ಮಾರುತಿ ಸುಜುಕಿ ಸೆಲೆರಿಯೊ ಎಕ್ಸ್ ಬಿಡುಗಡೆ

ಹೊಸದಿಲ್ಲಿ: ದೇಶದ ಅತಿ ದೊಡ್ಡ ಪ್ರಯಾಣಿಕ ಕಾರು ಸಂಸ್ಥೆ ಮಾರುತಿ ಸುಜುಕಿ ಇಂಡಿಯಾ, ತನ್ನ ಜನಪ್ರಿಯ ಸೆಲೆರಿಯೊದ ನೂತನ ಸೆಲೆರಿಯೊ ಎಕ್ಸ್ ಮಾದರಿಯನ್ನು ಬಿಡುಗಡೆಗೊಳಿಸಿದೆ. ಇದು ಭಾರತ ಮಾರುಕಟ್ಟೆಯಲ್ಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 4.57 ಲಕ್ಷ ರೂ.ಗಳಿಂದ 5.42 ಲಕ್ಷ ರೂ.ಗಳಷ್ಟು ದುಬಾರಿಯೆನಿಸಲಿದೆ.

ಏರೋಡೈನಾಮಿಕ್ ವಿನ್ಯಾಸ, ಮುಂಭಾಗದ ಗ್ರಿಲ್‌ನಲ್ಲಿ ಹೊಸತಾದ ಎಕ್ಸ್ ಥೀಮ್ ತಳಹದಿಯ ಗ್ರಾಫಿಕ್ಸ್, ರಿಯರ್ ಬಂಪರ್, ಸ್ಕಿಡ್ ಪ್ಲೇಟ್ ಡಿಟೈಲ್ ಆಕ್ರಮಣಕಾರಿ ಲುಕ್ ನೀಡಲಿದೆ.

ಭಾರತದಲ್ಲ ಇದುವರೆಗೆ ಮೂರು ಲಕ್ಷಕ್ಕೂ ಹೆಚ್ಚು ಸೆಲೆರಿಯೊ ಮಾರಾಟವನ್ನು ಕಂಡಿದೆ. ಇದೀಗ ಹೊಸತಾದ ಮಾದರಿಯೊಂದಿಗೆ ಮತ್ತಷ್ಟು ಮಾರಾಟವನ್ನು ಗುರಿಯಿರಿಸಿಕೊಳ್ಳಲಾಗಿದೆ.

2014ನೇ ಇಸವಿಯಲ್ಲಿ ಮೊದಲ ಬಾರಿಗೆ ಬಿಡುಗಡೆಗೊಂಡಿರುವ ಸೆಲೆರಿಯೊಎಕ್ಸ್, ದೇಶದಲ್ಲಿ ಆಟೋರ್ ಗೇರ್ ಶಿಫ್ಟ್ (ಎಜಿಎಸ್) ತಂತ್ರಗಾರಿಕೆಯನ್ನು ಹೊಂದಿದ ಮೊದಲ ಕಾರಾಗಿದೆ.

ನೂತನ ಸೆಲೆರಿಯೊಎಕ್ಸ್ ಪಾಪ್ರಿಕಾ ಆರೆಂಜ್ ಬಣ್ಣದಲ್ಲಿ ಲಭ್ಯವಾಗಲಿದೆ. ಹಾಗೆಯೇ ಆರ್ಕಿಟಿಕ್ ವೈಟ್, ಗ್ಲಿಸೆನಿಂಗ್ ಗ್ರೇ, ಕಫೈನ್ ಬ್ರೌನ್ ಹಾಗೂ ಟಾರ್ಕ್ ಬ್ಲೂ ಬಣ್ಣದ ಆಯ್ಕೆಯೂ ಇರುತ್ತದೆ.

ಕಾರಿನ ಒಳಮೈಯಲ್ಲೂ ಕ್ರೀಡಾತ್ಮಕತೆಗೆ ಹೆಚ್ಚಿನ ಆದ್ಯತೆ ಕೊಡಲಾಗಿದೆ. ಇನ್ನು ಸುರಕ್ಷತೆಗಾಗಿ ಚಾಲಕ ಬದಿಯ ಏರ್ ಬ್ಯಾಗ್ ಸೇವೆ ಇರಲಿದೆ. ಅಂತೆಯೇ ಆಯ್ದ ಮಾದರಿಗಳಲ್ಲಿ ಎಬಿಎಸ್ ವ್ಯವಸ್ಥೆಯು ಲಭ್ಯವಿರುತ್ತದೆ.