2020 Tata Nexon Tvc Featuring Cricketer Kl Rahul Released
2020 Nexon: ಟಾಟಾ ನೆಕ್ಸಾನ್‌ ಖರೀದಿಸಿದ್ರಾ ಕ್ರಿಕೆಟ್‌ ಆಟಗಾರ 'ಕೆಎಲ್‌ ರಾಹುಲ್‌'..?
ಟಾಟಾ ಮೋಟಾರ್ಸ್‌ ತನ್ನ 2020 ನೆಕ್ಸಾನ್‌ ನಲ್ಲಿ ಎಲೆಕ್ಟ್ರಿಕ್‌ ಸನ್‌ರೂಫ್‌ ನ್ನು ಅಳವಡಿಸಿದ್ದು, ಈಗಾಗಲೇ ಯೂಟ್ಯೂಬ್‌ನಲ್ಲಿ, ದೂರದರ್ಶನದ ಜಾಹೀರಾತಿನಲ್ಲಿ ಹರಿದಾಡುತ್ತಿರುವ ಟಾಟಾ ನೆಕ್ಸಾನ್‌ನ ಎಲೆಕ್ಟ್ರಿಕ್‌ ಸನ್‌ರೂಫ್‌ನ ವೀಡಿಯೋದಲ್ಲಿ ಭಾರತದ ಕ್ರಿಕೆಟ್‌ ಆಟಗಾರ ಕೆಎಲ್‌ ರಾಹುಲ್‌ ಕಾಣಿಸಿಕೊಂಡಿದ್ದಾರೆ.
TNN & Agencies21 Mar 2020, 6:04 pm
ಭಾರತದ ವಾಹನ ಉತ್ಪಾದಕರಿಂದ ಭಾರತೀಯ ವಾಹನ ಮಾರುಕಟ್ಟೆಗೆ ನೀಡಲಾದ ಉನ್ನತ ಗುಣಮಟ್ಟದ ಮತ್ತು ಅತ್ಯಂತ ಜನಪ್ರಿಯ ವಾಹನ ಬ್ರ್ಯಾಂಡ್‌ಗಳಲ್ಲಿ ಟಾಟಾ ಮೋಟಾರ್ಸ್‌ನ 'ನೆಕ್ಸಾನ್‌ ಎಸ್‌ಯುವಿ' ಕೂಡ ಒಂದು. ಸಬ್‌ 4 ಮೀಟರ್‌ ಕಾಂಪ್ಯಾಕ್ಟ್‌ ಮಾದರಿಯ ಎಸ್‌ಯುವಿಗಳಲ್ಲೇ ಅತ್ಯಂತ ಸುರಕ್ಷಿತ ಎಸ್‌ಯುವಿಯೆಂದು ಪರಿಗಣಿಸಲ್ಪಟ್ಟ ನೆಕ್ಸಾನ್‌, 'ಜಾಗತಿಕ ಮಟ್ಟದ ಎನ್‌ಸಿಎಪಿ ವಾಹನ ಸುರಕ್ಷತಾ ಪರೀಕ್ಷೆಯಲ್ಲಿ 5 ಸ್ಟಾರ್‌'ಗಳನ್ನು ಪಡೆದುಕೊಂಡಿದೆ.
Vijaya Karnataka Web2020 Nexon: ಟಾಟಾ ನೆಕ್ಸಾನ್‌ ಖರೀದಿಸಿದ್ರಾ ಕ್ರಿಕೆಟ್‌ ಆಟಗಾರ 'ಕೆಎಲ್‌ ರಾಹುಲ್‌'..?
ಟಾಟಾ ನೆಕ್ಸಾನ್‌ ಭಾರತದ ವಾಹನ ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ ವಿಟಾರಾ ಬ್ರೆಝಾ, ಹ್ಯುಂಡೈ ವೆನ್ಯು, ಮಹೀಂದ್ರಾ ಎಕ್ಸ್‌ಯುವಿ300, ಫೋರ್ಡ್‌ ಇಕೋಸ್ಪೋರ್ಟ್‌ ಮಾದರಿಯ ಎಸ್‌ಯುವಿಗಳೊಂದಿಗೆ ಪೈಪೋಟಿಯನ್ನು ನಡೆಸುತ್ತಿದೆ. ಟಾಟಾ ಮೋಟಾರ್ಸ್‌ ತನ್ನ ಈ ನೆಕ್ಸಾನ್‌ನ ಎಂಜಿನ್‌ನ್ನು ನೂತನ ಎಂಜಿನ್‌ ಮಾದರಿಯಾದ ಬಿಎಸ್‌6 ಎಂಜನ್‌ಗೆ ಮಾರ್ಪಾಡುಮಾಡುವ ಮೂಲಕ ಇತ್ತೀಚೆಗಷ್ಟೇ ಮತ್ತೊಮ್ಮೆ ವಾಹನ ಮಾರುಕಟ್ಟೆಯನ್ನು ಪ್ರವೇಶಿಸಿದೆ.
