Smart Helmet: ಹೆಲ್ಮೆಟ್‌ಗೂ ಬಂತು ಸ್ಮಾರ್ಟ್‌ ಫೋನ್‌, ಬ್ಲ್ಯೂಟೂತ್‌ ಸಂಪರ್ಕ

ತಾಂತ್ರಿಕವಾಗಿ ಅಭಿವೃದ್ಧಿ ಹೊಂದುತ್ತಿರುವ ಈ ಆಧುನಿಕ ಜಗತ್ತಿಗೆ ಸರಿಹೊಂದುವಂತಹ ಮೋಟಾರ್‌ ಸೈಕಲ್‌ಗಳನ್ನು, ಕಾರುಗಳನ್ನು ವಾಹನ ಸಂಸ್ಥೆಗಳು ಪರಿಚಯಿಸುತ್ತಾ ಬಂದಿದ್ದು, ಇದೀಗ ಫ್ರೆಂಚ್‌ ಸ್ಟಾರ್ಟ್‌ಪ್‌ ಆದ ಟಾಲಿಯು 'ಸ್ಮಾರ್ಟ್‌ ಹೆಲ್ಮೆಟ್‌'ನ್ನು ವಾಹನ ಮಾರುಕಟ್ಟೆಗೆ ಪರಿಚಯಿಸಲು ನಿರ್ಧರಿಸಿದೆ. ಈ ಹೆಲ್ಮೆಟ್‌ಗಳು ಸ್ಮಾರ್ಟ್‌ಫೋನ್‌ಗಳ ಸಂಪರ್ಕದೊಂದಿಗೆ ಕಾರ್ಯ ನಿರ್ವಹಿಸುವ ಅಭೂತಪೂರ್ವ ವೈಶಿಷ್ಟ್ಯತೆಯನ್ನು ಒಳಗೊಂಡಿದೆ.

Kawasaki: ಝಡ್‌ 650, ಬಿಎಸ್4 ಮೋಟಾರ್‌ ಸೈಕಲ್‌ಗಳ ಮೇಲೆ ಆಕರ್ಷಕ ರಿಯಾಯಿತಿ
ಸುರಕ್ಷತೆಯ ಚಾಲನೆಗಾಗಿ ಬಿಎಂಡಬ್ಲ್ಯೂ ಸ್ವಯಂ ಚಾಲಿತ ಮೋಟಾರ್‌ ಸೈಕಲ್‌ನ್ನು ಈಗಾಗಲೇ ವಾಹನ ಮಾರುಕಟ್ಟೆಗೆ ಪರಿಚಯಿಸಿದ್ದು, ಮತ್ತು ಕವಾಸಕಿಯು ರಾಡರ್‌ ವ್ಯವಸ್ಥೆಯನ್ನು ಅಭಿವೃದ್ಧಿಗೊಳಿಸುತ್ತಿರುವುದರ ಬೆನ್ನಿನಲ್ಲೇ ಆಟೋ ಯುಗಕ್ಕೆ ಟಾಲಿಯು ಸ್ಮಾರ್ಟ್‌ ಹೆಲ್ಮೆಟ್‌ ಪರಿಕಲ್ಪನೆಯನ್ನು ಪರಿಚಯಿಸಿದೆ.


ಸ್ಮಾರ್ಟ್‌ ವಾಹನ ಪ್ರಿಯರ ಅಭಿರುಚಿಗೆ ತಕ್ಕಂತೆ ಈ ಸ್ಮಾರ್ಟ್‌ ಹೆಲ್ಮೆಟ್‌ ಪರಿಕಲ್ಪನೆಯನ್ನು ಅಭಿವೃದ್ಧಿ ಪಡಿಸಲಾಗಿದ್ದು, ಈ ಸ್ಮಾರ್ಟ್‌ ಹೆಲ್ಮೆಟ್‌ ರೈಡರ್‌ಗಳ ಸ್ಮಾರ್ಟ್‌ಫೋನ್‌ ಸಂಪರ್ಕವನ್ನು, ಬ್ಲ್ಯೂಟೂತ್‌ ಸಂಪರ್ಕವನ್ನು, ಧ್ವನಿ ಆಜ್ಞೆಗಳನ್ನು, ಕರೆ ನಿರ್ವಹಣೆ, ನ್ಯಾವಿಗೇಷನ್‌, ಮ್ಯೂಸಿಕ್‌ ಸ್ಟ್ರೀಮಿಂಗ್‌ ಮತ್ತು ನಿಫ್ಟಿ ಫೋಟೋಕ್ರೋಮಿಕ್‌ ವಿಸರ್‌ನ್ನೂ ಕೂಡ ಒಳಗೊಂಡಿದೆ.

