Mercedes Benz GLE: ಜನವರಿ 28 ರಂದು ಮತ್ತೊಂದು ಎಸ್‌ಯುವಿ ಬಿಡುಗಡೆ
ಮರ್ಸಿಡಿಸ್‌ ಬೆಂಜ್ ಭಾರತವು 2020ರ ಜನವರಿ 28 ರಂದು ತನ್ನ ಎಸ್‌ಯುವಿ ಮಾದರಿಯ ಜಿಎಲ್‌ಇ ಕಾರನ್ನು ವಾಹನ ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದೆ. ಈ ಎಸ್‌ಯುವಿಯ ಬೆಲೆಯು 75 ಲಕ್ಷ ರೂಪಾಯಿಗಳಿಂದ ಆರಂಭವಾಗಬಹುದೆಂದು ಅಂದಾಜಿಸಲಾಗಿದೆ.
Agencies11 Jan 2020, 1:26 pm
ಮರ್ಸಿಡಿಸ್‌ ಬೆಂಜ್ ಭಾರತದಲ್ಲಿ ತನ್ನ ಎಸ್‌ಯುವಿ ಮಾದರಿಯ ಜಿಎಲ್‌ಇ ಯನ್ನು ಬಿಡುಗಡೆಗೊಳಿಸುವುದಾಗಿ ಬಹಿರಂಗೊಡಿಸಿದ್ದು, ಈ ಎಸ್‌ಯುವಿಯನ್ನು ಜನವರಿ 28 ರಿಂದ ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ ಖರೀದಿಸಬಹುದಾಗಿದೆ. ನೂತನ ರೂಪಾಂತರದಲ್ಲಿ ಭಾರತೀಯ ವಾಹನ ಮಾರುಕಟ್ಟೆಯನ್ನು ಪ್ರವೇಶಿಸಲಿರುವ ಜಿಎಲ್‌ಇ ಎಸ್‌ಯುವಿಯು ಆಧುನಿಕ ವಿನ್ಯಾಸ ಹಾಗೂ ವಿಶಿಷ್ಟತೆಯನ್ನು ಪಡೆದುಕೊಳ್ಳಲಿದೆ.
Vijaya Karnataka WebMercedes Benz GLE: ಜನವರಿ 28 ರಂದು ಮತ್ತೊಂದು ಎಸ್‌ಯುವಿ ಬಿಡುಗಡೆ
ರಾಹುಲ್‌ ದ್ರಾವಿಡ್‌: ಭಾರತದ ಮಾಜಿ ಕ್ರಿಕೆಟ್‌ ಆಟಗಾರನ ಬಳಿ ಎಷ್ಟಿವೆ ಗೊತ್ತಾ ಕಾರುಗಳು..? ಮೊದಲಿದ್ದ ಜಿಎಲ್‌ಇ ಎಸ್‌ಯುವಿಗಿಂತಲೂ ಈ ಜಿಎಲ್‌ಇಯು ಒಳಾಂಗಣದಲ್ಲಿ ಹೆಚ್ಚಿನ ಸ್ಥಳಾವಕಾಶವನ್ನು, ಉದ್ದವಾದ ವೀಲ್‌ಬೇಸ್‌ನ್ನು ಹೊಂದಿದೆ. ಒಳಾಂಗಣದಲ್ಲಿ ಮಾತ್ರವಲ್ಲದೇ ಹೊರಾಂಗಣದಲ್ಲೂ ಕೂಡ ಈ ಜಿಎಲ್‌ಇ ನೋಡಲು ದೊಡ್ಡದಾದ ಕಾಯವನ್ನು ಹೊಂದಿದೆ. ಒಳಾಂಗಣದಲ್ಲಿನ ವಿಶಿಷ್ಟತೆಗಳು ಸೇರಿದಂತೆ ಪರಿಕರಗಳು ಬಹಳಷ್ಟು ಐಷಾರಾಮಿಯಾಗಿದೆ.
