ಏಪ್ರಿಲ್‌ನಿಂದ ಕಾರು ದುಬಾರಿ

ಪ್ರಮುಖ ಕಾರು ಉತ್ಪಾದಕ ಕಂಪನಿಗಳಾದ ನಿಸ್ಸಾನ್‌ ಮತ್ತು ದಟ್ಸನ್‌ ಏಪ್ರಿಲ್‌ ಒಂದರಿಂದ ಜಾರಿಗೆ ಬರುವಂತೆ ಕಾರಿನ ಬೆಲೆಯಲ್ಲಿ ಶೇ. 2ರಷ್ಟು ಹೆಚ್ಚಳ ಮಾಡಿದೆ. ನಿಸ್ಸಾನ್‌ ಪ್ರಸಕ್ತ ಭಾರತದಲ್ಲಿ ಮಿಕ್ರಾ, ಸನ್ನೀ ಮತ್ತು ಟೆರಾನೊವನ್ನು ಮಾರಾಟ ಮಾಡುತ್ತಿದ್ದರೆ, ದಟ್ಸನ್‌ ಗೋ ಮತ್ತು ಗೋ ಪ್ಲಸ್‌, ರೆಡಿ ಗೋವನ್ನು ಮಾರಾಟ ಮಾಡುತ್ತಿದೆ. ಈಗಾಗಲೇ ಟಾಟಾ ಮೋಟಾರ್ಸ್‌ ಮತ್ತು ಆಡಿ ಕಾರುಗಳ ಬೆಲೆ ಏರಿಕೆಯನ್ನು ಘೋಷಿಸಿರುವ ಹಿನ್ನೆಲೆಯಲ್ಲಿ ಈ ಕಂಪನಿಗಳು ಬೆಲೆಯೇರಿಕೆ ಮಾಡಿವೆ. ಇದಕ್ಕೆ ಮೊದಲು ಮೂರು ತಿಂಗಳ ಹಿಂದೆ ಇವರೆಡೂ ಕಂಪನಿಗಳು ಮಾದರಿಯನ್ನು ಅವಲಂಬಿಸಿ ಕಾರಿನ ಬೆಲೆಯಲ್ಲಿ 15,000 ರೂ. ಏರಿಕೆ ಮಾಡಿತ್ತು.