ಇದಿಷ್ಟು ವೈಶಿಷ್ಟ್ಯತೆಯನ್ನು ಮಾತ್ರವಲ್ಲದೇ ಈ ಸ್ಮಾರ್ಟ್ ಹೆಲ್ಮೆಟ್‌ಗಳು ಅಪಘಾತ ಸಂಭವಿಸುವ ಸಂದರ್ಭದಲ್ಲಿ ಅಪಘಾತದ ಸೂಚನೆಯನ್ನು ಚಾಲಕರಿಗೆ ನೀಡುವ ವಿಶೇಷ ವೈಶಿಷ್ಟ್ಯತೆಯನ್ನು ಹೊಂದಿದೆ ಮತ್ತು ಈ ಹೆಲ್ಮೆಟ್‌ಗಳು ಒಂದು ವೇಳೆ ಕಳ್ಳತನವಾದಲ್ಲಿ ಹೆಲ್ಮೆಟ್‌ನ್ನು ಟ್ರ್ಯಾಕ್‌ ಮಾಡುವುದರ ಮೂಲಕ ಮತ್ತೆ ಪುನಃ ಚಾಲಕರು ತಮ್ಮ ಹೆಲ್ಮೇಟ್‌ಗಳನ್ನು ಹಿಂಪಡೆಯಬಹುದಾಗಿದೆ.


2020 Auto Expo: ಪ್ರದರ್ಶನಕ್ಕೆ ಸಜ್ಜಾದ 11 ವಾಹನ ಬ್ರ್ಯಾಂಡ್‌ಗಳು
ಅಭೂತಪೂರ್ಣ ವೈಶಿಷ್ಟ್ಯತೆಗಳನ್ನು ಈ ಟಾಲಿ ಸ್ಮಾರ್ಟ್‌ ಹೆಲ್ಮೆಟ್‌ಗಳು ಪಡೆದಿರುವುದು ಮಾತ್ರವಲ್ಲದೇ ಇದು ನೋಡಲು ಕೂಡ ಆಕರ್ಷಕವಾಗಿದೆ. ಈ ಹೆಲ್ಮೆಟ್‌ಗಳನ್ನು ಎಲ್‌ಇಡಿ ಲೈಟ್‌ಗಳಿಂದ ವಿನ್ಯಾಸಗೊಳಿಸಲಾಗಿದ್ದು, ಈ ಹೆಲ್ಮೆಟ್‌ಗಳ ಸುತ್ತಲೂ ನಾವು ಎಲ್‌ಇಡಿ ಲೈಟ್‌ಗಳನ್ನು ಗಮನಿಸಬಹುದಾಗಿದೆ.


ಈ ಸ್ಮಾರ್ಟ್‌ ಹೆಲ್ಮೆಟ್‌ಗಳಲ್ಲಿನ ಎಲ್‌ಇಡಿ ಲೈಟ್‌ಗಳು ಬೈಕ್‌ನ ಟರ್ನ್‌ ಲೈಟ್‌ಗಳಿಗೆ ಮತ್ತು ಬ್ರೇಕ್‌ಗಳಿಗೆ ಹೊಂದಿಕೊಂಡಿರುತ್ತದೆ. ಒಂದು ವೇಳೆ ಬೈಕ್‌ ರೈಡರ್‌ಗಳು ಬ್ರೇಕ್‌ನ್ನು ಹಿಡಿದಾಗ ಸ್ಮಾರ್ಟ್‌ ಹೆಲ್ಮೆಟ್‌ನ ಹಿಂಭಾಗದ ಎಲ್‌ಇಡಿ ಲೈಟ್‌ಗಳು ಬೆಳಕನ್ನು ಬೀರಲು ಆರಂಭಿಸುತ್ತದೆ ಹಾಗೂ ಬೈಕ್‌ ರೈಡರ್‌ಗಳು ಟರ್ನ್‌ ಸೂಚಕಗಳನ್ನು ಬಳಿಸಿದಾಗೆಲ್ಲಾ ಹೆಲ್ಮೆಟ್‌ನ ಹಳದಿ ಎಲ್‌ಇಡಿ ಲೈಟ್‌ಗಳು ಮಿನುಗಲು ಆರಂಭಿಸುತ್ತದೆ. ಇದರಿಂದ ಅಪಘಾತವಾಗುವಿಕೆಯನ್ನು ನಿಯಂತ್ರಿಸಬಹುದಾಗಿದೆ.

Honda Activa BS6 6G: 63,912 ರೂಪಾಯಿಗಳಿಂದ ಬಿಡುಗಡೆಗೊಂಡ ಹೋಂಡಾದ ಮೂರನೇ ಬಿಎಸ್‌6 ಸ್ಕೂಟರ್

ಫ್ರೆಂಚ್‌ ಸ್ಟಾರ್ಟ್‌ಪ್‌ ಟಾಲಿ ಸಂಸ್ಥೆಯು ಈ ಸ್ಮಾರ್ಟ್‌ ಹೆಲ್ಮೆಟ್‌ನ್ನು ಅಭಿವೃದ್ಧಿಪಡಿಸುವ ಕಾರ್ಯದಲ್ಲಿದ್ದು, ತನ್ನ ಸ್ಮಾರ್ಟ್‌ ಹೆಲ್ಮೆಟ್‌ನ್ನು 2020ರ ಅಂತ್ಯದೊಳಗೆ ವಾಹನ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಿದೆ. ಈ ಹೆಲ್ಮೆಟ್‌ಗಳು ಸುಮಾರು 85, 282 ರೂಪಾಯಿಗಳನ್ನು ಪಡೆಯಬಹುದೆಂದು ಅಂದಾಜಿಸಲಾಗಿದೆ.