ಹೊಸ ಫೋರ್ಡ್ ಆಸ್ಪೈರ್ ಭರ್ಜರಿ ಎಂಟ್ರಿ

ಹೊಸದಿಲ್ಲಿ: ಅಮೆರಿಕ ಮೂಲದ ಪ್ರತಿಷ್ಠಿತ ವಾಹನ ಸಂಸ್ಥೆ ಫೋರ್ಡ್ ಇಂಡಿಯಾ, ದೇಶದಲ್ಲಿ ತನ್ನ ಜನಪ್ರಿಯ ಆಸ್ಪೈರ್ ಕಾಂಪಾಕ್ಟ್ ಸೆಡಾನ್ ಕಾರಿನ ಹೊಸ ಮಾದರಿಯನ್ನು ಬಿಡುಗಡೆಗೊಳಿಸಿದೆ.

ನೂತನ 2018 ಫೋರ್ಡ್ ಆಸ್ಪೈರ್ ಕಾರಿನ ಮೂಲಕ ಹಬ್ಬದ ಋತುವಿನಲ್ಲಿ ಗರಿಷ್ಠ ಮಾರಾಟವನ್ನು ಗುರಿಯಿರಿಸಿಕೊಂಡಿದೆ.

ಬೆಲೆ ಪ್ರಾರಂಭ: 5.55 ಲಕ್ಷ ರೂ. (ಎಕ್ಸ್ ಶೋ ರೂಂ ದಿಲ್ಲಿ)

ಪ್ರತಿಸ್ಪರ್ಧಿಗಳು:
ಮಾರುತಿ ಸುಜುಕಿ ಡಿಜೈರ್,
ಹ್ಯುಂಡೈ ಎಕ್ಸ್‌ಸೆಂಟ್,
ಹೋಂಡಾ ಅಮೇಜ್

ಮುಖ್ಯ ಫೀಚರ್: ಹೊಸತಾದ 1.2 ಲೀಟರ್ ಪೆಟ್ರೋಲ್ ಎಂಜಿನ್ (ತ್ರಿ ಸಿಲಿಂಡರ್)


ಫೋರ್ಡ್ ಫ್ರೀಸ್ಟೈಲ್‌ನಲ್ಲಿರುವುದಕ್ಕೆ ಸಮಾನವಾದ ಹೊಸತಾದ 1194 ಸಿಸಿ ತ್ರಿ ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಕೊಡಲಾಗಿದೆ. ಇದು 120 ಎನ್‌ಎಂ ತಿರುಗುಬಲದಲ್ಲಿ 95 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಹಾಗಿದ್ದರೂ 1.5 ಲೀಟರ್ ಟಿಡಿಸಿಐ ಡೀಸೆಲ್ ಎಂಜಿನ್‌ನಲ್ಲಿ ಯಾವುದೇ ಬದಲಾವಣೆಗಳಿಲ್ಲ. ಇದರ 1498 ಸಿಸಿ ಎಂಜಿನ್ 215 ಎನ್‌ಎಂ ತಿರುಗುಬಲದಲ್ಲಿ 99 ಅಶ್ವಶಕ್ತಿ ಉತ್ಪಾದಿಸಲಿದೆ.

ಪೆಟ್ರೋಲ್ ಹಾಗೂ ಡೀಸೆಲ್ ಮಾದರಿಯಲ್ಲಿ ತಲಾ ಐದು ವೆರಿಯಂಟ್ ಹಾಗೂ ಏಳು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ.


ಹನಿಕಾಂಬ್ ಕ್ರೋಮ್ ಗ್ರಿಲ್ ಹಾಗೂ ಹೊಸತಾದ ಹೆಡ್‌ಲ್ಯಾಂಪ್ ಕ್ಲಸ್ಟರ್ ಪ್ರಮುಖ ಆಕರ್ಷಣೆಯಾಗಿದೆ. ಬಹು ಸ್ಪೋಕ್ ಅಲಾಯ್ ಚಕ್ರಗಳು ಹಾಗೂ ಔಟ್‌ಸೈಡ್ ರಿಯರ್ ವ್ಯೂ ಮಿರರ್ ಹಾಗೂ ಪರಿಷ್ಕೃತ ಟೈಲ್ ಲ್ಯಾಂಪ್ ಆಯ್ಕೆಯನ್ನು ಕೊಡಲಾಗಿದೆ.