Hyundai: ಹ್ಯುಂಡೈ ನ ಬಿಎಸ್‌4 ಕಾರುಗಳ ಮೇಲೆ ಲಕ್ಷ ಲಕ್ಷ ರೂಪಾಯಿಗಳ ಬಂಪರ್‌ ಆಫರ್‌

ಬಿಎಸ್‌6 ನಿಬಂಧನೆಯು ಇನ್ನೇನು ಕೆಲವೇ ದಿನಗಳಲ್ಲಿ ಅಂದರೆ ಎಪ್ರಿಲ್‌ 1 ರಿಂದ ಜಾರಿಗೊಳ್ಳಲಿರುವುದರಿಂದ ಸಾಕಷ್ಟು ವಾಹನ ತಯಾರಕ ಕಂಪೆನಿಗಳು, ವಾಹನ ವಿತರಕರುಗಳು ತಮ್ಮ ಬಿಎಸ್‌4 ವಾಹನಗಳ ಮೇಲೆ ಬಂಪರ್‌ ಆಫರ್‌ನ್ನು, ಆಕರ್ಷಕ ಕೊಡುಗೆಗಳನ್ನು ನೀಡುತ್ತಿರುವುದನ್ನು ನೀವಿಗಾಗಲೇ ನಮ್ಮ ಪೇಜ್‌ನಲ್ಲಿ ನೋಡಿರಬಹುದು. ಉಳಿದೆಲ್ಲಾ ವಾಹನ ಬ್ರ್ಯಾಂಡ್‌ಗಳಂತೆ ಇಲ್ಲೊಂದು ವಾಹನ ತಯಾರಕ ಕಂಪೆನಿಯು ಕೂಡ ತನ್ನ ಬಿಎಸ್‌4 ವಾಹನ ಗಳ ಮೇಲೆ ಆಕರ್ಷಕ ರಿಯಾಯಿತಿಯನ್ನು ನೀಡುತ್ತಿದೆ.

ರಾಣಿ ಮುಖರ್ಜಿಗೆ ಕೋಟ್ಯಾಂತರ ರೂ. ಗಳ ಕಾರು ಉಡುಗೊರೆ ನೀಡಿದ ಬಾಯ್‌ಫ್ರೆಂಡ್‌

ಮೂಲತಃ ದಕ್ಷಿಣ ಕೊರಿಯಾದ ವಾಹನ ತಯಾರಕ ಕಂಪೆನಿಯಾದ ಹ್ಯುಂಡೈ ತನ್ನ ಬಿಎಸ್‌4 ಕಾರುಗಳ ಮೇಲೆ ಆಕರ್ಷಕ ರಿಯಾಯಿತಿಯನ್ನು ಕಾಯ್ದಿರಿಸಿದ್ದಾರೆ. ಹ್ಯುಂಡೈನ ಈ ರಿಯಾಯಿತಿ ನಿಯಮವು ಕೇವಲ 2020 ರ ಮಾರ್ಚ್‌31 ರವರೆಗೆ ಮಾತ್ರ ಇರುತ್ತದೆ. ಒಂದು ವೇಳೆ ನೀವು ಕಡಿಮೆ ಬೆಲೆಯಲ್ಲಿ ಉನ್ನತ ಗುಣಮಟ್ಟದ ಕಾರುಗಳನ್ನು ಕೊಂಡುಕೊಳ್ಳಬೇಕೆಂದು ಯೋಚಿಸುತ್ತಿದ್ದರೆ ಇದೊಂದು ಉತ್ತಮ ಅವಕಾಶ.


ಹ್ಯುಂಡೈ ತನ್ನ ಪ್ರವೇಶ ಮಟ್ಟದ ಕಾರಾದ ಬಿಎಸ್‌4 ಸ್ಯಾಂಟ್ರೋ ಮೇಲೆ ಆಕರ್ಷಕ ರಿಯಾಯಿತಿಯನ್ನು ನೀಡುತ್ತಿದೆ. ಸ್ಯಾಂಟ್ರೋವನ್ನು ಖರೀದಿಸಲು ಆಸಕ್ತಿಯುಳ್ಳ ಗ್ರಾಹಕರು ಪೆಟ್ರೋಲ್‌ ಆವೃತ್ತಿಯ ಬಿಎಸ್‌4 ಹ್ಯುಂಡೈ ಸ್ಯಾಂಟ್ರೋವನ್ನು 55,000 ರೂಪಾಯಿಗಳ ರಿಯಾಯಿತಿ ದರದಲ್ಲಿ ಕೊಂಡುಕೊಳ್ಳಬಹುದಾಗಿದೆ. ಕೇವಲ ಬಿಎಸ್‌4 ಸ್ಯಾಂಟ್ರೋದ ಮೇಲೆ ಮಾತ್ರವಲ್ಲ ಹ್ಯುಂಡೈ ಗ್ರಾಹಕರು ಇನ್ನುಳಿದ ಹ್ಯುಂಡೈ ಕಾರುಗಳ ಮೇಲೂ ಕೂಡ ರಿಯಾಯಿತಿಯನ್ನು ಪಡೆಯಬಹುದಾಗಿದೆ.

