2018 ಬೆಂಝ್ ಎಎಂಜಿ ಎಸ್ 63 ಕೂಪೆ ಬಿಡುಗಡೆ

ಹೊಸದಿಲ್ಲಿ: ಜರ್ಮನಿಯ ಪ್ರೀಮಿಯಂ ವಾಹನ ನಿರ್ಮಾಣ ಸಂಸ್ಥೆ ಮರ್ಸಿಡಿಸ್ ಬೆಂಝ್, ಅತಿ ನೂತನ 2018 ಎಎಂಜಿ ಎಸ್ 63 ಕೂಪೆ ಕಾರನ್ನು ದೇಶದಲ್ಲಿ ಬಿಡುಗಡೆಗೊಳಿಸಿದೆ.

ಆರಂಭಿಕ ಬೆಲೆ: 2.55 ಕೋಟಿ ರೂ. (ಎಕ್ಸ್ ಶೋ ರೂಂ)

ನೂತನ ಮರ್ಸಿಡಿಸ್ ಬೆಂಝ್ ಎಸ್ 63 ಕೂಪೆ ಕಾರು, 5.5 ಲೀಟರ್ ವಿ8 ಲೀಟರ್ ಬದಲು ಹೊಸತಾದ 4.0 ಲೀಟರ್ ಬೈ-ಟರ್ಬೊ ಎಂಜಿನ್ ಪಡೆಯಲಿದ್ದು, 900 ಎನ್‌ಎಂ ತಿರುಗುಬಲದಲ್ಲಿ 611 ಅಶ್ವಶಕ್ತಿ ಉತ್ಪಾದಿಸಲಿದೆ. ಒಂಬತ್ತು ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇರಲಿದ್ದು, ಹಿಂದಿಕ್ಕಿಂತಲೂ 28 ಅಶ್ವಶಕ್ತಿ ಹೆಚ್ಚು ಉತ್ಪಾದಿಸಲಿದೆ.

ಸಿಲಿಂಡರ್ ಡಿಆಕ್ಟಿವೇಷನ್ ವ್ಯವಸ್ಥೆಯು ಮಗದೊಂದು ಆಕರ್ಷಕ ವೈಶಿಷ್ಟ್ಯವಾಗಿದ್ದು, ಹೆಚ್ಚಿನ ಇಂಧನ ಕ್ಷಮತೆ ಕಾಪಾಡಿಕೊಳ್ಳಲು ನೆರವಾಗಲಿದೆ.

ಎರಡು ಡೋರ್‌ಗಳ ಈ ಕೂಪೆ ಕಾರು ಪ್ಯಾನಾಮೆರಿಕಾನಾ ಗ್ರಿಲ್, ದೊಡ್ಡದಾದ ಏರ್ ಇಂಟೇಕ್, ಪರಿಷ್ಖೃತ ವಿನ್ಯಾಸ, ಎಕ್ಸಾಸ್ಟ್ ಹಾಗೂ 19 ಇಂಚುಗಳ ಅಲಾಯ್ ಚಕ್ರಗಳನ್ನು ಪಡೆಯಲಿದೆ.

ಗ್ರಾಹಕರಿಗಾಗಿ 'ಡಿಸೈನೊ' ವೈಯಕ್ತಿಕರಣ ಆಯ್ಕೆಯೂ ನೀಡಲಾಗುತ್ತಿದೆ. ಕಾರಿನೊಳಗೆ ನಾಪ್ಪಾ ಲೆಥರ್ ಸೀಟು, ಸ್ಟೀರಿಂಗ್ ವೀಲ್ ಮೇಲೆ ಎಎಂಜಿ ಬ್ಯಾಡ್ಜಿಂಗ್, ಮುಂದೆ ಹಾಗೂ ಹಿಂದುಗಡೆ ಸೀಟುಗಳಿಗೆ ಬ್ಯಾಕ್‌ರೆಸ್ಟ್ ಇರಲಿದೆ.

ಬಹು ಕ್ರಿಯಾತ್ಮಕ 12.3 ಇಂಚುಗಳ ಟಿಎಫ್‌ಟಿ ವೈಡ್‌ಸ್ಕ್ರೀನ್ ಕಲರ್ ಡಿಸ್‌ಪ್ಲೇ ಮಗದೊಂದು ಪ್ರಮುಖ ಆಕರ್ಷಣೆಯಾಗಿರಲಿದೆ.

ಅಂದ ಹಾಗೆ ದೇಶದಲ್ಲಿ 15 ಎಎಂಜಿ ಮಾದರಿಗಳನ್ನು ಬೆಂಝ್ ಒದಗಿಸುತ್ತಿದೆ.

ಪ್ರತಿಸ್ಪರ್ಧಿಗಳು:
ಆಡಿ ಆರ್8,
ಪೋರ್ಷ್ ಪನಮೆರಾ ಟರ್ಬೊ,
ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ
ಆಸ್ಟನ್ ಮಾರ್ಟಿನ್ ವಿ8 ವ್ಯಾಂಟೇಜ್