ಲ್ಯಾಂಡ್ ರೋವರ್ ಡಿಸ್ಕವರಿ ಫ್ಯಾಮಿಲಿ ಎಸ್‌ಯುವಿ ಲಗ್ಗೆ

ಹೊಸದಿಲ್ಲಿ: ಟಾಟಾ ಮೋಟಾರ್ಸ್ ಅಧೀನತೆಯಲ್ಲಿರುವ ಜಾಗ್ವಾರ್ ಲ್ಯಾಂಡ್ ರೋವರ್ (ಜೆಎಲ್‌ಆರ್) ತನ್ನ ಬಹುನಿರೀಕ್ಷಿತ ಎಲ್ಲ ಹೊಸತನದ ಲ್ಯಾಂಡ್ ರೋವರ್ ಡಿಸ್ಕವರಿ ಕ್ರೀಡಾ ಬಳಕೆಯ ವಾಹನದ ಬುಕ್ಕಿಂಗ್ ಪ್ರಕ್ರಿಯೆಯನ್ನು ಆರಂಭಿಸಿದೆ.

ದೇಶದಲ್ಲಿ ಸ್ಥಿತಗೊಂಡಿರುವ ಎಲ್ಲ 25 ಅಧಿಕೃತ ಶೋ ರೂಂಗಳಲ್ಲಿ ಮುಂಗಡ ಬುಕ್ಕಿಂಗ್ ಆರಂಭಿಸಲಾಗಿದ್ದು, ನವೆಂಬರ್ ತಿಂಗಳಲ್ಲಿ ಹಬ್ಬದ ಆವೃತ್ತಿಯ ವೇಳೆ ಭರ್ಜರಿ ಬಿಡುಗಡೆ ಕಾಣಲಿದೆ.

ಫ್ಯಾಮಿಲಿ ಎಸ್‌ಯುವಿ ಎಂದೇ ಗುರುತಿಸಿಕೊಂಡಿರುವ ನೂತನ ಲ್ಯಾಂಡ್ ರೋವರ್ ಡಿಸ್ಕವರಿ ಬೆಲೆ ಬಿಡುಗಡೆ ಮೊದಲೇ ಬಹಿರಂಗ ಮಾಡಲಾಗಿದ್ದು, 68.05 ಲಕ್ಷ ರೂ.ಗಳಷ್ಟು ದುಬಾರಿಯೆನಿಸಲಿದೆ.

3 ಲೀಟರ್ TDV6 190 kW ಡೀಸೆಲ್ ಮತ್ತು 3 ಲೀಟರ್ Si6 250 kW ಪೆಟ್ರೋಲ್ ಎಂಜಿನ್‌ಗಳಿಂದ ನಿಯಂತ್ರಿಸ್ಪಡಲಿದೆ.

ಈ ಏಳು ಸೀಟುಗಳ ಮೂರನೇ ತಲೆಮಾರಿನ ಲ್ಯಾಂಡ್ ರೋವರ್ ಡಿಸ್ಕವರಿ ಎಸ್‌ಯುವಿ ಜನಪ್ರಿಯ ಡಿಸ್ಕವರಿ ಸ್ಪೋರ್ಟ್ ಮತ್ತು ರೇಂಜ್ ರೋವ್ ನಡುವಣ ಗುರುತಿಸಿಕೊಳ್ಳಲಿದೆ.

2014 ನ್ಯೂಯಾರ್ಕ್ ಆಟೋ ಶೋದಲ್ಲಿ ಮೊದಲ ಬಾರಿಗೆ ಅನಾವರಣಗೊಂಡಿರುವ ಲ್ಯಾಂಡ್ ರೋವರ್ ಡಿಸ್ಕವರಿ, ಟಚ್ ಸ್ಕ್ರೀನ್, ಇನ್ ಕಂಟ್ರೋಲ್ ಟಚ್ ಪ್ರೊ ಸರ್ವೀಸ್ ಮತ್ತು ಇಂಟೆಲಿಜೆಂಟ್ ಸೀಟ್ ಫೋಲ್ಡ್ ತಂತ್ರಜ್ಞಾನವನ್ನು ಪಡೆಯಲಿದೆ.

ಪ್ರತಿಸ್ಪರ್ಧಿಗಳು: ಆಡಿ ಕ್ಯೂ7, ವೋಲ್ವೋ ಎಕ್ಸ್‌ಸಿ90 ಮತ್ತು ಮರ್ಸಿಡಿಸ್ ಬೆಂಝ್ ಜಿಎಲ್‌ಎಸ್.