2020 BMW: 3 ಆವೃತ್ತಿಗಳಲ್ಲಿ ಕಡಿಮೆ ಬೆಲೆಯ ಎಕ್ಸ್‌7 ಬಿಡುಗಡೆ..ಇಲ್ಲಿದೆ ಬೆಲೆಯ ವಿವರ

ಬಿಎಸ್‌4 ಸ್ಯಾಂಟ್ರೋವನ್ನು ಹೊರತುಪಡಿಸಿ, ಗ್ರಾಹಕರು ಗ್ರ್ಯಾಂಡ್‌ ಐ10 ಮತ್ತು ಗ್ರ್ಯಾಂಡ್‌ ಐ10 ನಿಯೋಸ್‌ ಕಾರುಗಳ ಮೇಲೂ ಕೂಡ ರಿಯಾಯಿತಿಯನ್ನು ಪಡೆದುಕೊಳ್ಳಬಹುದಾಗಿದೆ. ಹ್ಯುಂಡೈ ಗ್ರಾಹಕರು ಬಿಎಸ್‌4 ಪೆಟ್ರೋಲ್‌ ಆವೃತ್ತಿಯ ಹ್ಯುಂಡೈ ಗ್ರ್ಯಾಂಡ್‌ ಐ10 ನ್ನು 75,000 ರೂಪಾಯಿಗಳ ರಿಯಾಯಿತಿಯಲ್ಲಿ ಕೊಂಡುಕೊಳ್ಳಬಹುದಾದರೆ, ಡೀಸೆಲ್‌ ಆವೃತ್ತಿಯ ಬಿಎಸ್‌4 ಹ್ಯುಂಡೈ ಗ್ರ್ಯಾಂಡ್‌ ಐ10 ನಿಯೋಸ್‌ನ್ನು 55,000 ರೂಪಾಯಿಗಳ ರಿಯಾಯಿತಿಯಲ್ಲಿ ಆಸಕ್ತದಾಯಕ ಗ್ರಾಹಕರು ಪಡೆದುಕೊಳ್ಳಬಹುದಾಗಿದೆ. ಹ್ಯುಂಡೈ ಈಗಾಗಲೇ ಬಿಎಸ್‌6 ಪೆಟ್ರೋಲ್‌ ಆವೃತ್ತಿಯ ಗ್ರ್ಯಾಂಡ್‌ ಐ10 ನಿಯೋಸ್‌ನ್ನು ಭಾರತದ ವಾಹನ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದ್ದು, ಬಿಎಸ್‌6 ಡೀಸೆಲ್‌ ಗ್ರ್ಯಾಂಡ್‌ ನಿಯೋಸ್‌ನ್ನು ಸದ್ಯದಲ್ಲೇ ವಾಹನ ಮಾರುಕಟ್ಟೆಗೆ ಪರಿಚಯಿಸಬಹುದೆಂದು ಅಂದಾಜಿಸಲಾಗಿದೆ.

ಅಮಿತಾಬ್‌, ದೀಪಿಕಾ ಸೇರಿದಂತೆ ಇಲ್ಲಿದ್ದಾರೆ ಟಾಪ್‌ 10 ಮಿನಿ ಕೂಪರ್‌ ಮಾಲೀಕರು


ಇನ್ನು ಹೆಚ್ಚಿನದಾಗಿ ಹ್ಯುಂಡೈ ಗ್ರಾಹಕರು ಹ್ಯುಂಡೈ ಕ್ಸೆಂಟ್‌ ನ ಪೆಟ್ರೋಲ್‌ ಮತ್ತು ಡೀಸೆಲ್‌ ಆವೃತ್ತಿಗಳ ಮೇಲೂ ಕೂಡ ರಿಯಾಯಿತಿಯನ್ನು ಹೊಂದಬಹುದಾಗಿದೆ. ಸಬ್‌ ಕಾಂಪ್ಯಾಕ್ಟ್‌ ಸೆಡಾನ್‌ ಮಾದರಿಯ ಕಾರಾದ ಹ್ಯುಂಡೈ ಕ್ಸೆಂಟ್‌ನ್ನು ಗ್ರಾಹಕರು 95,000 ರೂಪಾಯಿಗಳ ರಿಯಾಯಿತಿ ದರದಲ್ಲಿ ಖರೀದಿಸಬಹುದಾಗಿದೆ.

