ಮದುಮಗಳ ಜೊತೆ ಹಳೆಯ ಕಾರುಗಳ ಹೋಲಿಕೆ; ಆಡಿಗೆ ಕಗ್ಗಂಟ್ಟು

ಬೀಜಿಂಗ್: ತಮ್ಮ ಉತ್ಪನ್ನಗಳನ್ನು ಗರಿಷ್ಠ ಮಟ್ಟದಲ್ಲಿ ಮಾರಾಟ ಮಾಡಲು ವಾಹನ ನಿರ್ಮಾಣ ಸಂಸ್ಥೆಗಳು ನಾನಾ ರೀತಿಯ ಜಾಹೀರಾತು ನೀತಿಗಳನ್ನು ಅನುಸರಿಸುತ್ತಿದೆ. ಅತ್ತ ಜರ್ಮನಿಯ ಐಷಾರಾಮಿ ಕಾರುಗಳ ನಡುವೆ ನಿಕಟ ಪೈಪೋಟಿ ಏರ್ಪಟ್ಟಿರುವಂತೆಯೇ ಫೋಕ್ಸ್‌ವ್ಯಾಗನ್ ಮಾಲಿಕತ್ವದ ಆಡಿ ವಿಚಿತ್ರವಾದ ನೀತಿಯನ್ನು ಅನುಸರಿಸಿ ಭಾರಿ ವಿವಾದಕ್ಕೆ ಸಿಲುಕಿದೆ.

ಚೀನಾದಲ್ಲಿ ಬಿಡುಗಡೆ ಮಾಡಿರುವ ಜಾಹೀರಾತಿನಲ್ಲಿ ಮದುಮಗಳ ಜೊತೆಗೆ ಹಳೆಯ ಕಾರುಗಳನ್ನು ಹೋಲಿಸಿರುವ ಆಡಿ ಕಗ್ಗಂಟ್ಟಿಗೆ ಸಿಲುಕಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಆಡಿ, ಇಂತಹದೊಂದು ಪ್ರಮಾದ ಎಸಗಿರುವುದಕ್ಕೆ ಖೇದ ವ್ಯಕ್ತಪಡಿಸಿದ್ದು, ವಿವಾದತ್ಮಕ ಜಾಹೀರಾತನ್ನು ಹಿಂಪಡೆದಿದೆ.



ವಿವಾಹಿತರಾಗಲು ಸನ್ನದ್ಧರಾಗಿದ್ದ ಯುವ ದಂಪತಿಗಳ ಬಳಿ ಬಂದ ಅತ್ತೆ ತನ್ನ ಮಗನ ಭಾವಿ ವಧುವನ್ನು ಪರೀಕ್ಷೆಗೊಳಪಡಿಸುತ್ತಾರೆ. ಈ ಮೂಲಕ ಮಹಿಳೆಯರನ್ನು ಅವಮಾನಕ್ಕೀಡು ಮಾಡಲಾಗಿದೆ. ಮಧು ಮಗಳ ಕಣ್ಣು, ಮೂಗು, ಬಾಯಿ ಹೀಗೆ ಅಂಗಾಂಗಗಳನ್ನು ಪರೀಕ್ಷೆ ಮಾಡುವ ಅತ್ತೆ ಮುಖ್ಯವಾದ ನಿರ್ಧಾರಗಳನ್ನು ಅತ್ಯಂತ ಜಾಗರೂಕರಾಗಿ ತೆಗೆದುಕೊಳ್ಳಬೇಕು. ಅಧಿಕೃತ ಪ್ರಮಾಣೀಕರಣದಿಂದ ಮಾತ್ರ ನೆಮ್ಮದಿ ಪಡೆಯಬಹುದಾಗಿದೆ ಎಂದು ಉಲ್ಲೇಖಿಸುತ್ತಾರೆ.

ಒಟ್ಟಿನಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಆಡಿಗೆ ತಕ್ಕ ಶಾಸ್ತಿ ನಡೆಯುತ್ತಿದೆ.