MG Hector ಹೊಸ ಕಾರು 4 ಆವೃತ್ತಿಗಳಲ್ಲಿ ಲಭ್ಯ

ಆಟೋಮೊಬೈಲ್ ಕ್ಷೇತ್ರದಲ್ಲಿ ಹೊಸದಾಗಿ ಸದ್ದು ಮಾಡುತ್ತಿರುವ ಎಂಜಿ ಹೆಕ್ಟರ್ ಈ ತಿಂಗಳಲ್ಲೇ ಭಾರತೀಯ ಮಾರುಕಟ್ಟೆಗೆ ಆಗಮಿಸಲಿದ್ದು, ನಾಲ್ಕು ಆವೃತ್ತಿಗಳಲ್ಲಿ ದೊರೆಯಲಿದೆ.

ಟಾಟಾ ಹ್ಯಾರಿಯರ್, ಜೀಪ್ ಕಂಪಾಸ್, ಮಹೀಂದ್ರಾ ಎಕ್ಸ್‌ಯುವಿ500 ಮತ್ತು ಹ್ಯುಂಡೈ ಕ್ರೇಟಾ ಎಸ್‌ಯುವಿಗಳಿಗೆ ಪೈಪೋಟಿ ನೀಡಲು ಬಂದಿರುವ ಮೋರಿಸ್ ಗ್ಯಾರೇಜ್ ಕಂಪನಿಯ ಹೆಕ್ಟರ್, 50 ಸಾವಿರ ರೂ. ನೀಡಿ ಬುಕ್ಕಿಂಗ್ ಮಾಡಬಹುದಾಗಿದೆ.

ಮೂರು ಎಂಜಿನ್ ಆಯ್ಕೆಗಳಲ್ಲಿ ಇದು ಲಭ್ಯವಿದೆ. ಪೆಟ್ರೋಲ್, ಪೆಟ್ರೋಲ್-ಹೈಬ್ರಿಡ್ ಹಾಗೂ ಡೀಸೆಲ್. ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಶನ್ ವ್ಯವಸ್ಥೆ ಇರುವುದು ಪೆಟ್ರೋಲ್ ಎಂಜಿನ್‌ನ ಕಾರುಗಳಲ್ಲಿ ಮಾತ್ರ.
ನಾಲ್ಕು ವೇರಿಯಂಟ್‌ಗಳಲ್ಲಿ ಈ ವಾಹನ ಲಭ್ಯವಿದೆ. ಅವುಗಳೆಂದರೆ, ಸ್ಟೈರ್, ಸೂಪರ್, ಸ್ಮಾರ್ಟ್ ಮತ್ತು ಶಾರ್ಪ್ ಎಂಬ ಆವೃತ್ತಿಗಳು. ಇದರ ಬೆಲೆ ಸುಮಾರು 12.5 ಲಕ್ಷ ರೂ.ಗಳಿಂದ ಆರಂಭವಾಗಿ 19.5 ಲಕ್ಷ ರೂ.ವರೆಗೆ ಇರುವ ಸಾಧ್ಯತೆಗಳಿವೆ. ಮೋರಿಸ್ ಗ್ಯಾರೇಜ್‌ನ ಗುಜರಾತ್ ಘಟಕದಲ್ಲಿ ವಾಹನಗಳು ಉತ್ಪಾದನೆಯಾಗುತ್ತಿದ್ದು, 17 ಇಂಚಿನ ಟಯರ್, ಅತ್ಯಾಧುನಿಕ ಡಿಜಿಟಲ್ ವ್ಯವಸ್ಥೆಗಳು, ಆ್ಯಪ್ ಮೂಲಕ ನಿಯಂತ್ರಣ - ಇವೆಲ್ಲ ವಿಶೇಷಣಗಳನ್ನು ಹೊಂದಿರಲಿದೆ.

ವಾಹನದಲ್ಲಿ 10.4 ಇಂಚಿನ ಐಸ್ಮಾರ್ಟ್ ಟಚ್‌ಸ್ಕ್ರೀನ್ ಜತೆಗೆ ಕನೆಕ್ಟಿವಿಟಿ ಹಾಗೂ ಎಐ ನಿಯಂತ್ರಿತ ಧ್ವನಿ ಸಹಾಯಕ ಸೇವೆ ಲಭ್ಯವಿರುತ್ತದೆ. ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಎಬಿಎಸ್, ಇಬಿಡಿ, ಇಎಸ್‌ಪಿ, ಟ್ರಾಕ್ಷನ್ ಕಂಟ್ರೋಲ್ ಮುಂತಾದ ವ್ಯವಸ್ಥೆಗಳಿರುತ್ತವೆ.