2019 Maruti Suzuki Ignis ಭರ್ಜರಿ ಬಿಡುಗಡೆ

ಹೊಸದಿಲ್ಲಿ: ದೇಶದ ಅತಿ ದೊಡ್ಡ ಪ್ರಯಾಣಿಕ ಕಾರು ಸಂಸ್ಥೆ ಮಾರುತಿ ಸುಜುಕಿ, ತನ್ನ ಜನಪ್ರಿಯ ಇಗ್ನಿಸ್ ಹ್ಯಾಚ್‌ಬ್ಯಾಕ್ ಕಾರಿನ ಅತಿ ನೂತನ ಆವೃತ್ತಿಯನ್ನು ಬಿಡುಗಡೆಗೊಳಿಸಿದೆ.

ಅತಿ ನೂತನ 2019 ಮಾರುತಿ ಸುಜುಕಿ ಇಗ್ನಿಸ್ ಕಾರು ದಿಲ್ಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 4.79 ಲಕ್ಷ ರೂ.ಗಳಿಂದ 7.14 ಲಕ್ಷ ರೂ.ಗಳ ವರೆಗೆ ದುಬಾರಿಯೆನಿಸುತ್ತದೆ.

2019 ಇಗ್ನಿಸ್ ಕಾರು ನವೀಕೃತ ವಿನ್ಯಾಸ ಹಾಗೂ ಫೀಚರ್‌ಗಳ ಜತೆಗೆ ಸುರಕ್ಷತೆಗೂ ಹೆಚ್ಚಿನ ಗಮನ ಕೊಡಲಾಗಿದೆ. ಸಹ ಚಾಲಕನಿಗೂ ಸೀಟ್ ರಿಮೈಂಡರ್ ಸೌಲಭ್ಯವನ್ನು ಕೊಡಲಾಗಿದೆ. ಇನ್ನು ರಿವರ್ಸ್ ಪಾರ್ಕಿಂಗ್ ಅಸಿಸ್ಟ್ ಹಾಗೂ ಹೈ ಸ್ಪೀಡ್ ಅಲರ್ಟ್ ಸಿಸ್ಟಂ ವ್ಯವಸ್ಥೆಯನ್ನು ಒದಗಿಸಲಾಗಿದೆ.

ಇಲ್ಲಿ ಗಮನಾರ್ಹ ಅಂಶವೆಂದರೆ ಈ ಎಲ್ಲ ಸೇಫ್ಟಿ ಫೀಚರ್‌ಗಳು ಜುಲೈ 01ರಿಂದ ಕಡ್ಡಾಯವಾಗಲಿದೆ. ಇನ್ನು ಇಗ್ನಿಸ್ ಕಾರಿನಲ್ಲಿ ಈಗಾಗಲೇ ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್ಸ್, ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ, ಎಲೆಕ್ಟ್ರಾನಿಕ್ ಬ್ರೇಕ್‌ಫೋರ್ಸ್ ಡಿಸ್ಟ್ರಿಬ್ಯೂಷನ್, ಸೀಟ್ ಬೆಲ್ಟ್ ಪ್ರಿಟೆನ್ಷನರ್ ಜತೆ ಫೋರ್ಸ್ ಲಿಮಿಟರ್ಸ್ ಹಾಗೂ ಐಸೋಫಿಕ್ಸ್ ಸುರಕ್ಷತಾ ವ್ಯವಸ್ಥೆಗಳನ್ನು ಒದಗಿಸಲಾಗಿದೆ.

ಒಟ್ಟಿನಲ್ಲಿ ನೂತನ ಇಗ್ನಿಸ್ ಮತ್ತಷ್ಟು ಸುರಕ್ಷಿತವೆನಿಸಿದೆ. ಅಲ್ಲದೆ ಝೆಟಾ ಹಾಗೂ ಆಲ್ಫಾ ವೆರಿಯಂಟ್‌ಗಳಲ್ಲಿ ಹೊಸ ರೂಫ್ ರೈಲ್ ನೀಡಲಾಗಿದ್ದು, ಅದ್ಭುತ ರಸ್ತೆ ಸಾನಿಧ್ಯವನ್ನು ಕಾಪಾಡಿಕೊಳ್ಳಲಿದೆ.