ಇಲೆಕ್ಟ್ರಿಕ್‌ ಕಾರು ಉತ್ಪಾದನೆಗೆ ಒತ್ತುಕೊಟ್ಟ ಮರ್ಸಿಡಿಸ್

ಮಾಲಿನ್ಯ ಕಡಿಮೆ ಮಾಡುವ ಮತ್ತು ಕಡಿಮೆ ವೆಚ್ಚದಲ್ಲಿ ಅಧಿಕ ದೂರ ಕ್ರಮಿಸುವ ಎಲೆಕ್ಟ್ರಿಕ್ ಕಾರುಗಳ ತಯಾರಿಕೆಗೆ ಮರ್ಸಿಡಿಸ್ ಬೆನ್ಜ್ ಹೆಚ್ಚು ಒತ್ತು ನೀಡಲಿದೆ.

ಜರ್ಮನಿಯ ಕಾರು ಉತ್ಪಾದಕ ದಿಗ್ಗಜ ಕಂಪನಿ ಮರ್ಸಿಡಿಸ್‌ ಬೆನ್ಝ್‌, 2039ರೊಳಗೆ ಕಾರ್ಬನ್‌ ಹೊರಸೂಸುವ ಕಾರುಗಳಿಗೆ ಗುಡ್‌ ಬೈ ಹೇಳಲು ನಿರ್ಧರಿಸಿದೆ. ಈ ಕುರಿತು ಅಧಿಕೃತ ಪ್ರಕಟಣೆ ನೀಡಿರುವ ಸಂಸ್ಥೆ, ಎರಡು ದಶಕಗಳ ಒಳಗೆ ಮರ್ಸಿಡೆಸ್‌ನ ಎಲ್ಲಾ ಕಾರುಗಳು ಹೈಬ್ರೀಡ್‌ ಅಥವಾ ಇಲೆಕ್ಟ್ರಿಕ್‌ ವಾಹನಗಳಾಗಲಿವೆ ಎಂದು ತಿಳಿಸಿದೆ.

ಸದ್ಯದ ಮಟ್ಟಿಗೆ ಬ್ಯಾಟರಿ-ಇಲೆಕ್ಟ್ರಿಕ್‌ ಮೊಬಿಲಿಟಿ ಬಗ್ಗೆ ನಾವು ಗಮನ ಹರಿಸುತ್ತಿದ್ದೇವೆ. ಇದರ ಜತೆಗೆ ಫ್ಯುಯೆಲ್‌ ಸೆಲ್‌ ಅಥವಾ ಇ-ಫ್ಯೂಯೆಲ್‌ ಬಗ್ಗೆಯೂ ಸಂಶೋಧನೆ ಮುಂದುವರಿಯಲಿದೆ. ನಾವು ಗುರಿಯೊಂದನ್ನು ಹಾಕಿಕೊಂಡಿದ್ದೇವೆ.

ಆದರೆ ಪೂರ್ಣ ಪ್ರಮಾಣದಲ್ಲಿ ಆ ಗುರಿಯನ್ನು ತಲುಪಲು ಸಾಧ್ಯವೇ ಎಂಬುದು ಭವಿಷ್ಯ ಬಿಟ್ಟ ವಿಚಾರ. 2020ರೊಳಗೆ ಐರೋಪ್ಯ ಒಕ್ಕೂಟಕ್ಕೆ ಶೇ. 50ರಷ್ಟು ಇಂಗಾಲದ ಡೈ ಆಕ್ಸೈಡ್‌ರಹಿತ ವಾಹನವನ್ನು ಒದಗಿಸುವುದು ನಮ್ಮ ಗುರಿ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.