2020 ಟಾಟಾ ನೆಕ್ಸಾನ್‌
ಬಿಎಸ್‌6 ಎಂಜಿನ್‌ನೊಂದಿಗೆ ಮಾರುಕಟ್ಟೆಯನ್ನು ಪ್ರವೇಶಿಸಿರುವ ಬಿಎಸ್‌6 ಟಾಟಾ ನೆಕ್ಸಾನ್‌ನಲ್ಲಿ ಟಾಟಾ ಮೋಟಾರ್ಸ್‌ ಮತ್ತೊಂದು ಹೊಸ ವೈಶಿಷ್ಟ್ಯತೆಯನ್ನು ಅಳವಡಿಸುವುದರೊಂದಿಗೆ ವಾಹನ ಮಾರುಕಟ್ಟೆಯಲ್ಲಿರುವ ಕಾಂಪ್ಯಾಕ್ಟ್‌ ಎಸ್‌ಯುವಿಗಳಿಗೆ ಮತ್ತೊಂದು ಪ್ರಬಲ ಸ್ಪರ್ಧೆಯನ್ನು ನೀಡಿದೆ. ಹೌದು, ಇದೀಗ ಟಾಟಾ ನೆಕ್ಸಾನ್‌ನ ಜಾಹೀರಾತು ವೀಡಿಯೋವೊಂದು ಟಾಟಾ ಮೋಟಾರ್ಸ್‌ನ ಯೂಟ್ಯೂಬ್‌ನಲ್ಲಿ ಮತ್ತು ವಾಹಿನಿಗಳಲ್ಲಿ ಹರಿದಾಡುತ್ತಿದೆ. ಈ ಜಾಹೀರಾತಿನ ಇನ್ನೊಂದು ವಿಶೇಷತೆಯೆಂದರೆ ಇದರಲ್ಲಿ ನಾವು ಭಾರತದ ಯುವ ಕ್ರಿಕೆಟ್‌ ಆಟಗಾರರಾದ 'ಕೆಎಲ್‌ ರಾಹುಲ್‌' ರನ್ನು ನೋಡಬಹುದಾಗಿದೆ. ಇಲ್ಲಿದೆ ನೋಡಿ ಅ ವೀಡಿಯೋ: 2020 BMW: 3 ಆವೃತ್ತಿಗಳಲ್ಲಿ ಕಡಿಮೆ ಬೆಲೆಯ ಎಕ್ಸ್‌7 ಬಿಡುಗಡೆ..ಇಲ್ಲಿದೆ ಬೆಲೆಯ ವಿವರ
ಟಾಟಾ ಮೋಟಾರ್ಸ್‌ ಇತ್ತೀಚೆಗಷ್ಟೇ ಕೆಎಲ್‌ ರಾಹುಲ್‌ರನ್ನು ಟಾಟಾ ಬ್ರ್ಯಾಂಡ್‌ನ ಹೊಸ ಮುಖವೆಂದು ಅಧಿಕೃತವಾಗಿ ಘೋಷಿಸಿದ ಬೆನ್ನಲ್ಲೇ ದೂರದರ್ಶನ ಜಾಹೀರಾತುಗಳಲ್ಲಿ ರಾಹುಲ್‌ ಕಾಣಿಸಿಕೊಂಡ ಮೊದಲ ಜಾಹೀರಾತು ಇದಾಗಿದೆ. ಈ ವೀಡಿಯೋ 2020 ಟಾಟಾ ನೆಕ್ಸಾನ್‌ ಯಾವೆಲ್ಲಾ ಹೊಸ ವೈಶಿಷ್ಟ್ಯತೆಯನ್ನು ಅಳವಡಿಸಿಕೊಂಡಿದೆ ಎನ್ನುವುದನ್ನು ವಿವರಿಸುತ್ತದೆ. ಈ ವೀಡಿಯೋದಲ್ಲಿ ಪ್ರಮುಖವಾಗಿ ಅನಾವರಣಗೊಳಿಸಿರುವುದು 2020 ಟಾಟಾ ನೆಕ್ಸಾನ್‌ನ 'ಎಲೆಕ್ಟ್ರಿಕ್‌ ಸನ್‌ರೂಫ್‌'. 2020 Suzuki: ನಿಮ್ಮ ನೆಚ್ಚಿನ ಬಿಎಸ್‌6 ಇನ್ಟ್ರುಡರ್‌ ಬಿಡುಗಡೆ..ಇಲ್ಲಿದೆ ಬೆಲೆ