2020 Suzuki: ನಿಮ್ಮ ನೆಚ್ಚಿನ ಬಿಎಸ್‌6 ಇನ್ಟ್ರುಡರ್‌ ಬಿಡುಗಡೆ..ಇಲ್ಲಿದೆ ಬೆಲೆ

ದಕ್ಷಿಣ ಕೊರಿಯಾದ ವಾಹನ ತಯಾರಕರಾದ ಹ್ಯುಂಡೈ ತನ್ ಇನ್ನುಳಿದ ಬಿಎಸ್‌4 ಉತ್ಪನ್ನವಾದ ಹ್ಯುಂಡೈ ವೆರ್ನಾ, ಕ್ರೇಟಾ, ಟಕ್ಸನ್‌ ಮತ್ತು ಎಲಾಂಟ್ರಾ ಕಾರುಗಳ ಮೇಲೂ ಕೂಡ ಆಕರ್ಷಕ ಆಫರ್‌ನ್ನು ಕಾಯ್ದಿರಿಸಿದ್ದಾರೆ. ಹ್ಯುಂಡೈ ಗ್ರಾಹಕರು ಪೆಟ್ರೋಲ್‌ ಮತ್ತು ಡೀಸೆಲ್‌ ಆವೃತ್ತಿಯ ಬಿಎಸ್‌4 ಹ್ಯುಂಡೈ ವೆರ್ನಾವನ್ನು 95,000 ರೂಪಾಯಿಗಳ ರಿಯಾಯಿತಿಯಲ್ಲಿ ಹಾಗೂ 1.6 ಲೀಟರ್‌ ಪೆಟ್ರೋಲ್‌ ಮತ್ತು ಡೀಸೆಲ್‌ ಆವೃತ್ತಿಯ ಕ್ರೇಟಾವನ್ನು 1.15 ಲಕ್ಷ ರೂಪಾಯಿಗಳ ಭರ್ಜರಿ ರಿಯಾಯಿತಿಯಲ್ಲಿ ತಮ್ಮದಾಗಿಸಿಕೊಳ್ಳಬಹುದಾಗಿದೆ.


ಹ್ಯುಂಡೈ ಈ ಮೇಲೆ ತನ್ನ ಬಿಎಸ್‌4 ಕಾರುಗಳಿಗೆ ನೀಡಿದ ರಿಯಾಯಿತಿಗಿಂತಲೂ ಪೆಟ್ರೋಲ್‌ ಮತ್ತು ಡೀಸೆಲ್‌ ಆವೃತ್ತಿಯ ಟಕ್ಸನ್‌ ಹಾಗೂ ಎಲಾಂಟ್ರಾ ದ ಮೇಲೆ ಹೆಚ್ಚಿನ ರಿಯಾಯಿತಿಯನ್ನು ಕಾಯ್ದಿರಿಸಿದೆ. ಈ ಎರಡೂ ಬಿಎಸ್‌4 ಪೆಟ್ರೋಲ್‌ ಮತ್ತು ಡೀಸೆಲ್‌ ಆವೃತ್ತಿಯ ಕಾರುಗಳನ್ನು ಬರೋಬ್ಬರಿ 2.5 ಲಕ್ಷ ರೂಪಾಯಿಗಳ ಅತ್ಯಾಕರ್ಷಕ ರಿಯಾಯಿತಿಯಲ್ಲಿ ಕೊಂಡುಕೊಳ್ಳಬಹುದಾಗಿದೆ.

'ಪವರ್‌ ಸ್ಟಾರ್‌' ಬಳಿನೂ ಇದೆ ಪವರ್‌ಫುಲ್‌ ಕಾರು, ಬೈಕುಗಳು

ಹ್ಯುಂಡೈ ಡೀಸೆಲ್‌ ಮತ್ತು ಪೆಟ್ರೋಲ್‌ ಆವೃತ್ತಿಯ ಮ್ಯಾಗ್ನಾವನ್ನು 45,000 ರೂಪಾಯಿಗಳ ರಿಯಾಯಿತಿಯಲ್ಲಿ ಮತ್ತು ಸ್ಪೋರ್ಟ್ಸ್‌ ಆವೃತ್ತಿಯನ್ನು 65,000 ರೂಪಾಯಿಗಳಲ್ಲಿ ಕೂಡ ಖರೀದಿಸಬಹುದಾಗಿದೆ. ಹ್ಯುಂಡೈ ನ ಈ ಎಲ್ಲಾ ಬಿಎಸ್‌4 ಕಾರುಗಳ ಮೇಲೆ ನೀಡಲಾದ ರಿಯಾಯಿತಿಯನ್ನು ದೇಶದ ಮೂಲೆಮೂಲೆಯಲ್ಲಿರುವ ಹ್ಯುಂಡೈ ವಿತರಕರುಗಳಿಂದ ಗ್ರಾಹಕರು ಪಡೆದುಕೊಳ್ಳಬಹುದಾಗಿದೆ.