Nissan Teaser: ಟೀಸರ್‌ ನಲ್ಲೇ ಗಮನ ಸೆಳೆದ 2020 ದಟ್ಸನ್‌ ರೆಡಿ-ಗೋ..ಇಲ್ಲಿದೆ ಟೀಸರ್‌

ನಿಸಾನ್‌ ಇಂಡಿಯಾ ತನ್ನ ನೂತನ 2020 ದಟ್ಸನ್‌ ರೆಡಿ-ಗೋ ಫೇಸ್‌ಲಿಫ್ಟ್‌ ಹ್ಯಾಚ್‌ಬ್ಯಾಕ್‌ ನ 2 ಟೀಸರ್‌ ಫೋಟೋವನ್ನು ಬಿಡುಗಡೆಗೊಳಿಸಿದೆ. ನಿಸಾನ್‌ ತನ್ನ ಈ 2020 ದಟ್ಸನ್‌ ರೆಡಿ-ಗೋ ವನ್ನು ಲಾಕ್‌ಡೌನ್‌ ಮುಗಿದ ನಂತರ ಅನಾವರಣಗೊಳಿಸಬಹುದೆಂದು ಅಂದಾಜಿಸಲಾಗಿದೆ. ಇದೀಗ ಕೇವಲ ನಿಸಾನ್‌ ತನ್ನ ದಟ್ಸನ್‌ ರೆಡಿ-ಗೋ ದ ಟೀಸರ್‌ನ್ನು ಮಾತ್ರ ಬಿಡುಗಡೆಗೊಳಿಸಿದೆ.

Celebrity Cars: ಬಹುಭಾಷಾ ನಟ ಮೋಹನ್‌ಲಾಲ್‌ರ ಬಳಿ ಯಾವೆಲ್ಲಾ ಕಾರುಗಳಿವೆ..?

ನಿಸಾನ್‌ ತನ್ನ 2020 ದಟ್ಸನ್‌ ರೆಡಿ-ಗೋ ಹ್ಯಾಚ್‌ಬ್ಯಾಕ್‌ ಕಾರಿನ ಹೊರಾಂಗಣ ವಿನ್ಯಾಸವನ್ನು ಮಾತ್ರ ಬಹಿರಂಗಗೊಳಿಸಿದ್ದು, ಹೊರಾಂಗಣದಲ್ಲಿ ಸಾಕಷ್ಟು ಬದಲಾವಣೆಯನ್ನು ಪಡೆದುಕೊಂಡಿದೆ. ಟೀಸರ್‌ನಲ್ಲಿ ನಾವು 2020 ರೆಡಿ-ಗೋ ವು ನೂತನ ವಿನ್ಯಾಸದ ಹೆಡ್‌ಲ್ಯಾಂಪ್‌ಗಳನ್ನು ಪಡೆದುಕೊಂಡಿರುವುದನ್ನು ನೋಡಬಹುದು. ಮೊದಲಿದ್ದ ರೆಡಿ-ಗೋ ಗಿಂತಲೂ 2020 ರೆಡಿ-ಗೋ ದ ಹೆಡ್‌ಲ್ಯಾಂಪ್‌ಗಳು ತುಂಬಾನೇ ನಯವಾಗಿದೆ.


2020 ರೆ-ಗೋ ದಲ್ಲಿನ ಇನ್ನುಳಿದ ನೂತನ ಹೊರಾಂಗಣ ವಿನ್ಯಾಸಗಳೆಂದರೆ ಇದು ಮುಂಭಾಗದಲ್ಲಿ ಹೊಸ ವಿನ್ಯಾಸದ ಗ್ರಿಲ್‌ಗಳನ್ನು, ಮುಂಭಾಗದ ಕೆಳಗಿರುವ ಬಂಪರ್‌ನಲ್ಲಿ ಏರ್‌ ಇಂಟೇಕ್‌ಗಳನ್ನು, ಮುಂಭಾಗದ ಎರಡೂ ಬದಿಗಳಲ್ಲೂ ಎಲ್‌ ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಇದರಲ್ಲಿ ವಿನ್ಯಾಸಗೊಳಿಸಲಾಗಿದೆ. ಟೀಸರ್‌ ಫೋಟೋದಲ್ಲಿ ನಾವು ಇದರ ನೂತನ ಬಂಪರ್‌ನ್ನು ಕೂಡ ನೋಡಬಹುದಾಗಿದೆ.

