Lockdown: ಲಾಕ್‌ಡೌನ್‌ ಅಲ್ಲಗಳೆದು ದಂಡ ಪಾವತಿಸಿದ ಕ್ರಿಕೆಟ್‌ ಆಟಗಾರ

ದೇಶಾದ್ಯಂತ ಸರ್ಕಾರ ಕಟ್ಟುನಿಟ್ಟಿನ ಲಾಕ್‌ಡೌನ್‌ ಆಜ್ಞೆಯನ್ನು ಘೋಷಿಸಿದ್ದರೂ ಕೂಡ ಇದನ್ನು ಅಲ್ಲಗಳೆದು 30 ವರ್ಷದ ಖ್ಯಾತ ಕ್ರಿಕೆಟ್‌ ಆಟಗಾರರಾದ ರಿಷಿ ಧವನ್‌ ರೇಂಜ್‌ ರೋವರ್‌ ಇವೋಕ್‌ ಎಸ್‌ಯುವಿಯಲ್ಲಿ ತನ್ನ ಸ್ವಂತ ಊರಾದ ಹಿಮಾಚಲ್‌ ಪ್ರದೇಶದ ಮಂಡಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

Global NCAP: ಭಾರತದ 10 ಸುರಕ್ಷಿತ ಕಾರುಗಳು ಯಾವುವು ಗೊತ್ತಾ..? ಇಲ್ಲಿದೆ ನೋಡಿ

ದೇಶದ ಉಳಿದೆಲ್ಲಾ ರಾಜ್ಯಗಳಲ್ಲಿ ವಿಧಿಸಿರುವಂತೆ ಹಿಮಾಚಲ ಪ್ರದೇಶದಲ್ಲೂ ಕೂಡ ಲಾಕ್‌ಡೌನ್‌ನ್ನು ವಿಧಿಸಲಾಗಿದ್ದು, ಸರ್ಕಾರದ ಈ ಆದೇಶವನ್ನು ಅಲ್ಲಗಳೆದು ಕ್ರಿಕೆಟ್‌ ಆಟಗಾರ ತನ್ನ ರೇಂಜ್‌ ರೋವರ್‌ ಇವೋಕ್‌ ಎಸ್‌ಯುವಿಯೊಂದಿಗೆ ರಸ್ತೆಯಲ್ಲಿ ಚಲಿಸುತ್ತಿರುವಾಗ ಪೊಲೀಸ್‌ ಅವರನ್ನು ಅಡ್ಡಹಾಕಿ ದಂಡವನ್ನು ವಿಧಿಸಿದೆ.


ಸಾಂಕ್ರಾಮಿಕ ರೋಗವಾದ ಕೊರೋನಾ ವೈರಸ್‌ ಇದೀಗ ವಿಶ್ವದಾದ್ಯಂತ ರಭಸದಿಂದ ಹರಡುತ್ತಿದ್ದು, ಇದನ್ನು ನಿಯಂತ್ರಿಸಲು ಸರ್ಕಾರ ಮನೆಯಿಂದ ಯಾರು ಕೂಡ ಹೊರಗೆ ಭಾರದಂತೆ ಲಾಕ್‌ಡೌನ್‌ನ್ನು ಘೋಷಿಸಿದೆ. ಜನರು ಮನೆಯಲ್ಲೇ ಇರುವುದರಿಂದ ಒಬ್ಬರಿಂದ ಇನ್ನೊಬ್ಬರಿಗೆ ಹರಡಬಹುದಾದ ಕೊರೋನಾ ವೈರಸ್‌ ನ ಹರಡುವಿಕೆಯನ್ನು ನಿಯಂತ್ರಿಸಬಹುದೆಂದು ಸರ್ಕಾರ ಈ ನಿರ್ಧಾರವನ್ನು ಕೈಗೆತ್ತಿಕೊಂಡಿದೆ.

Benelli: ಕೊರೋನಾ ತಾಯ್ನಾಡಲ್ಲಿ ಬಿಡುಗಡೆಗೊಂಡ ಬೆನೆಲ್ಲಿ..ಭಾರತಕ್ಕೂ ಬರುತ್ತಾ..?

ದೇಶದಾದ್ಯಂತ ಲಾಕ್‌ಡೌನ್‌ ಆದೇಶಪಡಿಸಿದರೂ ಕೂಡ ಪ್ರಜೆಗಳಿಗೆ ತೊಂದರೆಯಾಗದಂತೆ ದಿನಬಳಕೆಯ ವಸ್ತುಗಳನ್ನು ಖರೀದಿಸಲು ಒಂದಿಷ್ಟು ಸಮಯವನ್ನೂ ಕೂಡ ನೀಡಿ ಸಹಕರಿಸುತ್ತಿದೆ. ಆದರೂ ಕೂಡ ಕೆಲವರು ನಿಯಮವನ್ನು ಉಲ್ಲಂಘಿಸುತ್ತಿದ್ದಾರೆ. ಹೀಗೇ ವಿನಃ ಕಾರಣ ರಸ್ತೆಯಲ್ಲಿ ಬೇಕಾದ ಹಾಗೇ ಓಡಾಡುವವರನ್ನು ಆಯಾ ಪ್ರದೇಶದ ಪೊಲೀಸರು ಅಡ್ಡಹಾಕಿ ಓಡಾಡುವ ಕಾರಣವನ್ನು ಪರೀಶಿಲಿಸಿ ಒಂದು ಕಾರಣವೇ ಇಲ್ಲದೇ ತಿರುಗುತ್ತಿದ್ದರೆ ಅವರಿಗೆ ದಂಡವನ್ನು ವಿಧಿಸುತ್ತಿದ್ದಾರೆ.


