2018 Nissan Micra: ಇನ್ನಷ್ಟು ಫೀಚರ್‌ಗಳೊಂದಿಗೆ ಹೊಸ ಮೈಕ್ರಾ ಬಿಡುಗಡೆ

ಹೊಸದಿಲ್ಲಿ: ಜಪಾನ್ ಮೂಲದ ಮುಂಚೂಣಿಯ ವಾಹನ ತಯಾರಿಕಾ ಸಂಸ್ಥೆ ನಿಸ್ಸಾನ್, ಅತಿ ನೂತನ 2018 ಮೈಕ್ರಾ ಸಣ್ಣ ಕಾರನ್ನು ದೇಶದಲ್ಲಿ ಬಿಡುಗಡೆಗೊಳಿಸಿದೆ.

2018 ನಿಸ್ಸಾನ್ ಮೈಕ್ರಾ ಹ್ಯಾಚ್‌ಹ್ಯಾಕ್ ಕಾರಿನಲ್ಲಿ ಇನ್ನಷ್ಟು ಫೀಚರ್‌ಗಳು ಒಳಗೊಂಡಿರಲಿದೆ.

ಮೈಕ್ರಾ ಆಕ್ಟಿವ್ ಪ್ರಾರಂಭಿಕ ಬೆಲೆ: 5.03 ಲಕ್ಷ ರೂ. (ಎಕ್ಸ್ ಶೋ ರೂಂ ದಿಲ್ಲಿ)

ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಡ್ಯುಯಲ್ ಏರ್‌ಬ್ಯಾಗ್ಸ್, ಸ್ಪೀಡ್ ವಾರ್ನಿಂಗ್ ಡಿವೈಸ್, ಸ್ಪೀಡ್ ಸೆನ್ಸಿಂಗ್ ಡೋರ್ ಲಾಕ್, ಚಾಲಕ ಸೀಟು ಬೆಲ್ಟ್ ರಿಮೈಂಡರ್, ಸ್ಪೀಡ್ ವಾರ್ನಿಂಗ್ ಡಿವೈಸ್, ರಿವರ್ಸ್ ಪಾರ್ಕಿಂಗ್ ಸೆನ್ಸಾರ್, ರಿಯರ್ ಕ್ಯಾಮೆರಾ ವ್ಯವಸ್ಥೆಗಳಿರಲಿದೆ.


6.2 ಇಂಚುಗಳ ಟಚ್‌ಸ್ಕ್ರೀನ್ ಎವಿಎನ್ (ಆಡಿಯೋ, ವಿಶ್ಯೂವಲ್ ಹಾಗೂ ನೇವಿಗೇಷನ್) ಜತೆ ಫೋನ್ ಮಿರರಿಂಗ್ ಮತ್ತು ಹೊಸತಾದ ಔಟ್‌ಸೈಡ್ ರಿಯರ್ ವ್ಯೂ ಮಿರರ್ ಜತೆ ಟರ್ನ್ ಇಂಡಿಕೇರ್ ವಿಶೇಷತೆಗಳನ್ನು ಒಳಗೊಂಡಿರಲಿದೆ.

ಹೊಸ ಮೈಕ್ರಾ ಕಾರಿನಲ್ಲಿ ಯುರೋಪಿಯನ್ ಶೈಲಿ ಹಾಗೂ ಜಪಾನ್ ತಂತ್ರಗಾರಿಕೆಯು ಹೆಚ್ಚು ವಿಶಿಷ್ಟವಾಗಿಸಲಿದೆ. ಇದು 100ಕ್ಕೂ ಹೆಚ್ಚು ದೇಶಗಳಲ್ಲಿ ಜನಪ್ರಿಯ ಮಾದರಿ ಎಂಬುದನ್ನು ಸಂಸ್ಥೆಯು ಬೊಟ್ಟು ಮಾಡಿದೆ.

ನವೀಕೃತ ಮೈಕ್ರಾ ಕಾರು, ನಿಸ್ಸಾನ್ ಕನೆಕ್ಟ್ ಸಂಯೋಜಿತ ಕಾರು ಕನೆಕ್ಟ್ ತಂತ್ರಜ್ಞಾನವನ್ನು ಪಡೆದಿದೆ. ಇದು ಜಿಯೋ ಫೆನ್ಸಿಂಗ್ಸ, ಸ್ಪೀಡ್ ಅಲರ್ಟ್, ಕರ್ಫ್ಯೂ ಅಲರ್ಟ್, ಹತ್ತಿರದ ಪಿಟ್ ಸ್ಟಾಪ್ಸ್, ಮೈ ಕಾರು ಗುರುತಿಸುವಿಕೆ ಹಾಗೂ ಶೇರ್ ಮೈ ಕಾರ್ ಲೋಕೆಷನ್ ಸೇವೆಗಳನ್ನು ಒಳಗೊಂಡಿರಲಿದೆ.

ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ. 1.2 ಲೀಟರ್ ಪೆಟ್ರೋಲ್ ಜತೆ ಎಕ್ಸ್-ಟ್ರಾನಿಕ್ ಸಿವಿಟಿ ಮತ್ತು 1.5 ಲೀಟರ್ ಡೀಸೆಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ. ಹಾಗೆಯೇ ಐದು ಸ್ಪೀಡ್ ಗೇರ್ ಬಾಕ್ಸ್ ಹೊಂದಿರುತ್ತದೆ.