ದರೂ ಕೂಡ ಇದರ ಹೊಸ ಒಳಾಂಗಣವು ಆಧುನಿಕ ವಿನ್ಯಾಸದ ಅನುಭವವನ್ನೇ ನೀಡುತ್ತದೆ.


ಬಿಎಸ್‌6 ಬೊಲೆರೋ ಫೇಸ್‌ಲಿಫ್ಟ್‌ ಎಸ್‌ಯುವಿಯನ್ನು ಬೇಸ್‌ ಸ್ಪೆಕ್‌ ಬಿ4, ಮಿಡ್‌ ಸ್ಪೆಕ್‌ ಬಿ6 ಮತ್ತು ಟಾಪ್‌ ಸ್ಪೆಕ್‌ ಬಿ6 (ಓ) ಈ 3 ಆವೃತ್ತಿಗಳಲ್ಲಿ ಕೊಂಡುಕೊಳ್ಳಬಹುದಾಗಿದ್ದು, ಬಿಎಸ್‌6 ಬೊಲೆರೋ ಫೇಸ್‌ಲಿಫ್ಟ್‌ ಎಸ್‌ಯುವಿಯ ಟಾಪ್‌ ಸ್ಪೆಕ್‌ ಬಿ6 (ಓ) ಆವೃತ್ತಿಯು ಉಳಿದೆಲ್ಲಾ ಆವೃತ್ತಿಗಳಿಗಿಂತಲೂ ಹೆಚ್ಚಿನ ಬೆಲೆಯನ್ನು ಹೊಂದಿದೆ. ಈ ಟಾಪ್‌ ಸ್ಪೆಕ್‌ ಬೊಲೆರೋ ಆವೃತ್ತಿಯ ಬೆಲೆ ಎಷ್ಟು ಗೊತ್ತಾ..? ಇದರ ಎಕ್ಸ್‌ ಶೋರೂಂ ಬೆಲೆ ಬರೋಬ್ಬರಿ 9 ಲಕ್ಷ ರೂಪಾಯಿಗಳಾಗಿವೆ.

Coronavirus: ದೇಶದಲ್ಲಿ ಮತ್ತಷ್ಟು ದುಬಾರಿಯಾಗಲಿದೆ ಪೆಟ್ರೋಲ್‌, ಡೀಸೆಲ್‌

ಈಗಾಗಲೇ ಮಹೀಂದ್ರಾ ವಿತರಕರುಗಳ ಕೈಸೇರಿರುವ ಈ ಬಿಎಸ್‌6 ಫೇಸ್‌ಲಿಫ್ಟ್ ಎಸ್‌ಯುವಿಯು ಬಿಎಸ್‌6 ನಿಬಂಧನೆಯ 1.5 ಲೀಟರ್‌ 3 ಸಿಲಿಂಡರ್‌ ಎಂಹಾಕ್‌ 75 ಡೀಸೆಲ್‌ ಎಂಜಿನ್‌ನ್ನು ಒಳಗೊಂಡಿದ್ದು, ಈ ಎಂಜಿನ್‌ಗಳು ಸ್ಟ್ಯಾಂಡರ್ಡ್‌ 5 ಸ್ಪೀಡ್‌ ಮಾನವ ಚಾಲಿತ ಗೇರ್‌ಬಾಕ್ಸ್‌ನೊಂದಿಗೆ 75 ಬಿಹೆಚ್‌ಪಿ ಶಕ್ತಿಯನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.


'ಆಲಿಯಾ ಭಟ್‌' ಬಲು ಪ್ರೀತಿಯಿಂದ ಓಡಾಡೋ ಆ ಕಾರು ಯಾವುದು ಗೊತ್ತಾ..?

ಕೊರೋನಾ ವೈರಸ್‌ ಹರಡುವಿಕೆಯಿಂದ ಈಗಾಗಲೇ ವಾಹನ ಉತ್ಪಾದನೆಯನ್ನು ಸ್ಥಗಿತಗೊಳಿಸಿರುವ ವಾಹನ ಕಂಪೆನಿಗಳಲ್ಲಿ ಮಹೀಂದ್ರಾ ಮತ್ತು ಮಹೀಂದ್ರಾ ಕೂಡ ಒಂದಾಗಿದೆ. ವಾಹನ ಉತ್ಪಾದನೆಯಲ್ಲಿ ಶುಚಿತ್ವಕ್ಕೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ಕೊಟ್ಟು ವಾಹನಗಳನ್ನು ಉತ್ಪಾದನೆ ಮಾಡುತ್ತಿದ್ದ ಮಹೀಂದ್ರಾ ಮತ್ತು ಮಹೀಂದ್ರಾ ತಾತ್ಕಾಲಿಕವಾಗಿ ಅಂದರೆ ಕೊರೋನಾ ವೈರಸ್‌ ಹರಡುವಿಕೆಯು ತಾತ್ಕಾಲಿಕವಾಗಿ ನಿಯಂತ್ರಣಕ್ಕೆ ಬರುತ್ತಿದ್ದಂತೆ ಮತ್ತೊಮ್ಮೆ ತನ್ನ ವಾಹನ ಉತ್ಪಾದನೆಯನ್ನು ಆರಂಭಿಸಲಿದೆ.