ಇಂತಹ ಒಂದು ಸಂದಿಗ್ಧ ಪರಿಸ್ಥಿತಿಯಲ್ಲಿ ತನ್ನ ರೇಂಜ್‌ ರೋವರ್‌ ಇವೋಕ್‌ ಎಸ್‌ಯುವಿಯಲ್ಲಿ ಪೊಲೀಸ್‌ ರ ಕೈಗೆ ಸಿಕ್ಕಿಹಾಕಿಕೊಂಡು ದಂಡವನ್ನು ವಿಧಿಸಿದವರಲ್ಲಿ ರಿಷಿ ಧವನ್‌ ಕೂಡ ಒಬ್ಬರಾಗಿದ್ದಾರೆ. ಧವನ್‌ ಲಾಕ್‌ಡೌನ್‌ ಸಮಯದಲ್ಲಿ ಬ್ಯಾಂಕ್‌ಗೆ ತೆರಳುತ್ತಿದ್ದರು ಆಗ ಪೊಲೀಸ್‌ ಅವರ ಎಸ್‌ಯುವಿಯನ್ನು ಅಡ್ಡಹಾಕಿ ವಿಚಾರಿಸಿದಾಗ ಅವರ ಬಳಿ ವಾಹನ ಪಾಸ್‌ ಇರಲಿಲ್ಲ ಹಾಗಾಗಿ ಪೊಲೀಸ್‌ ದಂಡವನ್ನು ವಿಧಿಸಿದ್ದು, ಧವನ್‌ ಕೂಡ ಸ್ಥಳದಲ್ಲೇ ದಂಡವನ್ನು ತಕ್ಷಣವೇ ಪಾವತಿಸಿ ಸ್ಥಳದಿಂದ ಹೊರಟರು.

Twitter: ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳೋದು ಹೇಗೇ..? ಇಲ್ಲಿದೆ ಉತ್ತರ

ರಿಷಿ ಧವನ್‌ ರ ರೇಂಜ್‌ ರೋವರ್‌ ಇವೋಕ್‌ ಎಸ್‌ಯುವಿಯು ಸುಮಾರು 54.94 ಲಕ್ಷ ರೂಪಾಯಿಗಳಿಂದ 59.85 ಲಕ್ಷ ರೂಪಾಯಿಗಳವರೆಗಿನ ಎಕ್ಸ್‌ ಶೋರೂಂ ಬೆಲೆಯನ್ನು ಹೊಂದಿದೆ. ಇವೋಕ್‌ ಎಸ್‌ಯುವಿಯು ತನ್ನಲ್ಲಿ 180 ಪಿಎಸ್‌ ಶಕ್ತಿಯನ್ನು ಹಾಗೂ 430 ಎನ್‌ಎಂ ಟಾರ್ಕ್‌ನ್ನು ಉತ್ಪಾದಿಸುವ 2.0 ಲೀಟರ್‌ ಡೀಸೆಲ್‌ ಎಂಜನ್‌ನ್ನು ಪಡೆದುಕೊಂಡಿದೆ. ಇದರ ಎಂಜಿನ್‌ ಸಾಮರ್ಥ್ಯದೊಂದಿಗೆ ನಾವು ಇವೋಕ್‌ ನಲ್ಲಿ 9 ಸ್ಪೀಡ್‌ ಸ್ವಯಂಚಾಲಿತ ಗೇರ್‌ಬಾಕ್ಸ್‌ನ್ನೂ ಕೂಡ ನೋಡಬಹುದು.


Rolls Royce: ಪತ್ನಿಗೆ ಕೋಟ್ಯಾಂತರ ರೂಪಾಯಿಯ ಕಾರು ಉಡುಗೊರೆ ನೀಡಿದ ಪತಿ

1999ಸಿಸಿ ಬಿಎಸ್‌6 ಎಂಜಿನ್‌ ನ್ನು ಒಳಗೊಂಡ ಇವೋಕ್‌ ಎಸ್‌ಯುವಿಯು ಸಂಪರ್ಕಿತ ಕಾರು ತಂತ್ರಜ್ಞಾನವನ್ನು, ಆಂಡ್ರಾಯ್ಡ್‌ ಆಟೋವನ್ನು, ಆಪಲ್‌ ಕಾರ್‌ ಪ್ಲೇ ವ್ಯವಸ್ಥೆಯನ್ನು, ಎರಡು ಹಂತಗಳ ಹವಮಾನ ನಿಯಂತ್ರಣವನ್ನು, ಪನೋರಮಿಕ್‌ ಸನ್‌ರೂಫ್‌ ನ್ನು ಪಡೆದುಕೊಂಡಿದ್ದು, ಸುರಕ್ಷಿತ ವೈಶಿಷ್ಟ್ಯತೆಗಳಾದ 8 ಏರ್‌ಬ್ಯಾಗ್‌ಗಳನ್ನು, ಇಬಿಡಿಯನ್ನೊಳಗೊಂಡ ಎಬಿಎಸ್‌ ವ್ಯವಸ್ಥೆಯನ್ನು, ವೆಹಿಕಲ್‌ ಸ್ಟೆಬಿಲಿಟಿ ನಿಯಂತ್ರಕವನ್ನು, ಮುಂಭಾಗದಲ್ಲಿ ಹಾಗೂ ಹಿಂಭಾಗದಲ್ಲಿ ಪಾರ್ಕಿಂಗ್‌ ಸಂವೇದಕವನ್ನು ಮತ್ತು ಪಾರ್ಕಿಂಗ್‌ ಕ್ಯಾಮರಾ ಸೇರಿದಂತೆ ಇನ್ನು ಸಾಕಷ್ಟು ವೈಶಿಷ್ಟ್ಯತೆಯನ್ನು ಒಳಗೊಂಡಿದೆ.