K3 EV : ಕಿಯಾದಿಂದ ಎಲೆಕ್ಟ್ರಿಕ್‌ ಸೆಡಾನ್‌

ಕೊರಿಯಾ ಮೂಲದ ಕಾರು ತಯಾರಿಕ ಕಂಪೆನಿಯಾದ ಕಿಯಾ ಮೋಟಾರ್ಸ್‌ ಕಂಪೆನಿಯು ಭಾರತದಲ್ಲೂ ಕೂಡ ತನ್ನ ಕಿಯಾ ಕಾರುಗಳನ್ನು ಮಾರಾಟ ಮಾಡಲು ಆರಂಭಿಸಿದೆ. ಇದು ಭಾರತಕ್ಕೆ ಕೇವಲ ಪೆಟ್ರೋಲ್‌ ಹಾಗೂ ಡೀಸೆಲ್‌ ಆಧಾರಿತ ಕಾರುಗಳನ್ನೇ ಪರಿಚಯಿಸಿತ್ತೇ ಹೊರತು ಯಾವುದೇ ರೀತಿಯ ಎಲೆಕ್ಟ್ರಿಕ್‌ ವಾಹನಗಳನ್ನು ಪರಿಚಯಿಸರಿಲಿಲ್ಲ.

ಇತ್ತೀಚೆಗೆ ಕಾರು ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್‌ ವಾಹನಗಳು ಸದ್ದು ಮಾಡಲು ಆರಂಭಿಸಿದಂತೆ ಕಿಯಾವು ಕೂಡ ಎಲೆಕ್ಟ್ರಿಕ್‌ ವಾಹನವನ್ನು ಉತ್ಪಾದಿಸಿ ಮಾರುಕಟ್ಟೆಗೆ ಪರಿಚಯಿಸಲು ನಿರ್ಧರಿಸಿದೆ. ಕಳೆದ ವಾರ ನಡೆದ 2019ರ ಆಟೋ ಎಕ್ಸ್ಪೋ ಕಾರ್ಯಕ್ರಮದಲ್ಲಿ ಡಾಂಗ್‌ಫೆಂಗ್‌ ಯ್ಯೂಡಾ ಕಿಯಾ ಮೋಟಾರ್‌ ಕಂಪೆನಿಯು ಸೆಡಾನ್‌ ಮಾದರಿಯ ಕಿಯಾ ಕೆ3 (Kia K3) ಮಿಡ್‌ ಸೈಜ್‌ ಎಲೆಕ್ಟ್ರಿಕ್‌ ಕಾರನ್ನು ಅನಾವರಣಗೊಳಿಸಿದೆ.

KIA: 2021ಕ್ಕೆ ಆಪ್ಟಿಮಾ ಸೆಡಾನ್
ಕಿಯಾದ ಕಾರುಗಳನ್ನು ಭಾರತದಲ್ಲಿ ನೋಡಲು ಕಡಿಮೆಯಾದರು ಕೂಡ ಅಲ್ಲಲ್ಲಿ ನಗರ ಪ್ರದೇಶಗಳಲ್ಲಿ ಕಿಯಾ ಬ್ರ್ಯಾಂಡ್‌ನ ಕಾರುಗಳನ್ನು ನಾವು ನೋಡಬಹುದು. ಆಟೋ ಎಕ್ಸ್ಪೋದಲ್ಲಿ ಕಿಯಾ ಕೆ3 ಮಿಡ್‌ ಸೈಜ್‌ ಎಲೆಕ್ಟ್ರಿಕ್‌ ಸೆಡಾನ್‌ ಪೆಟ್ರೋಲ್‌ ಮತ್ತು ಪ್ಲಗ್‌ಇನ್‌ ಹೈಬ್ರೀಡ್‌ ಮಾದರಿಯ ಕಾರುಗಳ ನಂತರದ ಮೂರನೇ ಸ್ಥಾನವನ್ನು ಪಡೆದುಕೊಂಡಿದೆ. ಕಿಯಾ ಕೆ3ಯು ತನ್ನ ರನ್ನಿಂಗ್‌ ಗೇರ್‌ನ್ನು ಹ್ಯುಂಡೈನ ಲಫೆಸ್ಟಾ ಎಲೆಕ್ಟ್ರಿಕ್‌ ಸೆಡಾನ್‌ನಿಂದ ಎರವಲು ಪಡೆದುಕೊಂಡಿದೆ.

