ಹೊಸ ವರ್ಷದಿಂದ ಮಾರುತಿ ಕಾರುಗಳು ದುಬಾರಿ!

ಹೊಸದಿಲ್ಲಿ: ಹೌದು, ಹೊಸ ವರ್ಷದಿಂದ ಮಾರುತಿ ಕಾರುಗಳು ದುಬಾರಿಯೆನಿಸಲಿದೆ. ನಿಮ್ಮಗೆಲ್ಲರಿಗೂ ತಿಳಿದಿರುವಂತೆಯೇ ಹೊಸ ವರ್ಷದಲ್ಲಿ ಬಹುತೇಕ ಎಲ್ಲ ವಾಹನ ನಿರ್ಮಾಣ ಸಂಸ್ಥೆಗಳು ಬೆಲೆ ಏರಿಕೆ ನೀತಿಯನ್ನು ಪ್ರಕಟಿಸುತ್ತಿವೆ.

ಪ್ರಸ್ತುತ 2019ನೇ ಸಾಲಿನಿಂದ ಬೆಲೆ ಏರಿಕೆಗೊಳಿಸಲು ದೇಶದ ನಂ.1 ಕಾರು ನಿರ್ಮಾಣ ಸಂಸ್ಥೆ ಮಾರುತಿ ಸುಜುಕಿ ಇಂಡಿಯಾ ನಿರ್ಧರಿಸಿದೆ.

ಉತ್ಪಾದನಾ ವಸ್ತು ಹಾಗೂ ವಿದೇಶಿ ವಿನಿಮಯ ರೇಟಿಂಗ್ ವರ್ಧಿಸಿರುವ ಹಿನ್ನಲೆಯಲ್ಲಿ ಬೆಲೆ ಏರಿಕೆ ನೀತಿ ಅನುಸರಿಸಲು ಮಾರುತಿ ಮುಂದಾಗಿದೆ.

ದೇಶದಲ್ಲಿ ಮಾರಾಟದಲ್ಲಿರುವ ಮಾರುತಿಯ ಎಲ್ಲ ಕಾರುಗಳಿಗೆ ಬೆಲೆ ಏರಿಕೆಯಾಗಲಿದೆ. ಅಲ್ಲದೆ ಎಷ್ಟೆಷ್ಟು ಬೆಲೆ ಏರಿಕೆಗೊಳ್ಳಲಿದೆ ಎಂಬುದು ಇನ್ನಷ್ಟೇ ತಿಳಿದು ಬರಬೇಕಿದೆ.

ಸದ್ಯಕ್ಕೆ 2.53 ಲಕ್ಷ ರೂ.ಗಳ ಪ್ರಾರಂಭಿಕ ಬೆಲೆಯ ಅಲ್ಟೊ 800 ಮಾದರಿಯಿಂದ ಹಿಡಿದು ಟಾಪ್ ಎಂಡ್ ಎಸ್ ಕ್ರಾಸ್ ಕಾರು 11.45 ಲಕ್ಷ ರೂ.ಗಳಷ್ಟು ಬೆಲೆ ಬರುತ್ತಿದೆ.