Tata Altroz: ಮೂರು ಆಯ್ಕೆಯ ಎಂಜಿನ್ ಹೊಂದಿದ ಹ್ಯಾಚ್‌ಬ್ಯಾಕ್‌ ಬುಕಿಂಗ್‌ಗೆ ಸಿದ್ಧ

ಟಾಟಾ ವಾಹನ ತಯಾರಕ ಕಂಪೆನಿಯ ಟಾಟಾ ಆಲ್ಟ್ರೋಝ್‌ ಕಾರನ್ನು ಇದೀಗ ಕಾರು ಪ್ರಿಯರು ಖರೀದಿಸಬಹುದಾಗಿದ್ದು, ಮಾರಾಟಕ್ಕೆ ಸಿದ್ಧವಾಗಿದೆ. ಭಾರತದೆಲ್ಲೆಡೆ ಇರುವ ಟಾಟಾ ಮೋಟಾರ್ಸ್‌ ಡೀಲರ್‌ಗಳಿಂದ 2019ರ ಡಿಸೆಂಬರ್‌ 4 ರಿಂದ ಆಲ್ಟ್ರೋಝ್‌ ಕಾರನ್ನುಕಾರು ಖರೀದಿದಾರರು ಬುಕಿಂಗ್‌ ಮಾಡಬಹುದಾಗಿದೆ.

ಟಾಟಾ ಕಾರು ತಯಾರಕ ಕಂಪೆನಿಯು ಈಗಾಗಲೇ ಟಾಟಾ ಆಲ್ಟ್ರೋಝ್‌ ಹ್ಯಾಚ್‌ಬ್ಯಾಕ್‌ನ ಬುಕಿಂಗ್ ಮೌಲ್ಯವನ್ನು 21,000 ರೂಪಾಯಿಗಳೆಂದು ನಿಗಧಿಪಡಿಸಿದೆಯಾದರೂ ಈ ಹ್ಯಾಚ್‌ಬ್ಯಾಕ್‌ನ ಅಧಿಕೃತ ಬೆಲೆಯನ್ನು ಇನ್ನು ನಿಗಧಿಪಡಿಸಿಲ್ಲ ಆದರೆ ಟಾಟಾವು ಆಲ್ಟ್ರೋಝ್‌ನ ಅಧಿಕೃತ ಬೆಲೆಯನ್ನು 2020ರ ಜನವರಿಯಲ್ಲಿ ಬಹಿರಂಗಪಡಿಸಲು ನಿರ್ಧರಿಸಿದೆ.

Honda CT125 Moped: ಹೋಂಡಾ ಕಂಪೆನಿಯು ಹೊಸ ಮಾದರಿಯ ಮೋಪೆಡ್‌ನ್ನು ಅಧಿಕೃತವಾಗಿ ಬಹಿರಂಗಪಡಿಸಿದೆ.
ಆಲ್ಟ್ರೋಝ್‌ ಹ್ಯಾಚ್‌ಬ್ಯಾಕ್‌ನ್ನು ಖರೀದಿಸಲು ಇಚ್ಚಿಸುವವರು ಇದರ ಪ್ರದರ್ಶನದ ಉಪಯೋಗವನ್ನು ಹಾಗೂ ಟೆಸ್ಟ್‌ ಡ್ರೈವ್‌ನ್ನು ಪಡೆಯಬಹುದಾಗಿದೆ. ಟಾಟಾ ಕಂಪೆನಿಯು ಇದನ್ನು 2019ರಲ್ಲೇ ಬಿಎಸ್‌4 ನಿಬಂಧನೆಯಲ್ಲಿ ಮಾರುಕಟ್ಟೆಗೆ ಪರಿಚಯಿಸಲು ಮುಂದಾಗಿತ್ತು ಆದರೆ ಸರ್ಕಾರದ ನಿಬಂಧನೆಗಳು ಬಿಎಸ್‌6ಗೆ ಬದಲಾದ ಕಾರಣದಿಂದ ಇದರ ಬಿಎಸ್‌4 ಎಂಜಿನ್‌ನ್ನು ತೆಗೆದುಹಾಕಿ ಪುನಃ ಬಿಎಸ್‌ 6 ಎಂಜಿನ್‌ ಅಳವಡಿಸಿರುವುದರಿಂದ ಇದು ಆಲ್ಟ್ರೋಝ್‌ನ್ನು 2020ರಲ್ಲಿ ರಸ್ತೆಗಿಳಿಯುವಂತೆ ಮಾಡಲಿದೆ.


