Google Maps: ಇವಿ ಚಾರ್ಜಿಂಗ್‌ ಕೇಂದ್ರಗಳ ಹುಡುಕಾಟ ಇನ್ನು ಸುಲಭ.

ಒಂದೆಡೆ ವಾಹನ ತಯಾರಕ ಕಂಪೆನಿಗಳು ಸರ್ಕಾರದ ಬಿಎಸ್‌6 ನಿಬಂಧನೆಗೆ ಅನುಗುಣವಾಗಿ ವಾಹನಗಳನ್ನು ಉತ್ಪಾದಿಸಿ ವಾಹನ ಮಾರುಕಟ್ಟೆಗೆ ಪರಿಚಯಿಸುತ್ತಿದ್ದಂತೆ ಇನ್ನೊಂದೆಡೆ ವಾಹನ ತಯಾರಕ ಕಂಪೆನಿಗಳು ಎಲೆಕ್ಟ್ರಿಕ್‌ ವಾಹನಗಳನ್ನು ಮಾರುಕಟ್ಟೆಗೆ ಒಂದರ ಹಿಂದೆ ಇನ್ನೊಂದರಂತೆ ಪರಿಚಯಿಸಲು ಆರಂಭಿಸಿದೆ. ಆದರೆ ಒಂದುವೇಳೆ ಚಾಲನೆಯಲ್ಲಿ ಚಾರ್ಜ್‌ ಖಾಲಿಯಾದಾಗ ಎಲ್ಲಿ, ಹೇಗೆ ಚಾರ್ಜ್ ಮಾಡಬೇಕೆನ್ನುವ ಗೊಂದಲ ಸರ್ವೇ ಸಾಮಾನ್ಯವಾಗಿ ಗ್ರಾಹಕರನ್ನು ಕಾಡತೊಡಗಿದೆ.

ನಾವು ತಲುಪಬೇಕಾದ ಸ್ಥಳಕ್ಕೆ ಸುರಕ್ಷಿತ ಮಾರ್ಗವನ್ನು ಸೂಚಿಸುತ್ತಿದ್ದ ಗೂಗಲ್‌ ಮ್ಯಾಪ್‌ ಇನ್ನು ಮುಂದೆ ಎಲೆಕ್ಟ್ರಿಕ್‌ ವಾಹನ ಚಾಲಕರ ಗೊಂದಲವನ್ನು ನಿವಾರಿಸಲು ಎಲೆಕ್ಟ್ರಿಕ್‌ ಚಾರ್ಜಿಂಗ್‌ ಕೇಂದ್ರಗಳನ್ನು ಕೂಡ ತೋರಿಸಲಿದೆ. ಎಲೆಕ್ಟ್ರಿಕ್‌ ವಾಹನ ಚಾಲಕರು ತಮ್ಮ ವಾಹನಗಳಿಗೆ ಚಾರ್ಜ್‌ ಮಾಡಲು ಚಾರ್ಜಿಂಗ್‌ ಕೇಂದ್ರಗಳನ್ನು ಗೂಗಲ್‌ ಮ್ಯಾಪ್‌ನ ಮೂಲಕ ಕಂಡುಕೊಳ್ಳಬಹುದಾಗಿದೆ.

Yamaha EC-05: 2020ಕ್ಕೆ ಭಾರತವನ್ನು ಪ್ರವೇಶಿಸುತ್ತಾ ಎಲೆಕ್ಟ್ರಿಕ್‌ ಸ್ಕೂಟರ್‌..? ಹೇಗಿದೆ ಗೊತ್ತಾ ವೈಶಿಷ್ಟ್ಯ..?
ಕೇವಲ ಚಾರ್ಜಿಂಗ್‌ ಕೇಂದ್ರಗಳನ್ನು ಮಾತ್ರವಲ್ಲದೇ ಗೂಗಲ್‌ ಮ್ಯಾಪ್‌ಗಳು ವಿದ್ಯುತ್‌ ವಾಹನ ಚಾಲಕರಿಗೆ ತಾವಿದ್ದ ಸ್ಥಳದ ಹತ್ತಿರದಲ್ಲಿರುವ ಚಾರ್ಜಿಂಗ್‌ ಕೇಂದ್ರಗಳಲ್ಲಿ ಚಾರ್ಜಿಂಗ್‌ ವ್ಯವಸ್ಥೆಗಳು ಲಭ್ಯವಿದೆಯೇ..? ಯಾವ ಎಲೆಕ್ಟ್ರಿಕ್‌ ವಾಹನಗಳಿಗೆ ಯಾವ ಚಾರ್ಜಿಂಗ್‌ ಪ್ಲಗ್‌ಗಳು ಲಭ್ಯವಿದೆ ಎನ್ನುವುದರ ಕುರಿತು ಸಂಪೂರ್ಣ ಮಾಹಿತಿಯನ್ನು ಕೆಲವೇ ಸೆಕೆಂಡುಗಳಲ್ಲಿ ಚಾಲಕರಿಗೆ ನಿಡುತ್ತದೆ. ಗೂಗಲ್‌ ಮ್ಯಾಪ್‌ ಅಪ್ಲಿಕೇಶನ್‌ನಲ್ಲಿ ನಾನಿರುವ ಸ್ಥಳಕ್ಕೆ ತುಂಬಾ ಹತ್ತಿರದ ಎಲೆಕ್ಟ್ರಿಕ್‌ ಚಾರ್ಜಿಂಗ್‌ ಕೇಂದ್ರವನ್ನು ತೋರಿಸು ಎಂದಾಕ್ಷಣ ಗೂಗಲ್‌ ಮ್ಯಾಪ್‌ ಅಪ್ಲಿಕೇಶನ್‌ ಚಾರ್ಜಿಂಗ್‌ ಕೇಂದ್ರದ ಮಾಹಿತಿಯನ್ನು ನೀಡುತ್ತದೆ.