ವೀಡಿಯೋದ ಆರಂಭದಲ್ಲಿ ಭಾರತದ ಕ್ರಿಕೆಟ್‌ ಆಟಗಾರ ಕೆಎಲ್‌ ರಾಹುಲ್‌ 2020 ನೆಕ್ಸಾನ್‌ ನ್ನು ರೈಡ್‌ ಮಾಡಿಕೊಂಡು ಬರುತ್ತಿರುವ ದೃಶ್ಯವನ್ನು ನೋಡಬಹುದಾಗಿದ್ದು, ವೀಡಿಯೋದ ಮುಂದಿನ ಭಾಗದಲ್ಲಿ ಕೆಎಲ್‌ ರಾಹುಲ್‌ ರೈಡ್‌ ಮಾಡುತ್ತಿರುವ ನೆಕ್ಸಾನ್‌ ಮುಂಭಾಗದಲ್ಲಿ ಪಾದಾಚಾರಿಗಳಿಬ್ಬರು ರಸ್ತೆಯನ್ನು ದಾಟುತ್ತಿರುತ್ತಾರೆ. ಅದರಲ್ಲಿ ಒಂದು ಹುಡುಗಿ 2020 ನೆಕ್ಸಾನ್‌ ಎಸ್‌ಯುವಿಯಲ್ಲಿ ಕುಳಿತ ರಾಹುಲ್‌ರನ್ನು ನೋಡಿದಾಕ್ಷಣ ತನ್ನ ಮೊಬೈಲ್‌ನಿಂದ ಫೋಟೋ ತೆಗೆಯಲು ಆರಂಭಿಸುತ್ತಾಳೆ.
2020 ಟಾಟಾ ನೆಕ್ಸಾನ್‌ನ ಒಳಾಂಗಣ
ಆ ಹುಡುಗಿ ಫೋಟೋ ತೆಗೆಯುತ್ತಿದ್ದನ್ನು ಗಮನಿಸಿದ ಕೆಎಲ್‌ ರಾಹುಲ್‌ ತನ್ನ ಫೋಟೋಕ್ಕಾಗಿ ಹೆಚ್ಚು ಬೆಳಕನ್ನು ನೀಡಲು 2020 ನೆಕ್ಸಾನ್‌ನಲ್ಲಿ ನೀಡಲಾದ ಎಲೆಕ್ಟ್ರಿಕ್‌ ಸನ್‌ರೂಫ್‌ನ್ನು ತೆರೆಯುತ್ತಾರೆ. ಆಗ ಸನ್‌ರೂಫ್‌ನಿಂದ ಸಾಕಷ್ಟು ಬೆಳಕು ಕೆಎಲ್‌ ರಾಹುಲ್‌ರ ಮುಖದ ಮೇಲೆ ಬೀಳುವುದರಿಂದ ಆ ಹುಡುಗಿಗೆ ಮತ್ತಷ್ಟು ಸುಂದರ ಫೋಟೋಗಳನ್ನು ತೆಗೆಯಲು ಸಹಾಯವಾಗುತ್ತದೆ. ವೀಡಿಯೋದಲ್ಲಿನ ಈ ದೃಶ್ಯವನ್ನು ನೋಡಿದಾಗ 2020 ನೆಕ್ಸಾನ್‌ನಲ್ಲಿ ಇನ್ನು ಮುಂದೆ ಗ್ರಾಹಕರು ಎಲೆಕ್ಟ್ರಿಕ್‌ ಸನ್‌ರೂಫ್‌ನ್ನು ಪಡೆದುಕೊಳ್ಳಲಿದ್ದಾರೆ ಎಂದು ನಿರ್ಧರಿಸಿಸಬಹುದಾಗಿದೆ.
