Honda CBR300R ಭರ್ಜರಿ ಎಂಟ್ರಿ

ಹೊಸದಿಲ್ಲಿ: ಭಾರತದ ಮುಂಚೂಣಿಯ ದ್ವಿಚಕ್ರ ವಾಹನ ಸಂಸ್ಥೆ ಹೋಂಡಾ ಮೋಟಾರ್‌ಸೈಕಲ್ ಆ್ಯಂಡ್ ಸ್ಕೂಟರ್ ಇಂಡಿಯಾ (ಎಚ್‌ಎಂಎಸ್‌ಐ) ಸಂಸ್ಥೆಯು, ದೇಶದಲ್ಲಿ ಅತಿ ನೂತನ ಸಿಬಿಆರ್300ಆರ್ ಬೈಕ್ ಬಿಡುಗಡೆಗೊಳಿಸಿದೆ.

ಈ ಮೂಲಕ ಪ್ರಯಾಣಿಕ ಸೇರಿದಂತೆ ಪ್ರೀಮಿಯಂ ಬೈಕ್‌ಗಳ ಸಾಲಿನಲ್ಲೂ ತನ್ನ ಛಾಪು ಒತ್ತಿದೆ.

ಬೆಲೆ: 2.41 ಲಕ್ಷ ರೂ. (ಎಕ್ಸ್ ಶೋ ರೂಂ)

ಸಿಬಿ1000ಆರ್ ಕ್ರೀಡಾ ಬೈಕ್‌ನಿಂದ ಪ್ರೇರಣೆ ಪಡೆದು ನೂತನ ಮಿಡ್ಲ್-ವೇಟ್ ವಿಭಾಗದ ನಿಯೋ ಸ್ಪೋರ್ಟ್ಸ್ ಕೆಫೆ ಬೈಕ್ ಅಭಿವೃದ್ದಿಪಡಿಸಲಾಗಿದೆ.

ನೂತನ ಸಿಬಿಆರ್300ಆರ್ ಬೈಕ್, 41ಎಂಎಂ ಯುಎಸ್‌ಡಿ ಫಾರ್ಕ್ ಜತೆ ಐದು ಸ್ಟೇಜ್ ಪ್ರಿಲೋಡ್, ಸಂಪೂರ್ಣ ಎಲ್‌ಇಡಿ ಲೈಟ್ಸ್, ಇಂಡಿಕೇಟರ್, ಐಎಂಯು ತಳಹದಿಯ ಎರಡು ಚಾನೆಲ್ ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ ಮತ್ತು ಎಲ್‌ಇಡಿ ಇನ್ಸ್ಟ್ರುಮೆಂಟ್ ಡಿಸ್‌ಪ್ಲೇ ಪಡೆದಿದೆ.

ಈ ವಿಭಾಗದಲ್ಲಿ ಅತಿ ಹಗುರ ಭಾರದ ಕ್ರೀಡಾ ಬೈಕ್ ಇದಾಗಿದೆ. ಹಾಗೆಯೇ ಕಂಪ್ಲೀಟ್ ನೌಕ್ಡ್ ಡೌನ್ (ಸಿಕೆಡಿ) ಸಿದ್ಧಾಂತದ ಮುಖಾಂತರ ದೇಶವನ್ನು ತಲುಪಲಿದೆ.

ಇದರಲ್ಲಿರುವ 286 ಸಿಸಿ ಲಿಕ್ವಿಡ್ ಕೂಲ್ಡ್ ಡಿಒಎಚ್‌ಸಿ ಸಿಂಗಲ್ ಸಿಲಿಂಡರ್ ಎಂಜಿನ್ 27 ಎನ್‌ಎಂ ತಿರುಗುಬಲದಲ್ಲಿ 30.9 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.