ಬಂದೇ ಬಿಡ್ತು ಹೊಸ ಮಾರುತಿ ಸೆಲೆರಿಯೊ

ಹೊಸದಿಲ್ಲಿ: ಭಾರತದ ಅತಿ ದೊಡ್ಡ ಪ್ರಯಾಣಿಕ ಕಾರು ಸಂಸ್ಥೆ ಮಾರುತಿ ಸುಜುಕಿ ಇಂಡಿಯಾ (ಎಂಎಸ್‌ಐ) ದೇಶದಲ್ಲಿ ನವೀಕೃತ ಮಾರುತಿ ಸೆಲೆರಿಯೊ ಕಾರನ್ನು ಬಿಡುಗಡೆಗೊಳಿಸಿದೆ.

ನೂತನ ಮಾರುತಿ ಸುಜುಕಿ ಸೆಲೆರಿಯೊ ಕಾರು ಪ್ರಮುಖವಾಗಿಯೂ ಕಾರಿನ ಹೊರಮೈ ಹಾಗೂ ಒಳಮೈಯಲ್ಲಿ ಗರಿಷ್ಠ ಬದಲಾವಣೆಗಳನ್ನು ಕಂಡುಬರಲಿದೆ.

ಬೆಲೆ: 4.15 (ಎಕ್ಸ್ ಶೋ ರೂಂ ದಿಲ್ಲಿ)

2014ನೇ ಇಸವಿಯಲ್ಲಿ ಮೊದಲ ಬಾರಿಗೆ ಬಿಡುಗಡೆಯಾಗಿದ್ದ ಮಾರುತಿ ಸೆಲೆರಿಯೊ ಆಟೋ ಗೇರ್ ಶಿಫ್ಟ್ (ಎಜಿಎಸ್) ತಂತ್ರಜ್ಞಾನವನ್ನೊಳಗೊಂಡಿರುವ ಮೊತ್ತ ಮೊದಲ ಕಾರಾಗಿದೆ. ಅಲ್ಲದೆ ಇದುವರೆಗೆ ಮೂರು ಲಕ್ಷಕ್ಕೂ ಹೆಚ್ಚು ಮಾರಾಟವನ್ನು ದಾಖಲಿದೆ.

ಕಾರಿನ ಹೊರಮೈಯಲ್ಲಿ ಪರಿಷ್ಕೃತ ಫ್ರಂಟ್ ಗ್ರಿಲ್, ಕ್ರೋಮ್ ಸ್ಪರ್ಶತೆ, ಹೊಸ ಫಾಗ್ ಲ್ಯಾಂಪ್, ರಿಯರ್ ಬಂಪರ್ ಇತ್ಯಾದಿ ವ್ಯವಸ್ಥೆಗಳು ಕಂಡುಬರಲಿದೆ. ಹಾಗೆಯೇ ಕಾರಿನ ಒಳಗಡೆ ಹೊಸ ಬ್ಲ್ಯಾಕ್ ಇಂಟಿರಿಯರ್, ಪ್ರೀಮಿಯಂ ಸೀಟು ವ್ಯವಸ್ಥೆಗಳು ಇರಲಿದೆ.

ಹಾಗಿದ್ದರೂ ಎಂಜಿನ್ ತಾಂತ್ರಿಕತೆಯಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ. ಇದರಲ್ಲಿರುವ 1 ಲೀಟರ್ ಪೆಟ್ರೋಲ್ ಎಂಜಿನ್ 90 ಎನ್ ಎಂ ತಿರುಗುಬಲದಲ್ಲಿ 67 ಅಶ್ವಶಕ್ತಿ ಉತ್ಪಾದಿಸಲಿದ್ದು, ಐದು ಸ್ಪೀಡ್ ಗೇರ್ ಬಾಕ್ಸ್ ಇರಲಿದೆ.

ಪೆಟ್ರೋಲ್ ಹೊರತಾಗಿ ಸಿಎನ್‌ಜಿ ಆಯ್ಕೆಯೂ ಇರುತ್ತದೆ. ಇನ್ನು ಸುರಕ್ಷತೆ ದೃಷ್ಟಿಕೋನದಲ್ಲಿ ಚಾಲಕ ಬದಿಯ ಏರ್ ಬ್ಯಾಗ್, ಸೀಟ್ ಬೆಲ್ಟ್ ರಿಮೈಂಡರ್ ಜೊತೆಗೆ ಎಬಿಎಸ್ ಐಚ್ಛಿಕ ಆಯ್ಕೆಯೂ ದೊರಕಲಿದೆ.