ಎಲೆಕ್ಟ್ರಿಕ್‌ ವಾಹನಗಳಿಗೆ ಅವಶ್ಯವಿರುವ ಗೂಗಲ್‌ ಮ್ಯಾಪ್‌ ವ್ಯವಸ್ಥೆಯನ್ನು ಸದ್ಯಕ್ಕೆ ಅಮೆರಿಕಾದಲ್ಲಿ ಮತ್ತು ಇಂಗ್ಲೆಂಡ್‌ನಲ್ಲಿ ಮಾತ್ರ ಎಲೆಕ್ಟ್ರಿಕ್‌ ವಾಹನ ಚಾಲಕರು ಪಡೆಯಬಹುದಾಗಿದ್ದು ಆದಷ್ಟು ಬೇಗ ಭಾರತಕ್ಕೂ ಕೂಡ ಈ ವ್ಯವಸ್ಥೆ ಬರಲಿದೆ. ಇನ್ನು ಈ ನೂತನ ಅಪ್ಲಿಕೇಶನ್‌ನಲ್ಲಿ ಸೂಕ್ತವಾದ ಪ್ಲಗ್‌ಗಳಿಗಾಗಿ ಸರ್ಚ್‌ ಬಾಕ್ಸ್‌ನ್ನು ಫಿಲ್ಟರ್‌ ಮಾಡಬಹುದಾಗಿದೆ. ಅಷ್ಟೇ ಅಲ್ಲದೇ ಎಲೆಕ್ಟ್ರಿಕ್‌ ವಾಹನ ಮಾಲೀಕರು ತಮ್ಮ ಗೂಗಲ್‌ ಮ್ಯಾಪ್‌ ಅಪ್ಲಿಕೇಶನ್‌ನಲ್ಲಿರುವ ಸೆಟ್ಟಿಂಗ್‌ ಮೆನುವಿನಲ್ಲಿರುವ ಎಲೆಕ್ಟ್ರಿಕ್‌ ವಾಹನ ಸೆಟ್ಟಿಂಗ್‌ ಉಪ ಮೆನುವಿನಲ್ಲಿ ನಮಗೆ ಬೇಕಾದ ಪ್ಲಗ್‌ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ.

Kia Carnival MPV: ಅಧಿಕೃತ ಟೀಸರ್‌ನಲ್ಲಿ ಕಾಣಿಸಿಕೊಂಡ ನಟ ಜಿಮ್‌ ಸರ್ಭ್
ಗೂಗಲ್‌ ಮ್ಯಾಪ್‌ ಅಪ್ಲಿಕೇಶನ್‌ ಎಲೆಕ್ಟ್ರಿಕ್‌ ವಾಹನ ಚಾಲಕರಿಗೆ ಸಿಸಿಎಸ್‌ ಕಾಂಬೋ 1 ಹಾಗೂ ಸಿಸಿಎಸ್‌ ಕಾಂಬೋ 2 ರಂತಹ ಡಿಸಿ ಚಾರ್ಜಿಂಗ್‌ ಮಾನದಂಡಗಳು ಸೇರಿದಂತೆ ಅಂಗೀಕರಿಸಲಾದ ಚಾರ್ಜಿಂಗ್‌ ಪ್ಲಗ್‌ಗಳನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವನ್ನು ಕೂಡ ಇದರಲ್ಲಿ ಒದಗಿಸಿದೆ.

ಗೂಗಲ್‌ ಮ್ಯಾಪ್‌ನಿಂದ ಚಾರ್ಜಿಂಗ್‌ ಕೇಂದ್ರಗಳನ್ನು ಹುಡುಕಲು ಕಲ್ಪಿಸಿರುವ ಈ ಸೌಲಭ್ಯವು ಎಲೆಕ್ಟ್ರಿಕ್‌ ವಾಹನ ಮಾಲೀಕರಿಗೆ ಸೇರಿದಂತೆ ಮುಂದಿನ ದಿನಗಳಲ್ಲಿ ಎಲೆಕ್ಟ್ರಿಕ್‌ ಮೋಟಾರ್‌ ಸೈಕಲ್‌ಗಳನ್ನು ಮತ್ತು ಎಲೆಕ್ಟ್ರಿಕ್‌ ಕಾರುಗಳನ್ನು ಖರೀದಿಸುವ ಗ್ರಾಹಕರಿಗೆ ಹೆಚ್ಚು ಸಹಕಾರಿಯಾಗಿದೆ. ಎಲೆಕ್ಟ್ರಿಕ್‌ ವಾಹನ ಯುಗದಲ್ಲಿ ಗೂಗಲ್‌ ಮ್ಯಾಪ್‌ ಚಾಲಕರ ಅಮೂಲ್ಯ ಸಮಯವನ್ನು ಮತ್ತು ಹಣವನ್ನು ಉಳಿಸಲಿದೆ.