ಪುಣೆಯ ಟಾಟಾ ಉತ್ಪಾದನಾ ಕೇಂದ್ರದಲ್ಲಿ ಇದಾಗಲೇ ಆಲ್ಟ್ರೋಝ್‌ನ ಉತ್ಪಾದನೆಯು ತ್ವರಿತ ಗತಿಯಲ್ಲಿ ಸಾಗುತ್ತಿದ್ದು, 2.0 ಮಾದರಿಯ ವಿನ್ಯಾಸವನ್ನು ಇದರಲ್ಲಿ ಅಳವಡಿಸಲಾಗಿದೆ. ಇದನ್ನು ಮೊದಲ ಬಾರಿಗೆ ಜಿನೆವಾ ಆಟೋ ಎಕ್ಸ್ಪೋ ಪ್ರದರ್ಶನದಲ್ಲಿ ಅನಾವರಣಗೊಳಿಸಲಾಗಿದೆ. ಇದು ಟಾಟಾ ಉತ್ಪಾದಿತ ವಾಹನಗಳಲ್ಲೇ ಮೊದಲ ಆಲ್ಫಾ (ALFA) ಆರ್ಕಿಟೆಕ್ಚರ್‌ನ್ನು ಹೊಂದಿದ ಹ್ಯಾಚ್‌ಬ್ಯಾಕ್‌ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಇದರಲ್ಲಿ ಉನ್ನತ ಗುಣಮಟ್ಟದ 5 ಸ್ಪೀಡ್‌ ಮಾನವ ಚಾಲಿತ ಗೇರ್‌ಬಾಕ್ಸ್‌ನ್ನು ಅಳವಡಿಸಲಾಗಿದ್ದು, ಸರ್ಕಾರದ ಬಿಎಸ್‌6 ನಿಬಂಧನೆಯ 3 ವಿಧದ ಎಂಜಿನ್‌ ಆಯ್ಕೆಯನ್ನು ನೀಡಲಾಗಿದೆ. ಮೊದಲನೇಯದಾಗಿ 85 ಹೆಚ್‌ಪಿ ಎಂಜಿನ್‌ ಆಯ್ಕೆ, ಎರಡನೇಯದಾಗಿ 1.2 ಲೀಟರ್‌ ಪೆಟ್ರೋಲ್‌ನ 102 ಹೆಚ್‌ಪಿ ಮತ್ತು 1.2 ಲೀಟರ್‌ ಟರ್ಬೋ ಪೆಟ್ರೋಲ್‌ನ 90 ಹೆಚ್‌ಪಿ ಎಂಜಿನ್‌ ಆಯ್ಕೆ, ಹಾಗೂ ಕೊನೆಯದಾಗಿ 1.5 ಲೀಟರ್‌ಗಳ ಡೀಸೆಲ್‌ ಎಂಜಿನ್‌ ಆಯ್ಕೆಯನ್ನು ಇದರಲ್ಲಿ ಗ್ರಾಹಕರು ಪಡೆಯಬಹುದಾಗಿದೆ.

K3 EV : ಕಿಯಾದಿಂದ ಎಲೆಕ್ಟ್ರಿಕ್‌ ಸೆಡಾನ್‌
ಇದರ ಒಳಾಂಗಣ ವಿನ್ಯಾಸವು ಅದ್ದೂರಿಯಾಗಿದ್ದು, ಸ್ಟೈಲಿಂಗ್‌ ಲುಕ್‌ನ್ನು ಪಡೆದುಕೊಂಡಿರುವುದರ ಜೊತೆ 7.0 ಇಂಚುಗಳ ಫ್ರೀ ಸ್ಟ್ಯಾಂಡಿಂಗ್‌ ಟಚ್‌ಸ್ಕ್ರೀನ್‌ ಇನ್ಫೋಟೇನ್ಮೆಂಟ್‌ ವ್ಯವಸ್ಥೆಯನ್ನು ಅಳವಡಿಸಲಾಗಿದೆ. ಇದರಲ್ಲಿ ಆಂಬಿಯೆಂಟ್‌ ಲೈಟಿಂಗ್‌ನೊಂದಿಗೆ ಆಪ್‌ ಆಧಾರಿತ ಹಲವಾರು ವಿಶಿಷ್ಟತೆಯನ್ನು ಕೂಡ ನೀಡಲಾಗಿದೆ.

ಈ ಹೊಸ ಆಲ್ಟ್ರೋಝ್‌ ಹ್ಯಾಚ್‌ಬ್ಯಾಕ್‌ನ ಬೆಲೆಯು ಸುಮಾರು 5 ಲಕ್ಷದಿಂದ ಆರಂಭವಾಗಿ 8 ಲಕ್ಷ ರೂಪಾಯಿಗಳ ವರೆಗೆ ಇರಬಹುದು ಎಂದು ಅಂದಾಜಿಸಲಾಗಿದ್ದು, ಇದರ ಬಣ್ಣವನ್ನು, ರೂಪಾಂತರವನ್ನು ಹಾಗೂ ವಿತರಣಾ ಪಟ್ಟಿಯನ್ನು ಡಿಸೆಂಬರ್‌4 ರಂದು ಸಾರ್ವಜನಿಕವಾಗಿ ಘೋಷಿಸಲಾಗುವುದು ಎಂದು ಕಂಪೆನಿಯು ತಿಳಿಸಿದೆ.