Hyundai Venue: ದೇಶದಲ್ಲಿ ಬುಕಿಂಗ್ ಆರಂಭ

ಬೆಂಗಳೂರು: ಹುಂಡೈ ಮೋಟಾರ್‌ ಇಂಡಿಯಾ ಕಂಪನಿಯು ತನ್ನ ನೂತನ ಎಸ್‌ಯುವಿ-ವೆನ್ಯೂ ವಿನ ಬುಕಿಂಗ್‌ ಆರಂಭಿಸಿದೆ. ಹುಂಡೈ ವೆಬ್‌ಸೈಟ್‌ ಮತ್ತು ಡೀಲರ್‌ಶಿಪ್‌ಗಳಲ್ಲಿ 21,000 ರೂ.ಗೆ ವೆನ್ಯೂ ಎಸ್‌ಯುವಿಯನ್ನು ಗ್ರಾಹಕರು ಬುಕ್‌ ಮಾಡಬಹುದು.

2019ರ ಮೇ 21ರಂದು ಜಾಗತಿಕ ಮಟ್ಟದಲ್ಲಿ ನೂತನ ಎಸ್‌ಯುವಿಯನ್ನು ಕಂಪನಿ ಬಿಡುಗಡೆ ಮಾಡಲಿದೆ. 7 ಆಕರ್ಷಕ ವರ್ಣಗಳಲ್ಲಿ ವೆನ್ಯೂ ಲಭಿಸಲಿದೆ.

ಹುಂಡೈ ಮೋಟಾರ್‌ ಇಂಡಿಯಾ ಕಂಪನಿಯ ನ್ಯಾಶನಲ್‌ ಸೇಲ್ಸ್‌ ವಿಭಾಗದ ಮುಖ್ಯಸ್ಥ ವಿಕಾಸ್‌ ಜೈನ್‌ ಅವರು ವೆನ್ಯೂ ಬುಕಿಂಗ್‌ ಅನ್ನು ಘೋಷಿಸಿದ್ದಾರೆ. ಭಾರತದ ಕಾಂಪ್ಯಾಕ್ಟ್ ಎಸ್‌ಯುವಿ ವಲಯದಲ್ಲಿ ಹೊಸ ಅಧ್ಯಾಯವನ್ನು ಹುಂಡೈ ಮೋಟಾರ್‌ ಆರಂಭಿಸಿದೆ.

ಈಗಾಗಲೇ ಹುಂಡೈ ವೆನ್ಯೂ ಗ್ರಾಹಕರನ್ನು ಆಕರ್ಷಿಸಿದೆ. ಅತ್ಯಾಕರ್ಷಕ ವಿನ್ಯಾಸ, ಸೌಕರ್ಯ, ತಂತ್ರಜ್ಞಾನದ ಪ್ಯಾಕೇಜ್‌ ಅನ್ನು ಇದು ಒಳಗೊಂಡಿದೆ ಎಂದರು. ಹುಂಡೈ ಇಂಡಿಯಾದ ಮೊದಲ ಇನ್‌-ಹೌಸ್‌ ಮಾದರಿಯಲ್ಲಿ ಅಭಿವೃದ್ಧಿಪಡಿಸಿದ 7 ಸ್ಪೀಡ್‌, ಡಿಸಿಟಿ ಟೆಕ್ನಾಲಜಿ ಸಹಿತ ಎಸ್‌ಯುವಿ ಇದಾಗಿದೆ ಎಂದರು.