ಅತ್ಯಾಕರ್ಷಕ ಎಲೆಕ್ಟ್ರಿಕ್ ಸ್ಕೂಟರ್ ಬಿಡುಗಡೆ

ಹೊಸದಿಲ್ಲಿ: ಪರಿಸರ ಸ್ನೇಹಿ ವಾಹನಗಳನ್ನು ಭವಷ್ಯತ್ತಿನ ವಾಹನವೆಂದು ಪರಿಗಣಿಸಲಾಗಿದೆ. ಇದೀಗ ಎವನ್ ಮೋಟಾರ್ಸ್ ಇಂಡಿಯನ್ ಸಂಸ್ಥೆಯು ಅತ್ಯಾಧುನಿಕ ಟ್ರೆಂಡ್ ಇ ವಿದ್ಯುತ್ ಚಾಲಿತ ಸ್ಕೂಟರ್ ಬಿಡುಗಡೆ ಮಾಡಿದೆ.

ರಾಷ್ಟ್ರ ರಾಜಧಾನಿಯಲ್ಲಿ ನಡೆದ ಬಿವಿ ಟೆಕ್ ಎಕ್ಸ್‌ಪೋ ಇಂಡಿಯಾ 2019 ಸಮಾರಂಭದಲ್ಲಿ ನೂತನ ಎವನ್ ಟ್ರೆಂಡ್ ಇ ಎಲೆಕ್ಟ್ರಿಕ್ ಸ್ಕೂಟರ್ ಪ್ರವೇಶವಾಗಿದೆ. ಒಟ್ಟು ಎರಡು ವೆರಿಯಂಟ್‌ಗಳಲ್ಲಿ ದೊರಕಲಿದೆ.

ಬೆಲೆ ಮಾಹಿತಿ: (ಎಕ್ಸ್ ಶೋ ರೂಂ ದಿಲ್ಲಿ)
ಸಿಂಗಲ್ ಬ್ಯಾಟರಿ: 56,900 ರೂ.
ಡಬಲ್ ಬ್ಯಾಟರಿ: 81,269 ರೂ.


ಮೂರು ಬಣ್ಣಗಳು: ರೆಡ್ ಬ್ಲ್ಯಾಕ್, ಬ್ಲ್ಯಾಕ್ ರೆಡ್ ಮತ್ತು ವೈಟ್ ಬ್ಲೂ.

ಬ್ಯಾಟರಿ: ಲಿಥಿಯಂ ಇಯಾನ್.
ಗರಿಷ್ಠ ವೇಗ: ಪ್ರತಿ ಗಂಟೆಗೆ 45 ಕೀ.ಮೀ.

ಒಮ್ಮೆ ಚಾರ್ಜ್ ಮಾಡಿಸಿದ್ದಲ್ಲಿ ಸಿಂಗಲ್ ಬ್ಯಾಟರಿಯನ್ನೊಳಗೊಡ ಟ್ರೆಂಡ್ ಇ ಎಲೆಕ್ಟ್ರಿಕ್ ಸ್ಕೂಟರ್ 60 ಕೀ.ಮೀ. ದೂರವನ್ನು ಕ್ರಮಿಸಬಲ್ಲದರು. ಹಾಗೆಯೇ ಡಬಲ್ ಬ್ಯಾಟರಿ ವೆರಿಯಂಟ್ 110 ಕೀ.ಮೀ ವ್ಯಾಪ್ತಿಯ ವರೆಗೂ ಸಂಚರಿಸಲಿದೆ.


ಅಂದ ಹಾಗೆ ಸಂಪೂರ್ಣವಾಗಿ ಚಾರ್ಜ್ ಮಾಡಿಸಲು ನಾಲ್ಕು ತಾಸು ಬೇಕಾಗುತ್ತದೆ. ಸಹ ಸವಾರನಿಗೆ ಬ್ಯಾಕ್ ರೆಸ್ಟ್ ಸಹ ಕೊಡಲಾಗಿದೆ. ಇನ್ನು ಸೀಟು ಕೆಳಗಡೆ ಸ್ಟೋರೆಜ್ ಜಾಗವನ್ನು ನೀಡಲಾಗಿದೆ. ಫ್ರಂಟ್ ಪ್ಯಾನೆಲ್, ಬಾಟಲಿ ಹೋಲ್ಡರ್, ಕಾರಿಗೆ ಸಮಾನವಾದ ಸ್ಮಾರ್ಟ್ ಕೀ ಲಾಕ್ ಹಾಗೂ ಆರಾಮದಾಯಕ ಸೀಟು ವ್ಯವಸ್ಥೆಯನ್ನು ಒಳಗೊಂಡಿದೆ.

ಮುಂದುಗಡೆ ಹೈಡ್ರಾಲಿಕ್ ಟೆಲಿಸ್ಕಾಪಿಕ್ ಫಾರ್ಕ್ ಹಾಗೂ ಹಿಂದುಗಡೆ ಕಾಯಿಲ್ ಸ್ಪ್ರಿಂಗ್ ಸಸ್ಫೆನ್ಷನ್ ವ್ಯವಸ್ಥೆಯನ್ನು ಪಡೆದಿದೆ. ಅಲಾಯ್ ಚಕ್ರಗಳು ಮತ್ತು ಮುಂದೆ ಹಾಗೂ ಹಿಂದುಗಡೆ ಡಿಸ್ ಬ್ರೇಕ್‌ಗಳನ್ನು ಜೋಡಣೆ ಮಾಡಲಾಗಿದೆ.


ಗರಿಷ್ಠ ಭಾರ ಹೊರುವ ಸಾಮರ್ಥ್ಯ ಎಷ್ಟು? 150 ಕೆ.ಜಿ ವರೆಗೂ.

ನೂತನ ಎವನ್ ಟ್ರೆಂಡ್ ಇ ವಿದ್ಯುತ್ ಚಾಲಿತ ಸ್ಕೂಟರ್, ಹೀರೊ ಎಲೆಕ್ಟ್ರಿಕ್ ಎನ್‌ವೈಎಕ್ಸ್ ಹಾಗೂ ಓಕಿನಾವಾ ಪ್ರೈಸ್ ಮಾದರಿಗಳಿಗೆ ಪೈಪೋಟಿಯನ್ನು ಒಡ್ಡಲಿದೆ.