ಹೋಂಡಾ CB190X ಅಡ್ವೆಂಚರ್ ಟೂರರ್ ಬೈಕ್ ಅನಾವರಣ

ಹೊಸದಿಲ್ಲಿ: ಜಪಾನ್ ಮೂಲದ ಪ್ರಖ್ಯಾತ ದ್ವಿಚಕ್ರ ವಾಹನ ಸಂಸ್ಥೆ ಹೋಂಡಾ, ನೆರೆಯ ಚೀನಾದಲ್ಲಿ ಅತಿ ನೂತನ CB190X ಅಡ್ವೆಂಚರ್ ಟೂರರ್ ಬೈಕ್ ಅನಾವರಣಗೊಳಿಸಿದೆ.

ಚೀನಾದಲ್ಲಿ ಅನಾವರಣಗೊಂಡಿರುವ ಬೈಕ್ ಸುದ್ದಿ ಭಾರತೀಯ ವಾಹನ ಪ್ರೇಮಿಗಳಲ್ಲಿ ಹೇಗೆ ಮಹತ್ವ ಗಿಟ್ಟಿಸಿಕೊಳ್ಳುತ್ತದೆ ಎಂಬ ಶಂಕೆ ನಿಮ್ಮಲ್ಲೂ ಮೂಡಬಹುದು. ವಿಷಯ ಏನೆಂದೆರ ಸಿಬಿ190ಎಕ್ಸ್ ತಳಹದಿಯಲ್ಲೇ 200ಸಿಸಿ ಒಳಗಡೆ ಸಾಹಸಿ ಪ್ರವಾಸಿ ಬೈಕ್ ಭಾರತದಲ್ಲೂ ಪರಿಚಯಿಸುವ ಯೋಜನೆ ಸಂಸ್ಥೆಯದ್ದಾಗಿದೆ.

ಇದು ಹೋಂಡಾ ಸಂಸ್ಥೆಯಿಂದ ಅನಾವರಣಗೊಂಡಿರುವ ಕಡಿಮೆ ಸಾಮರ್ಥ್ಯದ ಅಡ್ವೆಂಚರ್ ಟೂರರ್ ಬೈಕಾಗಿದೆ. ಇದನ್ನು CB190R ಸ್ಟ್ರೀಟ್ ಬೈಕ್ ತಳಹದಿಯಲ್ಲಿ ನಿರ್ಮಿಸಲಾಗಿದೆ.

ದೊಡ್ಡದಾದ ವಿಂಡ್ ಸ್ಕ್ರೀನ್, ಮಡ್ ಗಾರ್ಡ್, ಹ್ಯಾಂಡ್ ಗಾರ್ಡ್, ಲಾಂಗ್ ಟ್ರಾವೆಲ್ ಸಸ್ಪೆನ್ಷನ್, ಅಡ್ವೆಂಚರ್ ಸಾನಿಧ್ಯ, ಯುಎಸ್‌ಡಿ ಫಾರ್ಕ್, ಟೆಲಿಸ್ಕಾಪಿಕ್ ಫ್ರಂಟ್ ಫಾರ್ಕ್, ಅಲ್ಯೂಮಿನಿಯಂ ರಿಯರ್ ರ‍್ಯಾಕ್ ಇತ್ಯಾದಿ ವೈಶಿಷ್ಟ್ಯಗಳು ಕಂಡುಬರಲಿದೆ.

ಎಂಜಿನ್
184 ಸಿಸಿ ಏರ್ ಕೂಲ್ಡ್ ಫ್ಯೂಯಲ್ ಇಂಜೆಕ್ಟಡ್ ಸಿಂಗಲ್ ಸಿಲಿಂಡರ್,
15.9PS at 8,000rpm,
15Nm of torque at 7,000rpm
ಗೇರ್ ಬಾಕ್ಸ್: ಫೈವ್ ಸ್ಪೀಡ್

ಹಾಗಿದ್ದರೂ ಸದ್ಯಕ್ಕಂತೂ ಈ ಬಹುನಿರೀಕ್ಷಿತ ಬೈಕನ್ನು ಭಾರತಕ್ಕೆ ಪರಿಚಯಿಸುವ ಯೋಜನೆಯನ್ನು ಹೋಂಡಾ ಹೊಂದಿಲ್ಲ. ಆದರೂ ನಿಕಟ ಭವಿಷ್ಯದಲ್ಲೇ ಪರಿಚಯಿಸಿದರೂ ಅಚ್ಚರಿಪಡಬೇಕಿಲ್ಲ.