Hyundai Venue: 6.5 ಲಕ್ಷ ರೂ. ಆರಂಭಿಕ ಬೆಲೆಯಿಂದ ಲಭ್ಯ

ಹುಂಡೈಯ ಬಹುನಿರೀಕ್ಷಿತ ಕಾಂಪ್ಯಾಕ್ಟ್ ಎಸ್‌ಯುವಿ ಹುಂಡೈ ವೆನ್ಯೂ ದೇಶದಲ್ಲಿ ಮಂಗಳವಾರ ಬಿಡುಗಡೆಯಾಗಿದ್ದು, 6.5 ಲಕ್ಷ ರೂ.ನಿಂದ 11.1 ಲಕ್ಷ ರೂ.ವರೆಗೆ (ಎಕ್ಸ್ ಶೋರೂಂ ದಿಲ್ಲಿ) ದರ ಹೊಂದಿದೆ.

ಹುಂಡೈಯ ಜನಪ್ರಿಯ ಕ್ರೇಟಾಗಿಂತ ಕಡಿಮೆ ಬೆಲೆ ಹೊಂದಿರುವ ಹುಂಡೈ ವೆನ್ಯೂ, 1 ಲೀ. ಟರ್ಬೊ, 1.2 ಲೀ. ಪೆಟ್ರೋಲ್ ಮತ್ತು 1.4 ಲೀ. ಡೀಸೆಲ್ ಎಂಬ ಮೂರು ಮಾದರಿಯ ಇಂಜಿನ್ ಹೊಂದಿದೆ.

ಪೆಟ್ರೋಲ್ ಆವೃತ್ತಿ 6.5 ಲಕ್ಷ ರೂ.ನಿಂದ 11.1 ಲಕ್ಷ ರೂ. ವರೆಗೆ ಮತ್ತು ಡೀಸೆಲ್ ಇಂಜಿನ್ 7.75 ಲಕ್ಷ ರೂ.ನಿಂದ 10.84 ಲಕ್ಷ ರೂ. ಬೆಲೆ ಹೊಂದಿದೆ.
ಮಾರುತಿ ವಿತರಾ ಬ್ರೀಜಾ, ಟಾಟಾ ನೆಕ್ಸಾನ್, ಫೋರ್ಡ್‌ ಇಕೋಸ್ಪೋರ್ಟ್‌, ಮಹೀಂದ್ರಾ ಎಕ್ಸ್‌ಯುವಿ300 ಗೆ ನೇರ ಸ್ಪರ್ಧೆ ಒಡ್ಡಲಿರುವ ಹುಂಡೈ ವೆನ್ಯೂ, ಕನೆಕ್ಟೆಡ್ ಕಾರ್ ಫೀಚರ್ ಒಳಗೊಂಡಿದೆ.


ಆರು ಆರ್‌ಬ್ಯಾಗ್, ಆಟೋ ಡೋರ್ ಲಾಕ್, ಎಲೆಕ್ಟ್ರಿಕ್ ಸನ್‌ರೂಫ್, ಕ್ರೂಸ್ ಕಂಟ್ರೋಲ್‌ನಂತಹ ಆಕರ್ಷಕ ಮತ್ತು ಸುರಕ್ಷತಾ ಅಂಶಗಳನ್ನು ವೆನ್ಯೂ ಹೊಂದಿದೆ.

ಹುಂಡೈ ಪ್ರಕಾರ ವೆನ್ಯೂ ಪ್ರತಿ ಲೀ.ಗೆ 18.27 km ಮೈಲೇಜ್ ನೀಡುತ್ತಿದ್ದು, ಮತ್ತು 1.4 ಲೀ. ಡೀಸೆಲ್ ಇಂಜಿನ್ 23.7 km ಮೈಲೇಜ್ ನೀಡುತ್ತದೆ ಎಂದು ಹೇಳಿದೆ.