ಯುನೈಟೆಡ್‌ ಸ್ಟೇಟ್‌ ಮತ್ತು ದಕ್ಷಿಣ ಅಮೆರಿಕಾದ ಮಾರುಕಟ್ಟೆಯಲ್ಲಿ ಈಗಾಗಲೇ ಮಾರಾಟವಾಗುತ್ತಿರುವ ಕಿಯಾ ಫೋರ್ಟ್‌ ಸೆಡಾನ್‌ನ ಆಧಾರಿತವಾಗಿ ಉತ್ಪಾದಿಸಲ್ಪಟ್ಟ ಕಿಯಾ ಕೆ3 ಇವಿಯನ್ನು ಚೀನಾದಲ್ಲಿ ಮಿಡ್‌ ಸೈಜ್‌ ಸೆಡಾನ್‌ ಎಂದು ಗುರುತಿಲ್ಪಟ್ಟಿದೆ. ಕಿಯಾ ಕೆ3 ಇವಿ ಸೆಡಾನ್‌ನಲ್ಲಿ 56.5 ಕಿಲೋವ್ಯಾಟ್‌ ಉತ್ತಮ ಗುಣಮಟ್ಟದ ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, ಈ ಬ್ಯಾಟರಿಯು 490 ಕಿಲೋಮೀಟರ್‌ನಷ್ಟು ಚಲಿಸುವ ಸಾಮರ್ಥ್ಯವನ್ನು ಪಡೆದುಕೊಂಡಿದೆ.

ಲೈಸೆನ್ಸ್‌ ಕಳೆದುಕೊಂಡ Uber
ಈ ಎಲೆಕ್ಟ್ರಿಕ್‌ ಸೆಡಾನ್‌ನಲ್ಲೂ ಕೂಡ ತನ್ನ ಪ್ಲಗ್‌ ಇನ್‌ ಹೈಬ್ರೀಡ್‌ ರೂಪಾಂತರದಂತೆ ಡ್ರೈವರ್‌ ಅಸಿಸ್ಟೆನ್ಸ್‌ ತಂತ್ರಜ್ಞಾನವನ್ನು ಕೆ3 ಇವಿಯಲ್ಲೂ ಅಳವಡಿಸಲಾಗಿದ್ದು, ಪ್ರಯಾಣದಲ್ಲಿ ಚಾಲಕರಿಗೆ ಸುಗಮವಾಗಿ ಚಲಿಸಲು ಮಾಹಿತಿಯನ್ನು ನೀಡಲಿದೆ ಹಾಗೂ ಕೆ3 ಇವಿಯು 310ಎನ್‌ಎಂನ್ನು ಹಾಗೂ 200ಪಿಎಸ್‌ ಶಕ್ತಿಯನ್ನು ಪ್ರಯಾಣದಲ್ಲಿ ಒದಗಿಸುತ್ತದೆ.

ದೊಡ್ಡ ಬ್ಯಾಟರಿಯನ್ನು ಮತ್ತು ಶಕ್ತಿಯುತವಾದ ಮೋಟಾರ್‌ನ್ನು ಹೊಂದಿರುವ ಕೆ3 ಇವಿಯ ಬೆಲೆಯನ್ನು ಕಂಪೆನಿಯು ಡಿಸೆಂಬರ್‌ನಲ್ಲಿ ಸಾರ್ವಜನಿಕವಾಗಿ ಘೋಷಿಸುವ ಆಶಯವನ್ನು ಹೊಂದಿದೆ. ಕೆ3ಯ ಟೇಲ್‌ಲೈಟ್‌ಗಳು ಸಂಪೂರ್ಣವಾಗಿ ಹಿಂಭಾಗವನ್ನು ಆವರಿಸಿದ್ದು, ಈ ಎಲೆಕ್ಟ್ರಿಕ್‌ ಸೆಡಾನ್‌ಗೆ ಸ್ಟೈಲ್‌ ಲುಕ್‌ನ್ನು ನೀಡಿದೆ. ಇದು ಈ ಕೆ3 ಇವಿಯ ಸಂಪೂರ್ಣ ಮಾಹಿತಿಯನ್ನು ಡಿಸೆಂಬರ್‌ನಲ್ಲಿ ಗ್ರಾಹಕರಿಗೆ ನೀಡಲಿದ್ದು, ಇದೀಗ ಕೇವಲ ಈ ಎಲೆಕ್ಟ್ರಿಕ್‌ ಸೆಡಾನ್‌ನ್ನು ಆಟೋ ಎಕ್ಸ್ಪೋದಲ್ಲಿ ನೋಡಲು ಇರಿಸಿದೆ.