ಮರ್ಸಿಡಿಸ್‌ ಬೆಂಜ್ ಜಿಎಲ್‌ಇ ಎಸ್‌ಯುವಿ
ಮರ್ಸಿಡಿಸ್‌ ಜಿಎಲ್‌ಇ ಎಸ್‌ಯುವಿಯು ಎಲ್‌ಇಡಿ ಹೆಡ್‌ಲ್ಯಾಂಪ್‌ಗಳನ್ನು, ಟೇಲ್‌ಲ್ಯಾಂಪ್‌ಗಳನ್ನು ಮತ್ತು ಡಿಆರ್‌ಎಲ್‌ಗಳನ್ನು ಪಡೆದಿರುವ ಎರಡು ಟಚ್‌ಸ್ಕ್ರೀನ್‌ ವ್ಯವಸ್ಥೆಗಳೊಂದಿಗೆ ಒಳಾಂಗಣದಲ್ಲಿ 12.3 ಇಂಚುಗಳ ಇನ್ಫೋಟೇನ್ಮೆಂಟ್‌ ವ್ಯವಸ್ಥೆಯನ್ನು ಮತ್ತು ಇನ್ಸ್ಟ್ರುಮೆಂಟ್‌ ಕನ್ಸೋಲ್‌ನ್ನು ಹೊಂದಿದೆ.
ಬೆಂಜ್ ಜಿಎಲ್‌ಇಯ ಇನ್ಫೋಟೇನ್ಮೆಂಟ್‌ ವ್ಯವಸ್ಥೆ
ಕೇವಲ ಇಷ್ಟೇ ವೈಶಿಷ್ಟ್ಯತೆಗಳಲ್ಲದೇ ಬೆಂಜ್ ಜಿಎಲ್‌ಇ ಎಸ್‌ಯುವಿಯಲ್ಲಿ ವಿಶಿಷ್ಟವಾದ ಎಂಬಿಯುಎಕ್ಸ್‌ನ್ನೂ ಕೂಡ ಇರಿಸಲಾಗಿದ್ದು, ಈ ಎಂಬಿಯುಎಕ್ಸ್‌ ಕನೆಕ್ಟಿವಿಟಿಯನ್ನು ನಾವು ಇತ್ತೀಚೆಗಷ್ಟೇ ಭಾರತೀಯ ವಾಹನ ಮಾರುಕಟ್ಟೆಗೆ ಬಿಡುಗಡೆಗೊಳಿಸಲಾದ ಬೆಂಜ್ ಜಿಎಲ್‌ಸಿಯಲ್ಲಿಯೂ ಕೂಡ ಗಮನಿಸಬಹುದಾಗಿದೆ. ಈ ಎಂಬಿಯುಎಕ್ಸ್‌ ಕನೆಕ್ಟಿವಿಟಿಯೊಂದಿಗೆ ಜಿಎಲ್‌ಇ ಎಸ್‌ಯುವಿಯು ಇನ್ನೂ ಹೆಚ್ಚಿನದಾಗಿ 360 ಡಿಗ್ರಿ ಕ್ಯಾಮರಾ, ವಿದ್ಯುದೀಕೃತವಾಗಿ ಹೊಂದಾಣಿಕೆ ಮಾಡಬಹುದಾದ ಮುಂಭಾಗದ ಮತ್ತು ಹಿಂಭಾಗದ ಸೀಟುಗಳು, 4 ವಲಯಗಳ ಹವಮಾನ ನಿಯಂತ್ರಕ, ಅಡಾಪ್ಟಿವ್‌ ಏರ್‌ ಸಸ್ಪೆನ್ಷನ್‌ ಸೇರಿದಂತೆ ಇನ್ನೂ ಹತ್ತಾರು ವಿವಿಧ ಆಧುನಿಕ ತಂತ್ರಜ್ಞಾನ ಭರಿತ ವೈಶಿಷ್ಟ್ಯತೆಗಳನ್ನು ಇದು ಪಡೆದಿದೆ.
