Kona Electric: ಹುಂಡೈ ಕಾರಿನ ವಿಶೇಷತೆಗಳೇನು?

ಹುಂಡೈ ಮೋಟಾರ್ಸ್‌ ದೇಶದಲ್ಲಿ ಸಂಪೂರ್ಣ ಇಲೆಕ್ಟ್ರಿಕ್‌ ಕಾರ್ ಕೋನಾವನ್ನುಇತ್ತೀಚೆಗೆ ಬಿಡುಗಡೆ ಮಾಡಿದೆ. ಕೋನಾ ಬೆಲೆ 25.3 ಲಕ್ಷ (ಎಕ್ಸ್‌ ಶೋ ರೂಂ) ರೂ.ಗೆ ಆಗಿದ್ದು, ಎರಡು ಬಣ್ಣಗಳ ಸಂಯೋಜನೆಯ ಮಾದರಿ ಬೇಕಾದಲ್ಲಿ ಹೆಚ್ಚುವರಿ 20,000 ರೂ. ನೀಡಬೇಕಾಗುತ್ತದೆ.

ಉತ್ತಮ ಸಾಮರ್ಥ್ಯ: ಎಆರ್‌ಎಐ ಪ್ರಮಾಣಪತ್ರದ ಪ್ರಕಾರ ಒಂದು ಚಾರ್ಜ್‌ಗೆ 452 ಕಿ.ಮೀ. ಓಡುವ ಸಾಮರ್ಥ್ಯ ಇದು ಹೊಂದಿದೆ ಎಂದು ಹುಂಡೈ ಹೇಳಿದೆ. ಸಿಸಿಎಸ್‌ ಟೈಪ್‌ -2 ಪೋರ್ಟ್‌ ಡಿಸಿ ತ್ವರಿತ ಚಾರ್ಜ್‌ ಆಯ್ಕೆ ಮೂಲಕ ಕೇವಲ 57 ನಿಮಿಷಗಳಲ್ಲಿ ಶೇ. 80 ಚಾರ್ಜ್‌ ಪೂರ್ಣವಾಗುತ್ತದೆ. ಮುಂದೆ ಐಒಸಿಎಲ್ ಜತೆಗೆ ವಿವಿಧೆಡೆ ಜಾರ್ಜಿಂಗ್ ಸೌಲಭ್ಯ ದೊರೆಯಲಿದೆ.

7.2 ಕೆಡಬ್ಲ್ಯೂ ಎಸಿ ವಾಲ್‌ ಬಾಕ್ಸ್‌ ಚಾರ್ಜರ್‌ಗಳನ್ನು ಮನೆ ಅಥವಾ ಕಚೇರಿಗಳಲ್ಲಿ ಅಳವಡಿಸಲಾಗುತ್ತಿದೆ. ಈ ವ್ಯವಸ್ಥೆಯಲ್ಲಿ ಕಾರಿನ ಬ್ಯಾಟರಿ ಚಾರ್ಜ್‌ ಆಗಲು 6 ಗಂಟೆ 10 ನಿಮಿಷ ಬೆಕಾಗುತ್ತದೆ. ಇದಲ್ಲದೆ 2.8 ಕೆವಿ ಪೋರ್ಟೇಬಲ್‌ ಚಾರ್ಜರ್‌ಗಳನ್ನು ಸಾಮಾನ್ಯ ಸಾಕೆಟ್‌ಗಳ ಮೂಲಕವೂ ಬಳಸಿ ಚಾರ್ಜ್‌ ಮಾಡಲು ಸಾಧ್ಯವಿದೆ. ಕಾರಿನಲ್ಲಿ ಇನ್‌-ಕೇಬಲ್‌ ಕಂಟ್ರೋಲ್‌ ಬಾಕ್ಸ್‌ (ಐಸಿಸಿಬಿ) ಇದ್ದು ಇದರ ಮೂಲಕ ಪೂರ್ಣ ಚಾರ್ಜ್‌ ಆಗಲು 19 ಗಂಟೆಗಳು ಬೇಕಾಗುತ್ತವೆ ಎಂದು ಹುಂಡೈ ತಿಳಿಸಿದೆ.

ಹ್ಯುಂಡೈ ಕೋನಾ ವಿದ್ಯುತ್ ಚಾಲಿತ ಕಾರು ಚಿತ್ರಗಳಲ್ಲಿ ನೋಡಿ

ಇತರ ವಿಶೇಷತೆ: ಸ್ಪಿಲ್ಟ್‌ ಹೆಡ್‌ ಲ್ಯಾಂಪ್‌ಗಳು, ಡಿಆರ್‌ಎಲ್‌, ರೂಪ್‌ ರೈಲ್‌, ಸ್ಮಾರ್ಟ್‌ ಇಲೆಕ್ಟ್ರಿಕ್‌ ರೂಫ್‌ ಸೇರಿದಂತೆ ಇನ್ನೂ ಹಲವು ವಿಶೇಷತೆಗಳು ಇದರಲ್ಲಿವೆ.

39.2 ಕೆ.ವಿ. ಬ್ಯಾಟರಿ ಸಾಮರ್ಥ್ಯ ಹೊಂದಿರುವ ಈ ಕಾರು, 9.7 ಸೆಕೆಂಡ್‌ಗಳೊಳಗೆ 100 ಕಿ.ಮೀ. ವೇಗವನ್ನು ಪಡೆಯುವ ಸಾಮರ್ಥ್ಯ ಹೊಂದಿದೆ. ಮೂರು ವರ್ಷ ಅನ್‌ಲಿಮಿಟೆಡ್‌ ಕಿ.ಮೀ. ವಾರಂಟಿಯ ಜತೆಗೆ ಎಂಟು ವರ್ಷಗಳಿಗೆ 1,60,000 ಕಿ.ಮೀ. ಬ್ಯಾಟರಿ ವಾರಂಟಿಯನ್ನೂ ಸಂಸ್ಥೆ ಒದಗಿಸುತ್ತಿದೆ.