15.3 ಲಕ್ಷ ಬೆಲೆ ಬಾಳುವ ಕವಾಸಕಿ Z900RS ಬೈಕ್ ಬಿಡುಗಡೆ

ಹೊಸದಿಲ್ಲಿ: ಜಪಾನ್ ಮೂಲದ ಐಕಾನಿಕ್ ದ್ವಿಚಕ್ರ ವಾಹನ ಸಂಸ್ಥೆ ಇಂಡಿಯಾ ಕವಾಸಕಿ ಮೋಟಾರ್ಸ್ (ಐಕೆಎಂ) ಸಂಸ್ಥೆಯು ಅತಿ ನೂತನ ಝಡ್900ಆರ್‌ಎಸ್ ಮಾದರಿಯನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ.

ಬೆಲೆ: 15.3 ಲಕ್ಷ ರೂ. (ಎಕ್ಸ್ ಶೋ ರೂಂ)

ನೂತನ ಕವಾಸಕಿ ಝಡ್900ಆರ್‌ಎಸ್ ರೆಟ್ರೊ-ಮಾರ್ಡನ್ ಶೈಲಿಯ ಬೈಕ್, ಲಗ್ಷುರಿ ಬೈಕ್ ಖರೀದಿಗಾರರನ್ನು ಮನ ಸೆಳೆಯಲಿದೆ.

ಇದು 1970ರ ದಶಕದ ನೈಜ ಝಡ್1 ಮತ್ತು ಆಧುನಿಕ ಝಡ್900 ಬೈಕ್‌ಗಳ ಸಂಯೋಜನೆಯಾಗಿದೆ.

ಕವಾಸಕಿ ಕ್ಲಾಸಿಕ್ ಬೈಕ್ ಪ್ರೇಮಿಗಳಿಗೆ ನೂತನ ಅನುಭವ ನೀಡಲಿದೆ. ಇದರಲ್ಲಿ ಅತ್ಯಂತ ಶಕ್ತಿಶಾಲಿ 900 ಸಿಸಿ ಇನ್ ಲೈನ್ ಫೋರ್ ಸಿಲಿಂಡರ್ ಎಂಜಿನ್ ಬಳಕೆ ಮಾಡಲಾಗಿದೆ.

ಕ್ರೀಡಾತ್ಮಕ ಕ್ಲಾಸಿಕ್ ಶೈಲಿ ಜತೆಗೆ ದೂರ ಪ್ರಯಾಣದಲ್ಲೂ ಹೆಚ್ಚು ಆರಾಮದಾಯಕತೆಯನ್ನು ಖಾತ್ರಿಪಡಿಸಲಾಗಿದೆ. ಕವಾಸಕಿ ಟ್ರಾಕ್ಷನ್ ಕಂಟ್ರೋಲ್, ಎಲ್‌ಇಡಿ ಹೆಡ್‌ಲೈಟ್, ಬಹು ಕ್ರಿಯಾತ್ಮಕತೆ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಸಹ ಇರಲಿದೆ.

ಇದರಲ್ಲಿರುವ ಪವರ್‌ಫುಲ್ ಎಂಜಿನ್ 98.5 ಎನ್‌ಎಂ (6,500rpm) ತಿರುಗುಬಲದಲ್ಲಿ 111 ಅಶ್ವಶಕ್ತಿಯನ್ನು (8,500rpm) ನೀಡಲಿದೆ.