ಮುಂದಿನ ತಿಂಗಳು ಹೊಸ ಅಮೇಝ್‌ ಬಿಡುಗಡೆ

ಬುಕ್ಕಿಂಗ್‌ ಆರಂಭ

ಹೊಸ ಪೀಳಿಗೆಯ ಅಮೇಝ್‌ ಕಾಂಪ್ಯಾಕ್ಟ್ ಸೆಡಾನ್‌ನ ಬುಕ್ಕಿಂಗ್‌ ಆರಂಭವಾಗಿದೆ. 21,000 ಶುಲ್ಕ ತೆತ್ತು ಬುಕ್ಕಿಂಗ್‌ ಮಾಡಬಹುದಾಗಿದೆ. ಮೇನಲ್ಲಿ ಕಾರನ್ನು ಮಾರುಕಟ್ಟೆ ಬಿಡುಗಡೆ ಮಾಡುವುದಾಗಿ ಹೋಂಡಾ ಕಾರ್‌ ಇಂಡಿಯಾ ಲಿಮಿಟೆಡ್‌ (ಎಚ್‌ಸಿಐಎಲ್‌) ಘೋಷಿಸಿದೆ.

ಹಳೆಯ ಅಮೇಝ್‌ 2.57 ಲಕ್ಷ ಗ್ರಾಹಕರ ಸೆಳೆಯಲು ಯಶಸ್ವಿಯಾಗಿದ್ದು, ಹೊಸ ವಿನ್ಯಾಸದಲ್ಲಿ ಬರುವ ಅಮೇಝ್‌ ಕೂಡ ಇದೇ ರೀತಿಯಲ್ಲಿ ಯಶಸ್ಸು ಕಾಣಲಿದೆ ಎಂದು ಸಂಸ್ಥೆಯ ಹಿರಿಯ ಉಪಾಧ್ಯಕ್ಷ ರಾಜೇಶ್‌ ಗೋಯೆಲ್‌ ಹೇಳಿದ್ದಾರೆ. ಪೆಟ್ರೋಲ್‌ ಮತ್ತು ಡೀಸೆಲ್‌ ಮಾದರಿಯಲ್ಲಿ ಸಿಗುವ ಇದು ಇನ್ನಷ್ಟು ವಿಸ್ತಾರವಾದ ಕ್ಯಾಬಿನ್‌ ಆಫರ್‌ ಮಾಡಲಿದೆ. ಏಳು ಇಂಚಿನ ಡಿಜಿಪ್ಯಾಡ್‌ ಟಚ್‌ಸ್ಕ್ರೀನ್‌ ಇನ್‌ಫೋಟೈನ್‌ಮೆಂಟ್‌ ಸಿಸ್ಟಂ, ಆಂಡ್ರಾಯ್ಡ್‌ ಅಟೋ ಮತ್ತು ಆ್ಯಪಲ್‌ ಕಾರ್‌ಪ್ಲೇ ಇದರಲ್ಲಿದೆ. ಬೆಲೆ 5.58 ಲಕ್ಷ ರೂ.ನಿಂದ ಆರಂಭವಾಗಲಿದೆ.