2020 ಟಾಟಾ ನೆಕ್ಸಾನ್‌ನಲ್ಲಿ ಎಲೆಕ್ಟ್ರಿಕ್‌ ಸನ್‌ರೂಫ್‌ ವ್ಯವಸ್ಥೆಯನ್ನು ಹೊರತುಪಡಿಸಿ, ಎಕ್ಸ್‌ಪ್ರೆಸ್‌ ಕೂಲ್‌ ವೈಶಿಷ್ಟ್ಯತೆ, ಕ್ರೂಸ್‌ ನಿಯಂತ್ರಕ, ಸಂಪರ್ಕಿತ ಕಾರು ತಂತ್ರಜ್ಞಾನ ಹಾಗೂ ಸಂಪೂರ್ಣ ಡಿಜಿಟಲ್‌ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌ ಸೇರಿದಂತೆ ಇನ್ನು ಸಾಕಷ್ಟು ನೂತನ ವೈಶಿಷ್ಟ್ಯತೆಯನ್ನು ಪಡೆದುಕೊಳ್ಳಬಹುದಾಗಿದೆ. ಮರುವಿನ್ಯಾಸಗೊಳಿಸಿದ 2020 ಟಾಟಾ ನೆಕ್ಸಾನ್‌ ಮುಂಭಾಗದಲ್ಲಿ ಹೊಸ ಪ್ರೊಜೆಕ್ಟರ್‌ ಟೈಪ್‌ ಹೆಡ್‌ಲ್ಯಾಂಪ್‌ಗಳನ್ನು ಅಳವಡಿಸಲಾಗಿದೆ.
2020 ನೆಕ್ಸಾನ್‌ನ ಎಲೆಕ್ಟ್ರಿಕ್‌ ಸನ್‌ರೂಫ್‌ ಜಾಹೀರಾತಿನಲ್ಲಿ ಕಾಣಿಸಿಕೊಂಡ ಕೆಎಲ್‌ ರಾಹುಲ್‌
ಈ ಹೊಸ ನೆಕ್ಸಾನ್‌ 1.2 ಲೀಟರ್‌ ಟರ್ಬೋಚಾರ್ಜ್ಡ್‌ ಪೆಟ್ರೋಲ್‌ ಎಂಜಿನ್‌ನ್ನು ಮತ್ತು 1.5 ಲೀಟರ್‌ ಟರ್ಬೋಚಾರ್ಜ್ಡ್‌ ಡೀಸೆಲ್ ಎಂಜಿನ್‌ಗಳನ್ನು ಹೊಂದಿದ್ದು, 1.2 ಲೀಟರ್‌ ಪೆಟ್ರೋಲ್‌ ಎಂಜಿನ್‌ನಲ್ಲಿ ಗ್ರಾಹಕರು 120 ಪಿಎಸ್‌ ಶಕ್ತಿಯನ್ನು ಮತ್ತು 170 ಎನ್‌ಎಂ ಟಾರ್ಕ್‌ನ್ನು ಉತ್ಪಾದಿಸಬಹುದಾದರೆ, 1.5 ಲೀಟರ್‌ ಡೀಸೆಲ್ ಎಂಜಿನ್‌ನಲ್ಲಿ 110 ಬಿಹೆಚ್‌ಪಿ ಶಕ್ತಿಯನ್ನು ಹಾಗೂ 260 ಎನ್‌ಎಂ ಟಾರ್ಕ್‌ನ್ನು ನೀಡುತ್ತದೆ. 2020 ಟಾಟಾ ನೆಕ್ಸಾನ್‌ ಪೆಟ್ರೋಲ್‌ ಆವೃತ್ತಿಯನ್ನು 6.95 ಲಕ್ಷ ರೂಪಾಯಿಗಳ ಎಕ್ಸ್‌ ಶೋರೂಂ ಬೆಲೆಯಿಂದ ಹಾಗೂ ಡೀಸೆಲ್ ಆವೃತ್ತಿಯನ್ನು 8.45 ಲಕ್ಷ ರೂಪಾಯಿಗಳ ಎಕ್ಸ್‌ ಶೋರೂಂ ಬೆಲೆಯಿಂದ ಕೊಂಡುಕೊಳ್ಳಬಹುದಾಗಿದೆ.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
