ಇಲೆಕ್ಟ್ರಿಕ್‌ ಎಸ್‌ಯುವಿ ಬಿಡುಗಡೆ ಶೀಘ್ರದಲ್ಲಿ

ಚೀನಾ ಮೂಲದ ಇಲೆಕ್ಟ್ರಿಕ್‌ ವಾಹನ ಉತ್ಪಾದಕ ಕಂಪನಿಯ ಭಾರತದ ಅಂಗ ಎಂಜಿ ಮೋಟಾರ್ಸ್‌ ಇಂಡಿಯಾ ಈ ವರ್ಷದ ಮಧ್ಯ ಭಾಗದೊಳಗೆ ಆಯ್ದ ನಗರಗಳಲ್ಲಿ ಇಲೆಕ್ಟ್ರಿಕ್‌ ಎಸ್‌ಯುವಿಗಳನ್ನು ರಸ್ತೆಗಿಳಿಸಲಿದೆ.

ಹೆಕ್ಟರ್‌ ಎಸ್‌ಯುವಿ ಮತ್ತು ಇನ್ನೊಂದು ಸಂಪೂರ್ಣ ಇಲೆಕ್ಟ್ರಿಕ್‌ ಎಸ್‌ಯುವಿಯನ್ನು ಮುಂದಿನ ಒಂಬತ್ತು ತಿಂಗಳೊಳಗೆ ಬಿಡುಗಡೆ ಮಾಡುವುದಾಗಿ ಕಂಪನಿ ಘೋಷಿಸಿದೆ.

ಅಕ್ಟೋಬರ್‌-ಡಿಸೆಂಬರ್‌ನೊಳಗೆ ಸಂಪೂರ್ಣ ಇಲೆಕ್ಟ್ರಿಕ್‌ ಎಸ್‌ಯುವಿಯನ್ನು ನಾವು ಬಿಡುಗಡೆ ಮಾಡಲಿದ್ದೇವೆ ಎಂದು ಎಂಜಿ ಮೋಟಾರ್ಸ್‌ ಇಂಡಿಯಾದ ಹಿರಿಯ ಅಧಿಕಾರಿ ಗೌರವ್‌ ಗುಪ್ತಾ ತಿಳಿಸಿದ್ದಾರೆ.

ಯಾವೆಲ್ಲಾ ನಗರಗಳಿಗೆ ಇದು ಅನ್ವಯವಾಗಲಿದೆ ಎಂಬ ವಿಚಾರವನ್ನು ಬಹಿರಂಗ ಪಡಿಸಲು ಅವರು ನಿರಾಕರಿಸಿದರು. ಆದರೆ ಒಮ್ಮೆ ಚಾರ್ಜ್‌ ಮಾಡಿದರೆ 250 ಕಿ.ಮೀ. ದೂರ ವಾಹನ ಚಲಿಸುವ ಸಾಮರ್ಥ್ಯ ಹೊಂದಿದೆ ಎಂದು ತಿಳಿಸಿದರು.