Twitter: ಸಲ್ಮಾನ್‌ ರ ದೇಹ ಡೀಸೆಲ್‌ ಎಂಜಿನಂತೆ!..ಪ್ರತ್ಯುತ್ತರ ನೀಡಿದ ಮಹೀಂದ್ರಾ

ಇನ್ನು ಈ 2020 ರೆಡಿ-ಗೋ ದ ಬದಿಗಳ ವಿನ್ಯಾಸವನ್ನೂ ಕೂಡ ನಾವು ಟೀಸರ್‌ನಲ್ಲಿ ನೋಡಬಹುದಾಗಿದ್ದು, ಇದರ ಬದಿಗಳು ಕೂಡ ಸಾಕಷ್ಟು ನೂತನ ಬದಲಾವಣೆಯನ್ನು ಪಡೆದುಕೊಂಡಿದೆ. ಹೊಸ ವಿನ್ಯಾಸದ ಚಕ್ರಗಳನ್ನು ಹೊಂದಿದ್ದು, ಈ ಚಕ್ರಗಳು ರೆಡಿ-ಗೋ ಗೆ ಸ್ಟೈಲಿಶ್‌ ಲುಕ್‌ ನ್ನು ನೀಡಿದೆ. ಟೀಸರ್‌ನಲ್ಲಿ ನಾವು ಕಪ್ಪು ಬಣ್ಣದ ರೂಫ್‌ ರೇಲ್ಸ್‌ನ್ನು ಹಾಗೂ ಹಿಂಭಾಗದ ಎರಡೂ ಬದಿಗಳಲ್ಲೂ ಇಂಡಿಕೇಟರ್‌ಗಳನ್ನೂ ಕೂಡ ನೋಡಬಹುದು.


ಟೀಸರ್‌ನಲ್ಲಿ ನಾವು 2020 ರೆಡಿ-ಗೋ ದ ಹಿಂಭಾಗದ ವಿನ್ಯಾಸವನ್ನು ನೋಡಲು ಸಾಧ್ಯವಿಲ್ಲ. ಮುಂಭಾಗದ ಹಾಗೂ ಬದಿಗಳಲ್ಲಿನ ನೂತನ ವಿನ್ಯಾಸವನ್ನು ನೋಡಿದ ಮೇಲೆ ಮುಂದಿನ ದಿನಗಳಲ್ಲಿ ವಾಹನ ಮಾರುಕಟ್ಟೆಗೆ ಬಿಡುಗಡೆಗೊಳ್ಳಲಿರುವ ರೆಡಿ-ಗೋ ವು ತನ್ನ ಹಿಂಭಾಗದ ವಿನ್ಯಾಸದಲ್ಲೂ ಕೂಡ ಸಾಕಷ್ಟು ಬದಲಾವಣೆಯನ್ನು ಪಡೆದುಕೊಳ್ಳಬಹುದೆಂದು ಅಂದಾಜಿಸಲಾಗಿದೆ.

Chameleon: ಊಸರವಳ್ಳಿಯಂತೇ ಬಣ್ಣ ಬದಲಾಯಿಸೋ ಕ್ರೇಟಾ ನೋಡಿದ್ದೀರಾ..?

ಹೊರಂಗಾಣ ವಿನ್ಯಾಸದಂತೆ 2020 ರೆಡಿ-ಗೋ ಹ್ಯಾಚ್‌ಬ್ಯಾಕ್‌ ಕಾರು ತನ್ನ ಒಳಾಂಗಣದಲ್ಲೂ ಕೂಡ ಹಲವಾರು ಆಧುನಿಕ ವೈಶಿಷ್ಟ್ಯತೆಗಳನ್ನು ಪಡೆದುಕೊಳ್ಳಬಹುದೆಂದು ಅಂದಾಜಿಸಬಹುದು. 2020 ರೆಡಿ-ಗೋ ಕಾರು ತನ್ನ ಒಳಾಂಗಣದಲ್ಲಿ ಹೊಸ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌ನ್ನು, ಟಚ್‌ಸ್ಕ್ರೀನ್‌ ಇನ್ಫೊಟೇನ್ಮೆಂಟ್‌ ವ್ಯವಸ್ಥೆಯನ್ನು, ಅಭಿವೃದ್ಧಿಗೊಳಿಸಲಾದ ಹಾಗೂ ಪ್ರೀಮಿಯಂ ಸೀಟ್‌ಗಳನ್ನು ಸೇರಿದಂತೆ ಇನ್ನು ಸಾಕಷ್ಟು ಒಳಾಂಗಣ ವೈಶಿಷ್ಟ್ಯತೆಯನ್ನು ಇದು ಪಡೆದುಕೊಳ್ಳಲಿದೆ.