ಬೆಂಜ್ ಜಿಎಲ್‌ಇಯ ಐಷಾರಾಮಿ ಆಸನಗಳು
2020 Skoda: ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ 5 ಕಾರುಗಳು ಭಾರತದಲ್ಲಿ ಮರ್ಸಿಡಿಸ್‌ ಬೆಂಜ್ ಜಿಎಲ್‌ಇ ಎಸ್‌ಯುವಿಯನ್ನು ಜಿಎಲ್‌ಇ 300 ಡಿ, ಜಿಎಲ್‌ಇ 400 ಡಿ ಮತ್ತು ಜಿಎಲ್‌ಇ 450 ಈ ಮೂರು ಆವೃತ್ತಿಗಳಲ್ಲಿ ಖರೀದಿಸಬಹುದಾಗಿದೆ. ಜಿಎಲ್‌ಇ ಎಸ್‌ಯುವಿಯ ಈ ಮೂರು ಆವೃತ್ತಿಗಳು ವಿವಿಧ ರೀತಿಯ ಎಂಜಿನ್‌ಗಳನ್ನು ಪಡೆದುಕೊಂಡಿದೆ. ಬೆಂಜ್ ಜಿಎಲ್‌ಇ 300 ಡಿ ಆವೃತ್ತಿಯು 2.0 ಲೀಟರ್‌ 4 ಸಿಲಿಂಡರ್‌ಗಳ ಡೀಸೆಲ್‌ ಇಂಜಿನ್‌ನ್ನು ಹೊಂದಿದ್ದು, ಈ ಎಂಜಿನ್‌ಗಳು 256 ಬಿಹೆಚ್‌ಪಿ ಶಕ್ತಿಯನ್ನು ಮತ್ತು 500 ಎನ್‌ಎಂ ಟಾರ್ಕ್‌ನ್ನು ಉತ್ಪಾದಿಸುತ್ತದೆ. 400 ಡಿ ಆವೃತ್ತಿಯು 3.0 ಲೀಟರ್‌ 6 ಸಿಲಿಂಡರ್‌ಗಳ ಡೀಸೆಲ್‌ನಲ್ಲಿ 330 ಬಿಹೆಚ್‌ಪಿ ಶಕ್ತಿಯನ್ನು ಮತ್ತು 700 ಎನ್‌ಎಂ ಟಾರ್ಕ್‌ನ್ನು ಹೊರಹಾಕಿದರೆ 450 ಆವೃತ್ತಿಯ 3.0 ಲೀಟರ್‌ 6 ಸಿಲಿಂಡರ್‌ಗಳ ಪೆಟ್ರೋಲ್‌ ಎಂಜಿನ್‌ಗಳು 367 ಬಿಹೆಚ್‌ಪಿ ಶಕ್ತಿಯನ್ನು ಹಾಗೂ 500 ಎನ್‌ಎಂ ಟಾರ್ಕ್‌ನ್ನು ನೀಡುತ್ತದೆ.
ಬೆಂಜ್ ಜಿಎಲ್‌ಇಯ ಎಂಜಿನ್‌ಗಳು
ಬೆಂಜ್ ಜಿಎಲ್‌ಇ ಎಸ್‌ಯುವಿಯ ಈ ಮೂರು ಆವೃತ್ತಿಗಳನ್ನು ಸ್ವಯಂ ಚಾಲಿತ ಟ್ರಾನ್ಸ್‌ಮಿಷನ್‌ನಲ್ಲಿ ಖರೀದಿಸಬಹುದು ಮಾತ್ರವಲ್ಲದೇ ಬಿಎಸ್‌6 ನಿಬಂಧನೆಯನ್ನೂ ಕೂಡ ಇದು ಪಡೆದುಕೊಂಡಿದೆ. ಈ ಎಸ್‌ಯುವಿಯ ಬೆಲೆಯು 75 ಲಕ್ಷ ರೂಪಾಯಿಗಳ ಎಕ್ಸ್‌ ಶೋರೂಂ ಮೌಲ್ಯದಿಂದ ಆರಂಭವಾಗಲಿದೆ.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