2020 Mahindra: ಬಿಎಸ್‌6 ಮಹೀಂದ್ರಾ ಸ್ಕಾರ್ಪಿಯೋ ಬಿಡುಗಡೆ..ಇಲ್ಲಿದೆ ನೋಡಿ ಬೆಲೆ

ಭಾರತ ಸರ್ಕಾರದ ಪ್ರಕಾರ ಎಲ್ಲಾ ಫೇಸ್‌ಲಿಫ್ಟ್‌ ಮಾಡೆಲ್‌ಗಳು ಸ್ಟ್ಯಾಂಡರ್ಡ್‌ ಸುರಕ್ಷತಾ ವೈಶಿಷ್ಟ್ಯತೆಗಳನ್ನು ಪಡೆದುಕೊಳ್ಳಲೇಬೇಕು. ಹಾಗಾಗಿ ನಾವು 2020 ರೆಡಿ-ಗೋ ಹ್ಯಾಚ್‌ಬ್ಯಾಕ್‌ ಈ ಕೆಳಗಿನ ಸುರಕ್ಷಿತ ವೈಶಿಷ್ಟ್ಯತೆಗಳನ್ನು ಇರಿಸಿಕೊಳ್ಳಬಹುದೆಂದು ಅಂದಾಜಿಸಬಹುದು:

• ಮುಂಭಾಗದಲ್ಲಿ ಎರಡು ಏರ್‌ಬ್ಯಾಗ್‌ಗಳನ್ನು
• ಇಬಿಡಿಯನ್ನೊಳಗೊಂಡ ಎಬಿಎಸ್‌
• ರಿವರ್ಸ್‌ ಪಾರ್ಕಿಂಗ್‌ ಸಂವೇದಕ
• ಹೈ ಸ್ಪೀಡ್‌ ಅಲರ್ಟ್‌
• ಸೀಟ್‌ ಬೆಲ್ಟ್‌ ವಾರ್ನಿಂಗ್‌ ..ಇತ್ಯಾದಿ.

2020 BMW: ಮಲೇಷಿಯಾದಲ್ಲಿ ಬಿಎಂಡಬ್ಲ್ಯೂ..ಭಾರತಕ್ಕೂ ಬರುತ್ತಾ 8 ಸಿರೀಸ್‌..?

ಈಗಾಗಲೇ ವಾಹನ ಮಾರುಕಟ್ಟೆಯಲ್ಲಿರುವ ರೆಡಿ-ಗೋ ಹ್ಯಾಚ್‌ಬ್ಯಾಕ್‌ ಕಾರು 0.8 ಲೀಟರ್‌ ಮತ್ತು 1.0 ಲೀಟರ್‌ ಈ ಎರಡು ಎಂಜಿನ್‌ ಆಯ್ಕೆಯನ್ನು ಹೊಂದಿದೆ. ಇದರ 0.8 ಲೀಟರ್‌ 800 ಸಿಸಿ ಎಂಜಿನ್‌ಗಳು 53 ಬಿಹೆಚ್‌ಪಿ ಶಕ್ತಿಯನ್ನು ಹಾಗೂ 72 ಎನ್‌ಎಂ ಟಾರ್ಕ್‌ನ್ನು ಉತ್ಪಾದಿಸಿದರೆ, 1.0 ಲೀಟರ್‌ ಎಂಜಿನ್‌ಗಳು 67 ಬಿಹೆಚ್‌ಪಿ ಶಕ್ತಿಯನ್ನು ಹಾಗೂ 91 ಎನ್‌ಎಂ ಟಾರ್ಕ್‌ ನ್ನು ಉತ್ಪಾದಿಸುತ್ತದೆ. 2020 ರೆಡಿ-ಗೋ ಕೂಡ ಇದೇ ಎಂಜಿನ್‌ ನ್ನು ಮುಂದುವರೆಸಿಕೊಂಡು ಬರಬಹುದೆಂದು ಅಂದಾಜಿಸಲಾಗಿದೆ.